ਜੈਤੋ, 19 ਅਕਤੂਬਰ (ਗੁਰਚਰਨ ਸਿੰਘ ਗਾਬੜੀਆ)-ਲੇਖਕ ਅਤੇ ਕੰਪਿਊਟਰ ਅਧਿਆਪਕ ਪ੍ਰਮੋਦ ਧੀਰ ਵਲੋਂ ਆਪਣੀ ਲੋਕ ਅਰਪਣ ਕੀਤੀ ਪੁਸਤਕ 'ਜਗਦੀ ਅੱਖ ਜਗਾਏ ਆਸ' ਦੀਆਂ ਪੰਜ ਪੁਸਤਕਾਂ ਦਾ ਇਕ ਸੈੱਟ ਆਪਣੇ ਸਰਕਾਰੀ ਹਾਈ ਸਕੂਲ ਢੈਪਈ ਦੇ ਮੁੱਖ ਅਧਿਆਪਕਾ ਅਮਨਦੀਪ ਕੌਰ ਨੂੰ ਸਮੂਹ ਸਟਾਫ਼ ਦੀ ਮੌਜੂਦਗੀ ਵਿਚ ਭੇਟ ਕੀਤਾ ਤੇ ਸੰਸਥਾ ਪ੍ਰਤੀ ਵਧੀਆ ਸੇਵਾਵਾਂ ਨਿਭਾਉਣ 'ਤੇ ਮੁੱਖ ਅਧਿਆਪਕਾ ਨੂੰ ਸਨਮਾਨ ਪੱਤਰ ਦੇ ਕੇ ਸਨਮਾਨਿਤ ਵੀ ਕੀਤਾ ਗਿਆ | ਇਸ ਮੌਕੇ ਮੁੱਖ ਅਧਿਆਪਕਾ ਅਮਨਦੀਪ ਕੌਰ ਤੇ ਅਧਿਆਪਕ ਜਗਸੀਰ ਸਿੰਘ ਨੇ ਦੱਸਿਆ ਕਿ ਇਹ ਪੁਸਤਕ ਵਿਦਿਆਰਥੀਆਂ ਲਈ ਬਹੁਤ ਲਾਹੇਵੰਦ ਸਾਬਤ ਹੋਵੇਗੀ ਕਿਉਂਕਿ ਇਸ ਵਿਚ ਵਿਦਿਆਰਥੀਆਂ ਲਈ ਨੈਤਿਕ ਸਿੱਖਿਆ, ਆਮ ਜਾਣਕਾਰੀ, ਕੰਪਿਊਟਰ ਸਿੱਖਿਆ, ਆਰਟੀਫੀਸ਼ੀਅਲ ਇੰਟੈਲੀਜੈਂਸ, ਆਨਲਾਈਨ ਠੱਗੀ ਤੇ ਕਈ ਇਤਿਹਾਸਕ ਲੇਖਾਂ ਨੂੰ ਤੱਥਾਂ ਦੇ ਆਧਾਰ 'ਤੇ ਪੇਸ਼ ਕੀਤਾ ਗਿਆ ਹੈ | ਇਸ ਮੌਕੇ ਪਰਮਜੀਤ ਸਿੰਘ ਸਾਇੰਸ ਮਾਸਟਰ, ਪਰਮਜੀਤ ਸਿੰਘ ਪੰਜਾਬੀ ਮਾਸਟਰ, ਸਾਹਿਲ ਅਰੋੜਾ, ਅਮਨਦੀਪ ਸਿੰਘ, ਜਗਰੂਪ ਭੁੱਲਰ, ਨੀਰੂ ਗੋਇਲ, ਸ਼ਿਖਾ ਗੋਇਲ, ਕਰਮਦੀਪ ਕੌਰ, ਸ਼ਵੇਤਾ, ਦਲਜੀਤ ਕÏਰ ਅਤੇ ਪੂਜਾ ਰਾਣੀ, ਸੇਵਾਦਾਰ ਕਾਲਾ ਸਿੰਘ ਆਦਿ ਸਟਾਫ਼ ਵਲੋਂ ਲੇਖਕ ਪ੍ਰਮੋਦ ਧੀਰ ਨੂੰ ਮੁਬਾਰਕਬਾਦ ਦਿੱਤੀ ਗਈ |
