19-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 19-12-2025

ਦਿੱਲੀ ਵਿਖੇ ਬਾਬਾ ਪੀਰ ਰਤਨ ਨਾਥ ਮੰਦਰ ਦੀ ਤੋੜਭੰਨ ਵਿਰੁੱਧ ਰੂਪਨਗਰ 'ਚ ਰੋਸ ਪ੍ਰਦਰਸ਼ਨ <br/>

Ad Position 21
No active advertisement
ਅਜੀਤ ਡੈਸਕ 19-12-2025
ਰੂਪਨਗਰ, 18 ਦਸੰਬਰ (ਸਤਨਾਮ ਸਿੰਘ ਸੱਤੀ)-ਮੰਦਰ ਦਰਗਾਹ ਬਾਬਾ ਸ੍ਰੀ ਪੀਰ ਰਤਨ ਨਾਥ ਜੀ ਆਦਿ ਗੁਰੂ ਸ੍ਰੀ ਗੋਰਖ ਨਾਥ ਜੀ, ਪੱਕਾ ਬਾਗ਼ ਰੂਪਨਗਰ ਵਿਖੇ ਮੰਦਰ ਦੇ ਸ਼ਰਧਾਲੂਆਂ ਤੇ ਸੇਵਕਾਂ ਵਲੋਂ ਦਿੱਲੀ 'ਚ ਸਥਿਤ ਮੰਦਰ ਦਰਗਾਹ ਬਾਬਾ ਸ੍ਰੀ ਪੀਰ ਰਤਨ ਨਾਥ ਜੀ ਝੰਡੇ ਵਾਲਾ, ਨਵੀਂ ਦਿੱਲੀ ਵਿਖੇ ਡੀ. ਡੀ. ਏ. ਤੇ ਐਮ. ਸੀ. ਡੀ. ਦੁਆਰਾ ਕੀਤੀ ਤੋੜਭੰਨ ਦੀ ਕਾਰਵਾਈ ਵਿਰੁੱਧ ਸਖ਼ਤ ਰੋਸ ਪ੍ਰਦਰਸ਼ਨ ਕੀਤਾ | ਇਸ ਮੌਕੇ ਨਗਰ ਕੌਂਸਲ ਰੂਪਨਗਰ ਦੇ ਪ੍ਰਧਾਨ ਅਸ਼ੋਕ ਵਾਹੀ ਨੇ ਸੰਬੋਧਨ ਕਰਦਿਆਂ ਦੋਸ਼ ਲਗਾਇਆ ਕਿ ਦਿੱਲੀ 'ਚ ਸਥਿਤ ਇਸ ਪ੍ਰਾਚੀਨ ਮੰਦਰ ਨਾਲ ਜੁੜੀ ਜ਼ਮੀਨ 'ਤੇ ਭਾਰਤੀ ਜਨਤਾ ਪਾਰਟੀ ਨੇ ਆਪਣੇ ਦਫ਼ਤਰ ਦਾ ਨਿਰਮਾਣ ਕਰਵਾਉਣ ਲਈ ਮੰਦਰ ਦੇ ਢਾਂਚੇ ਦੀ ਤੋੜ ਫੋੜ ਕੀਤੀ, ਬਿਜਲੀ ਕੱਟ ਦਿੱਤੀ ਗਈ ਹੈ, ਜਿਸ ਕਾਰਨ ਭਗਵਾਨ ਜੀ ਹਨੇਰੇ ਵਿਚ ਰਹਿ ਗਏ ਹਨ ਅਤੇ ਸ਼ਰਧਾਲੂ ਮੋਮਬਤੀਆਂ ਤੇ ਮੋਬਾਈਲ ਫੋਨਾਂ ਦੀ ਰੌਸ਼ਨੀ 'ਚ ਆਰਤੀ ਕਰਨ ਲਈ ਮਜਬੂਰ ਹਨ | ਉਨ੍ਹਾਂ ਕਿਹਾ ਕਿ ਮੰਦਰ ਦਾ ਜਨਰੇਟਰ ਰੂਮ ਤੋੜ ਦਿੱਤਾ ਗਿਆ ਹੈ, ਜਿਥੇ ਰੋਜ਼ਾਨਾ ਲੰਗਰ ਅਤੇ ਭੰਡਾਰਾ ਚੱਲਦਾ ਸੀ, ਉਹ ਸਾਰਾ ਢਾਂਚਾ ਮਲਬੇ 'ਚ ਤਬਦੀਲ ਕਰ ਦਿੱਤਾ ਗਿਆ ਹੈ | ਇਸ ਦੇ ਨਾਲ ਹੀ ਸਦੀਆਂ ਪੁਰਾਣਾ ਤੁਲਸੀ ਵਨ ਵੀ ਉਖਾੜ ਦਿੱਤਾ ਗਿਆ ਹੈ | ਅਸ਼ੋਕ ਵਾਹੀ ਨੇ ਕਿਹਾ ਕਿ ਜੋ ਪਾਰਟੀ ਧਰਮ ਤੇ ਸਭਿਆਚਾਰ ਦੀ ਰੱਖਿਆ ਦੀ ਗੱਲ ਕਰਦੀ ਹੈ, ਉਸ ਵਲੋਂ ਅਜਿਹੀ ਕਾਰਵਾਈ ਕਰਨਾ ਨਿੰਦਣਯੋਗ ਹੈ | ਉਨ੍ਹਾਂ ਨੇ ਭਾਰਤ ਦੇ ਪ੍ਰਧਾਨ ਮੰਤਰੀ ਅਤੇ ਆਰ. ਐਸ. ਐਸ. ਦੇ ਮੁਖੀ ਨੂੰ ਅਪੀਲ ਕੀਤੀ ਕਿ ਇਸ ਤੋੜਭੰਨ ਨੂੰ ਤੁਰੰਤ ਰੋਕਿਆ ਜਾਵੇ ਅਤੇ ਮੰਦਰ ਦੀ ਇਮਾਰਤ ਤੇ ਮਰਿਆਦਾ ਨੂੰ ਬਹਾਲ ਕੀਤਾ ਜਾਵੇ | ਇਸ ਮੌਕੇ ਮੰਦਰ ਦੇ ਪੁਜਾਰੀ ਤੇ ਪ੍ਰਬੰਧਕਾਂ ਨੇ ਵੀ ਦਿੱਲੀ ਵਿਖੇ ਮੰਦਰ ਦੇ ਢਾਂਚੇ ਨੂੰ ਤੋੜ ਕੇ ਉਸ ਨੂੰ ਪਾਰਟੀ ਦਫ਼ਤਰ ਲਈ ਵਰਤਣ ਦੀ ਸਖ਼ਤ ਨਿਖੇਧੀ ਕਰਦਿਆਂ ਮੰਗ ਕੀਤੀ ਕਿ ਇਹ ਕਾਰਵਾਈ ਤੁਰੰਤ ਬੰਦ ਕੀਤੀ ਜਾਵੇ |

Ad Position 22
No active advertisement
ਪਿਛਲੀ ਖ਼ਬਰ ਪੀ. ਜੀ. ਆਈ. ਚੰਡੀਗੜ੍ਹ ਦੇ ਮਰੀਜ਼ਾਂ ਲਈ ਟੇਡੇਵਾਲ ਦੀ ਸਰਬ ਸੰਗਤ ਵਲੋਂ ਦੇਸੀ ਘਿਓ 'ਚ ਤਿਆਰ ਲੰਗਰ ਭੇਜਿਆ ਅਗਲੀ ਖ਼ਬਰ ਬੇਲਾ ਕਾਲਜ ਦੀ ਮਹਿਲਾ ਹਾਕੀ ਟੀਮ ਦਾ ਸ਼ਾਨਦਾਰ ਪ੍ਰਦਰਸ਼ਨ <br/>
Ad Position 24