ਰਾਜਾਸਾਂਸੀ, 20 ਦਸੰਬਰ (ਹਰਦੀਪ ਸਿੰਘ ਖੀਵਾ)-ਸ਼੍ਰੋਮਣੀ ਅਕਾਲੀ ਦਲ ਦਾ ਟੀਚਾ 2027 ਦੀਆਂ ਵਿਧਾਨ ਸਭਾ ਦੀਆਂ ਵੋਟਾਂ ਉਪਰ ਹੈ, ਤੁਸੀ ਸਾਰੇ ਇੱਕਜੁਟ ਹੋ ਕੇ ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਲਈ ਜ਼ੋਰ ਲਗਾਓ ਤਾਂ ਜੋ ਸੂਬੇ ਵਿਚ ਸ਼੍ਰੋਮਣੀ ਅਕਾਲੀ ਦਲ ਦੀ ਸਰਕਾਰ ਬਣਾ ਕੇ ਸੁਖਬੀਰ ਸਿੰਘ ਬਾਦਲ ਨੂੰ ਮੁੱਖ ਮੰਤਰੀ ਬਣਾਈਏ ਅਤੇ ਹਲਕੇ ਦਾ ਵੱਧ ਤੋਂ ਵੱਧ ਵਿਕਾਸ ਕਰਵਾਈਏ | ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਸ਼੍ਰੋਮਣੀ ਅਕਾਲੀ ਦਲ ਹਲਕਾ ਰਾਜਾਸਾਂਸੀ ਦੇ ਇੰਚਾਰਜ ਤੇ ਸਾਬਕਾ ਵਿਧਾਇਕ ਵੀਰ ਸਿੰਘ ਲੋਪੋਕੇ ਵਲੋਂ ਜ਼ਿਲ੍ਹਾ ਪ੍ਰੀਸ਼ਦ ਅਤੇ ਬਲਾਕ ਸੰਮਤੀਆਂ ਦੇ ਚੋਣ ਨਤੀਜਿਆਂ ਤੋਂ ਬਾਅਦ ਜੋਨ ਹਰਸ਼ਾ ਛੀਨਾ ਦੇ ਅਕਾਲੀ ਨੌਜਵਾਨ ਆਗੂ ਅਨਮੋਲ ਵੜੈਚ ਅਦਲੀਵਾਲਾ, ਲੋਪੋਕੇ ਤੋਂ ਸਿੰਘ ਲੋਪੋਕੇ, ਸੌੜੀਆਂ ਤੋਂ ਤਲਵਿੰਦਰ ਸਿੰਘ ਸੋਨੂੰ ਸੌੜੀਆਂ, ਭਿੱਟੇਵੱਡ ਤੋਂ ਬਚਨ ਨਾਥ ਭਿੱਟੇਵੱਡ ਤੇ ਸੁਬੇਗ ਸਿੰਘ ਰੰਧਾਵਾ ਲੋਪੋਕੇ ਸਮੇਤ ਹਲਕੇ ਦੇ ਸਮੂਹ ਸੰਮਤੀ ਤੇ ਜ਼ਿਲ੍ਹਾ ਪ੍ਰੀਸ਼ਦ ਉਮੀਦਵਾਰਾਂ ਦੇ ਸਨਮਾਨ ਕਰਨ ਮੌਕੇ ਅਤੇ ਹਲਕੇ ਦੇ ਅਕਾਲੀ ਵਰਕਰਾਂ ਦੀ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਕੀਤਾ | ਇਸ ਦੌਰਾਨ ਸੀਨੀਅਰ ਅਕਾਲੀ ਆਗੂ ਰਾਣਾ ਰਣਬੀਰ ਸਿੰਘ ਲੋਪੋਕੇ, ਸ਼੍ਰੋਮਣੀ ਕਮੇਟੀ ਮੈਂਬਰ ਸੁਰਜੀਤ ਸਿੰਘ ਭਿੱਟੇਵੱਡ ਨੇ ਜ਼ੋਨ ਲੋਪੋਕੇ ਅਤੇ ਜ਼ੋਨ ਭਿੱਟੇਵੱਡ ਤੇ ਸੌੜੀਆਂ ਤੋਂ ਜੇਤੂ ਮੈਂਬਰਾਂ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਇਨ੍ਹਾਂ ਜਿੱਤੇ ਉਮੀਦਵਾਰਾਂ ਸਮੇਤ ਸਾਰੇ ਹੀ ਉਮੀਦਵਾਰਾਂ ਤੇ ਵਰਕਰਾਂ ਦੀ ਪੂਰੀ ਮਿਹਨਤ ਨਾਲ ਵਿਰੋਧੀ ਧਿਰ ਦੇ ਚੋਣ ਮੁਕਾਬਲੇ ਵਿਚ ਰਹੇ ਹਨ ਇਸ ਲਈ ਉਹ ਅਤੇ ਸਮੁੱਚਾ ਸ਼੍ਰੋਮਣੀ ਅਕਾਲੀ ਦਲ ਸਦਾ ਉਨ੍ਹਾਂ ਦਾ ਰਿਣੀ ਰਹੇਗਾ | ਉਨ੍ਹਾਂ ਕਿਹਾ ਕਿ ਜ਼ੋਨ ਲੋਪੋਕੇ ਦੀ ਜ਼ਿਲ੍ਹਾ ਪ੍ਰੀਸ਼ਦ ਜਿੱਤੀ ਹੋਈ ਸੀ ਪਰੰਤੂ ਆਪ ਸਰਕਾਰ ਵਲੋਂ ਧੱਕੇਸ਼ਾਹੀ ਨਾਲ ਹਰਾ ਦਿੱਤੀ ਗਈ | ਇਸ ਮੌਕੇ ਗੁਰਦੀਪ ਸਿੰਘ ਸਾਬਕਾ ਸਰਪੰਚ ਅਦਲੀਵਾਲਾ, ਬਲਦੇਵ ਸਿੰਘ ਸਾਬਕਾ ਸਰਪੰਚ ਅਦਲੀਵਾਲਾ, ਭਗਤ ਸਿੰਘ ਸਾਬਕਾ ਸਰਪੰਚ ਝੰਜੋਟੀ, ਜੋਗਾ ਸਿੰਘ ਸਾਬਕਾ ਸਰਪੰਚ ਮੁਗਲਾਨੀ ਕੋਟ, ਨੰਬਰਦਾਰ ਡਾ: ਸ਼ਰਨਜੀਤ ਸਿੰਘ ਲੋਪੋਕੇ, ਪੀ.ਏ ਬਲਕਰਨ ਸਿੰਘ, ਬਚਿੱਤਰ ਸਿੰਘ ਅਦਲੀਵਾਲਾ, ਰਾਮ ਸਿੰਘ ਅਦਲੀਵਾਲਾ, ਨੰਬਰਦਾਰ ਇੰਦਰਜੀਤ ਸਿੰਘ ਅਦਲੀਵਾਲਾ, ਸੁਖਮਨ ਸਿੰਘ ਸੰਨੀ ਵੜੈਚ, ਮਨਜੀਤ ਸਿੰਘ ਅਦਲੀਵਾਲਾ, ਨਵਪ੍ਰੀਤ ਸਿੰਘ ਅਦਲੀਵਾਲਾ, ਕੁਲਦੀਪ ਸਿੰਘ ਅਦਲੀਵਾਲਾ (ਆੜਤੀ), ਜਗਜੀਤ ਸਿੰਘ ਅਦਲੀਵਾਲਾ, ਜੋਬਨਪ੍ਰੀਤ ਸਿੰਘ ਵੜੈਚ ਮੈਂਬਰ ਪੰਚਾਇਤ ਅਦਲੀਵਾਲਾ, ਰਾਣਾ ਰਣਬੀਰ ਸਿੰਘ ਮੈਂਬਰ ਪੰਚਾਇਤ ਅਦਲੀਵਾਲਾ, ਰਾਜਿੰਦਰ ਸਿੰਘ ਰਾਜੂ ਅਦਲੀਵਾਲਾ, ਡਾ: ਹਰਪ੍ਰੀਤ ਸਿੰਘ ਅਦਲੀਵਾਲਾ, ਰਵਿੰਦਰ ਸਿੰਘ, ਸਾਹਬ ਸਿੰਘ, ਹਰਪ੍ਰੀਤ ਸਿੰਘ, ਸਤਿੰਦਰ ਸਿੰਘ ਆਦਿ ਹਾਜ਼ਰ ਸਨ |
