ਨੂਰਪੁਰ ਬੇਦੀ, 5 ਦਸੰਬਰ (ਵਿੰਦਰਪਾਲ ਝਾਂਡੀਆਂ)-ਨੂਰਪੁਰ ਬੇਦੀ ਇਲਾਕੇ ਦੇ ਪਿੰਡ ਲਾਲਪੁਰ ਦੇ ਹਰਦੀਪ ਸੈਣੀ ਸਪੁੱਤਰ ਸੋਹਣ ਲਾਲ ਸੈਣੀ ਨੇ ਬੀ. ਐਸ. ਸੀ. ਨਰਸਿੰਗ ਬੈਚ 2023-2027 ਤੀਜਾ ਸਮੈਸਟਰ ਦੇ ਆਏ ਨਤੀਜੇ 'ਚ ਜਮਾਤ 'ਚੋਂ ਤੀਜਾ ਸਥਾਨ ਪ੍ਰਾਪਤ ਕੀਤਾ | ਇਸ ਸੰਬੰਧੀ ਹਰਦੀਪ ਸੈਣੀ ਦੇ ਪਿਤਾ ਸੋਹਣ ਲਾਲ ਸੈਣੀ ਨੇ ਦੱਸਿਆ ਉਨ੍ਹਾਂ ਦਾ ਸਪੁੱਤਰ ਜੋ ਕਿ ਨਰਸਿੰਗ ਵਿੱਦਿਅਕ ਖੇਤਰ 'ਚ ਨਾਮਵਰ ਸੰਸਥਾ ਗੁਰੂ ਨਾਨਕ ਕਾਲਜ ਆਫ਼ ਨਰਸਿੰਗ ਢਾਹਾਂ ਕਲੇਰਾਂ ਵਿਖੇ ਬੀ. ਐਸ . ਸੀ. ਨਰਸਿੰਗ ਦੀ ਪੜ੍ਹਾਈ ਕਰ ਰਿਹਾ ਹੈ | ਉਨ੍ਹਾਂ ਨੇ ਦੱਸਿਆ ਕਿ ਬੀ. ਐਸ. ਸੀ. ਨਰਸਿੰਗ (ਤੀਜਾ ਸਮੈਸਟਰ) ਜਮਾਤ 'ਚੋਂ ਤੀਜਾ ਸਥਾਨ ਹਾਸਿਲ ਕੀਤਾ ਹੈ | ਉਨ੍ਹਾਂ ਨੇ ਬੀ. ਐਸ. ਸੀ. ਨਰਸਿੰਗ ਦੇ ਇਸ ਸ਼ਾਨਦਾਰ ਨਤੀਜਿਆਂ ਲਈ ਸੰਸਥਾ ਦੇ ਮਿਹਨਤੀ ਅਧਿਆਪਕਾਂ ਨੂੰ ਵਧਾਈ ਦਿੱਤੀ ਹੈ | ਜਿਨ੍ਹਾਂ ਦੀ ਮਿਹਨਤ ਬਦੌਲਤ ਉਨਾਂ ਦੇ ਲੜਕੇ ਨੇ ਜਮਾਤ 'ਚੋਂ ਤੀਜਾ ਸਥਾਨ ਹਾਸਿਲ ਕੀਤਾ ਹੈ | ਇਸ ਸੰਬੰਧੀ ਹਰਦੀਪ ਸੈਣੀ ਦੀ ਇਸ ਪ੍ਰਾਪਤੀ ਲਈ ਰਿਸ਼ਤੇਦਾਰਾਂ ਮਿੱਤਰਾਂ ਸੱਜਣਾਂ ਪਿੰਡ ਦੇ ਮੁਹਤਬਰਾਂ ਨੇ ਵਧਾਈ ਦਿੱਤੀ ਹੈ |
