ਪੰਜਗਰਾੲੀਂ ਕਲਾਂ, 18 ਅਕਤੂਬਰ (ਸੁਖਮੰਦਰ ਸਿੰਘ ਬਰਾੜ)-ਜ਼ੋਨਲ ਅਥਲੈਟਿਕਸ ਮੁਕਾਬਲਿਆਂ 'ਚ ਗੁਰੂ ਨਾਨਕ ਦੇਵ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਜਿਉਣ ਵਾਲਾ-ਘਣੀਏ ਵਾਲਾ ਦੇ ਵਿਦਿਆਰਥੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਚੈਂਪੀਅਨਸ਼ਿਪ ਜਿੱਤ ਲਈ | ਪਿ੍ੰਸੀਪਲ ਸ਼ਸ਼ੀ ਬਾਲਾ ਨੇ ਦੱਸਿਆ ਕੇ ਦੌੜ (ਅੰਡਰ-14) 100 ਮੀ., 200 ਮੀ., 400 ਮੀ. ਅਤੇ 600 ਮੀ. ਵਿਚ ਲੜਕੇ ਅਤੇ ਲੜਕੀਆਂ ਪਹਿਲੇ ਤਿੰਨਾਂ ਸਥਾਨ 'ਤੇ ਕਬਜ਼ਾ ਕੀਤਾ | ਲੰਬੀ ਛਾਲ, ਗੋਲ਼ਾ ਸੁੱਟਣਾ, ਹਰਡਲਜ਼, ਰਿਲੇਅ ਦੌੜ ਵਿਚ ਵੀ ਲੜਕੇ ਅਤੇ ਲੜਕੀਆਂ ਨੇ ਪਹਿਲੇ ਤਿੰਨ ਸਥਾਨ ਹਾਸਿਲ ਕੀਤੇ | ਦੌੜ (ਅੰਡਰ-17) 100ਮੀ., 200ਮੀ., 800ਮੀ., 1500ਮੀ., 3000ਮੀ. ਪੈਦਲ ਵਾਕ, 5000 ਮੀ. ਵਾਕ, ਲੰਮੀ ਛਾਲ, ਗੋਲਾ ਸੁੱਟਣਾ, ਜੈਵਲਿਨ ਥਰੋਅ, ਰਿਲੇਅ ਦੌੜ, ਤੀਹਰੀ ਛਾਲ ਵਿਚ ਵੀ ਸਕੂਲ ਦੇ ਲੜਕੇ ਅਤੇ ਲੜਕੀਆਂ ਪਹਿਲਾ, ਦੂਜਾ ਅਤੇ ਤੀਜਾ ਸਥਾਨ ਹਾਸਿਲ ਕੀਤਾ | ਦੌੜ (ਅੰਡਰ-19) ਲੜਕੇ 100ਮੀ., 200ਮੀ., 400 ਮੀ., 1500ਮੀ. ਵਿਚ ਪਹਿਲਾ, ਦੂਜਾ ਅਤੇ ਤੀਜਾ ਸਥਾਨ ਹਾਸਿਲ ਕੀਤਾ | ਡਿਸਕਸ ਥਰੋਅ, ਲੰਬੀ ਛਾਲ, ਰਿਲੇਅ ਦੌੜ, 5000 ਮੀ. ਵਾਕ, ਹੈਮਰ ਥਰੋਅ, ਵਿਚ ਵੀ ਪਹਿਲਾ, ਦੂਜਾ ਅਤੇ ਤੀਜਾ ਸਥਾਨ ਹਾਸਿਲ ਕੀਤਾ | ਵਿਦਿਆਰਥੀਆਂ ਦੀ ਇਸ ਪ੍ਰਾਪਤੀ 'ਤੇ ਸਕੂਲ ਦੇ ਚੇਅਰਮੈਨ ਬਲਵੀਰ ਸਿੰਘ ਬਰਾੜ ਅਤੇ ਸਕੱਤਰ ਦਲਜੀਤ ਕੌਰ ਨੇ ਵਿਦਿਆਰਥੀਆਂ, ਅਧਿਆਪਕਾਂ ਅਤੇ ਉਨ੍ਹਾਂ ਦੇ ਮਾਪਿਆਂ ਨੂੰ ਵਧਾਈ ਦਿੱਤੀ |
