ਰਾਜਪੁਰਾ, 26 ਸਤੰਬਰ (ਜੀ.ਪੀ. ਸਿੰਘ)-ਥਾਣਾ ਸ਼ਹਿਰੀ ਦੀ ਪੁਲਿਸ ਨੇ ਭਾਰਤੀ ਸਟੇਟ ਬਾੈਕ ਦੀ ਰਾਜਪੁਰਾ ਸ਼ਾਖਾ ਦੇ ਮੈਨੇਜਰ ਦੀ ਸ਼ਿਕਾਇਤ 'ਤੇ ਇਕ ਵਿਅਕਤੀ ਵਲੋਂ ਬਾੈਕ ਤੋਂ ਕਰਜਾ ਲੈ ਕੇ ਕਿਸੇ ਹੋਰ ਕੰਮ ਲਈ ਵਰਤਣ ਦੇ ਦੋਸ਼ ਹੇਠ ਇਕ ਵਿਅਕਤੀ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ | ਜਾਣਕਾਰੀ ਅਨੁਸਾਰ ਉਮੇਸ਼ ਚੌਬੇ ਮੈਨੇਜਰ ਭਾਰਤੀ ਸਟੇਟ ਬੈਂਕ ਬ੍ਰਾਂਚ ਰਾਜਪੁਰਾ ਨੇ ਸ਼ਿਕਾਇਤ ਦਰਜ ਕਰਵਾਈ ਹੈ ਕਿ ਕਪਿਲ ਭੰਡਾਰੀ ਪੁੱਤਰ ਕੇਵਲ ਕਿ੍ਸ਼ਨ ਵਾਸੀ ਸ਼ਹੀਦ ਭਗਤ ਸਿੰਘ ਕਾਲੌਨੀ ਰਾਜਪੁਰਾ ਨੇ ਉਨ੍ਹਾਂ ਦੇ ਬਾੈਕ ਤੋਂ ਕਿਸੇ ਕੰਮ ਲਈ 10 ਲੱਖ ਰੁਪਏ ਦਾ ਕਰਜਾ ਲਿਆ ਸੀ | ਪ੍ਰੰਤੂ ਕਪਿਲ ਭੰਡਾਰੀ ਨੇ ਉਹ ਪੈਸਾ ਜਿਸ ਕੰਮ ਲਈ ਲਿਆ ਸੀ ਵਿਚ ਨਾਂਹ ਲਗਾ ਕੇ ਕਿਸੇ ਹੋਰ ਕੰਮ ਲਈ ਲਗਾ ਦਿੱਤਾ | ਜਿਸ ਕਾਰਨ ਉਸ ਦਾ ਖ਼ਾਤਾ ਐੱਨ.ਪੀ.ਏ. ਹੋ ਗਿਆ ਤੇ ਕਪਿਲ ਭੰਡਾਰੀ ਨੇ ਉਹ ਪੈਸਾ ਕਿਸੇ ਹੋਰ ਬੈਂਕ 'ਚ ਟ੍ਰਾਂਸਫਰ ਕਰਕੇ ਬੈਂਕ ਨਾਲ ਧੋਖਾਧੜੀ ਕੀਤੀ ਹੈ | ਥਾਣਾ ਸ਼ਹਿਰੀ ਦੀ ਪੁਲਿਸ ਨੇ ਬੈਂਕ ਮੈਨੇਜਰ ਦੀ ਸ਼ਿਕਾਇਤ 'ਤੇ ਕਪਿਲ ਭੰਡਾਰੀ ਖ਼ਿਲਾਫ਼ ਵੱਖ-ਵੱਖ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |
