ਸੰਤ ਮਾਈਕਲ ਕੈਥੋਲਿਕ ਚਰਚ ਅਜਨਾਲਾ ਵਿਖੇ 25 ਸਾਲਾ ਜੁਬਲੀ ਸਮਾਰੋਹ ਕਰਵਾਇਆ

ਅ

ਅਜੀਤ ਡੈਸਕ 03-06-2025

ਅਜਨਾਲਾ, 2 ਜੂਨ (ਗੁਰਪ੍ਰੀਤ ਸਿੰਘ ਢਿੱਲੋਂ)-ਅਜਨਾਲਾ ਸ਼ਹਿਰ ਦੇ ਫ਼ਤਿਹਗੜ੍ਹ ਚੂੜੀਆਂ ਰੋਡ 'ਤੇ ਸਥਿਤ ਸੰਤ ਮਾਈਕਲ ਕੈਥੋਲਿਕ ਚਰਚ ਅਜਨਾਲਾ ਵਿਖੇ ਸ਼ਿਮਲਾ ਚੰਡੀਗੜ੍ਹ ਡਾਇਓਸਿਸ ਦੇ ਬਿਸ਼ਪ ਸਹਾਇਆ ਥੈਕਿਉਸ, ਫਾਦਰ ਲੈਰੈਂਸ, ਫਾਦਰ ਸਟੇਨਲੀ, ਫਾਦਰ ਪੀਟਰ, ਫਾਦਰ ਹੈਨਰੀ, ਫਾਦਰ ਫਰੈਂਡੀ, ਫਾਦਰ ਸੁਜ਼ਾਏ, ਫਾਦਰ ਐਡਵਿਨ, ਫਾਦਰ ਰੋਬਰਟ, ਫਾਦਰ ਐਂਨਥਨੀ ਅਤੇ ਫਾਦਰ ਜੋਸ਼ ਇਲੀਕਲ ਦੀ 25 ਸਾਲਾਂ ਜੁਬਲੀ ਸਮਾਰੋਹ ਬੜੇ ਉਤਸ਼ਾਹ ਅਤੇ ਧੂਮਧਾਮ ਨਾਲ ਮਨਾਇਆ ਗਿਆ | ਇਸ ਮੌਕੇ ਬੱਚਿਆਂ ਵਲੋਂ ਰੰਗਾਰੰਗ ਪ੍ਰੋਗਰਾਮ ਅਤੇ ਪ੍ਰਾਰਥਨਾ ਡਾਂਸ ਦੇ ਨਾਲ ਅਤੇ ਸਮੁੱਚੀ ਅਜਨਾਲਾ ਪੈਰਿਸ ਦੀ ਕਲੀਸੀਆ ਵਲੋਂ ਪੂਰੇ ਜ਼ੋਰਾਂ ਸ਼ੋਰਾਂ ਨਾਲ ਬਿਸ਼ਪ ਸਹਾਇਆ ਥੈਕਿਉਸ ਅਤੇ ਫਾਦਰ ਸਾਹਿਬਾਨ ਦਾ ਭਰਵਾਂ ਸਵਾਗਤ ਕੀਤਾ ਗਿਆ | ਅੰਤ ਵਿਚ ਸੰਤ ਮਾਈਕਲ ਕੈਥੋਲਿਕ ਚਰਚ ਅਜਨਾਲਾ ਦੇ ਫਾਦਰ ਜੋਸ਼ ਇਲੀਕਲ ਅਤੇ ਪੂਰੀ ਕਲੀਸੀਆ ਵਲੋਂ ਬਿਸ਼ਪ ਸਹਾਇਆ ਥੈਕਿਉਸ ਅਤੇ ਸਮੂਹ ਫਾਦਰ ਸਾਹਿਬਾਨਾਂ ਨੂੰ ਵਿਸ਼ੇਸ਼ ਤੌਰ 'ਤੇ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਵਿਸ਼ੇਸ਼ ਤੌਰ ਤੇ ਪਹੁੰਚੇ ਸਾਬਕਾ ਵਿਧਾਇਕ ਹਰਪ੍ਰਤਾਪ ਸਿੰਘ ਅਜਨਾਲਾ ਵਲੋਂ ਬਿਸ਼ਪ ਸਹਾਇਆ ਥੈਕਿਉਸ ਤੇ ਸਮੂਹ ਫਾਦਰ ਸਾਹਿਬਾਨ ਨੂੰ ਮੁਬਾਰਕਬਾਦ ਦਿੰਦਿਆਂ ਕੇਕ ਕੱਟ ਕੇ ਉਨ੍ਹਾਂ ਨਾਲ ਇਸ ਦਿਨ ਦੀ ਖ਼ੁਸ਼ੀ ਸਾਂਝੀ ਕੀਤੀ |
ਸਮਾਗਮ ਵਿਚ ਕਾਂਗਰਸ ਸ਼ਹਿਰੀ ਅਜਨਾਲਾ ਦੇ ਪ੍ਰਧਾਨ ਦਵਿੰਦਰ ਸਿੰਘ ਡੈਮ, ਕੌਂਸਲਰ ਗੁਰਦੇਵ ਸਿੰਘ ਨਿੱਝਰ, ਗੁਰਦੀਪ ਸਿੰਘ ਸਿਰਸਾ, ਸ਼ੁੱਭ ਸਿਰਸਾ, ਐਡਵੋਕੇਟ ਸੁਨੀਲਪਾਲ ਸਿੰਘ, ਰੋਹਿਤ ਪੁਰੀ ਲੱਕੀ, ਅਮਨਦੀਪ ਸਿੰਘ, ਠੇਕੇਦਾਰ ਅਸ਼ੋਕ ਮਸੀਹ, ਬਲਜਿੰਦਰ ਸਿੰਘ ਤੇ ਹੋਰ ਹਾਜ਼ਰ ਸਨ |

ਪਿਛਲੀ ਖ਼ਬਰ ਸੁਖਵਿੰਦਰ ਸਿੰਘ ਚਾਹਲ ਭਾਕਿਯੂ (ਰਾਜੇਵਾਲ) ਦੇ ਜ਼ਿਲ੍ਹਾ ਪ੍ਰੈੱਸ ਸਕੱਤਰ ਨਿਯੁਕਤ ਅਗਲੀ ਖ਼ਬਰ ਬਾਬਾ ਦਿਆਲ ਸ਼ਾਹ ਜੀ ਦੇ ਜੋੜ ਮੇਲੇ 'ਤੇ ਕਬੱਡੀ ਕੱਪ ਕਰਵਾਇਆ

ਸੰਤ ਮਾਈਕਲ ਕੈਥੋਲਿਕ ਚਰਚ ਅਜਨਾਲਾ ਵਿਖੇ 25 ਸਾਲਾ ਜੁਬਲੀ ਸਮਾਰੋਹ ਕਰਵਾਇਆ

ਸੰਬੰਧਿਤ ਖ਼ਬਰਾਂ