ਜ਼ਿਲ਼੍ਹਾ ਪ੍ਰਸ਼ਾਸਨ ਤੋਂ ਕੜਿਆਲ ਵਾਸੀਆਂ ਪਸ਼ੂਆਂ ਦੇ ਚਾਰੇ ਦੀ ਕੀਤੀ ਮੰਗ ਹੜ੍ਹਾਂ ਦੇ ਪਾਣੀ ਨੇ ਡੋਬੀ ਪਿੰਡ ਕੜਿਆਲ ਦੀ ਸੈਂਕੜੇ ਏਕੜ ਝੋਨੇ ਦੀ ਫ਼ਸਲ
ਹੜ੍ਹਾਂ ਦੀ ਲਪੇਟ ਵਿਚ ਆਏ ਪਿੰਡ ਕੜਿਆਲ ਦੇ ਇਲਾਕਿਆਂ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਕੁਲਵੰਤ ਸਿੰਘ ਸ਼ਾਹ, ਸ਼ੁਬੇਗ ਸਿੰਘ ਦੋਧੀ, ਹਰਦੀਪ ਸਿੰਘ, ਨਿਰਮਲ ਸਿੰਘ ਤੇ ਹੋਰ | ਤਸਵੀਰ : ਕੜਿਆਲ
<br/>
03-09-2025
ਬੀਤੀ ਦੇਰ ਰਾਤ ਸੱਕੀ ਨਾਲੇ ਵਿਚ ਵੱਡੀ ਮਾਤਰਾ ਵਿਚ ਆਏ ਹੜ੍ਹ ਦੇ ਪਾਣੀ ਕਾਰਨ ਪਿੰਡ ਕੜਿਆਲ ਦੀ ਸੈਂਕੜੇ ਏਕੜ ਝੋਨੇ ਦੀ ਫਸਲ ਡੁੱਬ ਗਈ, ਵੱਡੀ ਮਾਤਰਾ ਵਿਚ ਆਏ ਪਾਣੀ ਕਾਰਨ ਜਿਥੇ ਪਸ਼ੂਆਂ ਲਈ ਚਾਰੇ ਦਾ ਵੱਡਾ ਨੁਕਸਾਨ ਹੋਇਆ ਹੈ ੳੇਥੇ ਹੀ ਕਿਸਾਨਾਂ ਵਲੋਂ ਕਾਸ਼ਤ ਕੀਤੀ ਸਬਜ਼ੀਆਂ ਦੀ ਫ਼ਸਲ ਦਾ ਵੀ ਵੱਡਾ ਨੁਕਸਾਨ ਹੋਇਆ ਹੈ | ਇਸ ਸੰਬੰਧੀ 'ਅਜੀਤ' ਨਾਲ ਗੱਲਬਾਤ ਕਰਦਿਆਂ ਪਿੰਡ ਕੜਿਆਲ ਦੇ ਸਾ. ਸਰਪੰਚ ਨਿਰਮਲ ਸਿੰਘ ਮਨਿਆਲੀਆ, ਬਗੀਚਾ ਸਿੰਘ ਸੰਧੂ, ਕੁਲਵੰਤ ਸਿੰਘ ਸ਼ਾਹ, ਨੰਬਰਦਾਰ ਸ਼ੁਬੇਗ ਸਿੰਘ ਦੋਧੀ, ਡਾ. ਗੁਰਮੇਲ ਸਿੰਘ ਮਨਿਆਲੀਆਹਰਦੀਪ ਸਿੰਘ, ਭੁਪਿੰਦਰ ਸਿੰਘ, ਹਰਜੀਤ ਸਿੰਘ, ਹਰਪ੍ਰੀਤ ਸਿੰਘ, ਨਿਰਮਲ ਸਿੰਘ ਨੇ ਦੱਸਿਆ ਕਿ ਬੀਤੀ ਰਾਤ ਆਏ ਹੜਾਂ ਦੇ ਪਾਣੀ ਨੇ 1988 ਵਿਚ ਆਏ ਭਾਰੀ ਹੜਾਂ ਦੀ ਯਾਦ ਕਰਵਾਈ ਹੈ | ਸਮੂਹ ਪਿੰਡ ਵਾਸੀਆਂ ਨੇ ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਸਮਾਜ ਸੇਵੀ ਸੰਸਥਾਵਾਂ ਤੋਂ ਪਸ਼ੂਆਂ ਦੇ ਚਾਰੇ ਦੀ ਸਪਲਾਈ ਕਰਨ ਦੀ ਮੰਗ ਕੀਤੀ |
