ਰਾਜਪੁਰਾ, 24 ਦਸੰਬਰ (ਰਣਜੀਤ ਸਿੰਘ)-ਸਦਰ ਪੁਲਿਸ ਨੇ ਨਾਬਾਲਗ ਬੱਚੇ ਨਾਲ ਬਦਫੈਲੀ ਕਰਨ ਦੇ ਦੋਸ਼ 'ਚ ਕੇਸ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ | ਜਾਣਕਾਰੀ ਮੁਤਾਬਿਕ ਮੁਦਈ ਨੇ ਪੁਲਿਸ ਨੂੰ ਸ਼ਿਕਾਇਤ ਕਰਵਾਈ ਕਿ ਉਸ ਦੇ ਲੜਕੇ ਗਲੀ 'ਚ ਖੇਡ ਰਹੇ ਸਨ | ਇਸ ਦੌਰਾਨ ਕਥਿਤ ਦੋਸ਼ੀ ਮੌਕੇ 'ਤੇ ਆਇਆ ਅਤੇ ਮੁਦਈ ਦੇ ਵੱਡੇ ਲੜਕੇ ਜਿਸ ਦੀ ਉਮਰ 8 ਸਾਲ ਸੀ | ਉਸ ਨੂੰ ਖਿਡਾਉਣ ਦਾ ਬਹਾਨਾ ਬਣਾ ਕੇ ਆਪਣੇ ਨਾਲ ਖਾਲੀ ਮਕਾਨ 'ਚ ਲੈ ਗਿਆ | ਸ਼ਿਕਾਇਤ ਮੁਤਾਬਿਕ ਨਾਬਾਲਗ ਨਾਲ ਬਦਫੈਲੀ ਕੀਤੀ | ਇਸ ਸੰਬੰਧੀ ਪੁਲਿਸ ਨੇ ਕਰਨ ਪੁੱਤਰ ਬਿੰਦੀ ਦੇ ਖ਼ਿਲਾਫ਼ ਕੇਸ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |
