ਬੀ. ਆਰ. ਐੱਸ. ਨੇ ਕੇ. ਕਵਿਤਾ ਨੂੰ ਕੀਤਾ ਮੁਅੱਤਲ

ਹੈਦਰਾਬਾਦ, 2 ਸਤੰਬਰ (ਪੀ. ਟੀ. ਆਈ)-ਭਾਰਤ ਰਾਸ਼ਟਰ ਸੰਮਤੀ (ਬੀ. ਆਰ. ਐੱਸ.) ਨੇ ਆਪਣੀ ਐੱਮ. ਐੱਲ. ਸੀ. ਕੇ. ਕਵਿਤਾ ਨੂੰ ਪਾਰਟੀ ਵਿਰੋਧੀ ਸਰਗਰਮੀਆਂ ਲਈ ਪਾਰਟੀ ਤੋਂ ਮੁਅੱਤਲ ਕਰ ਦਿੱਤਾ ਹੈ। ਪਾਰਟੀ ਦੇ ਜਨਰਲ ਸਕੱਤਰ ਟੀ. ਰਵਿੰਦਰ ਰਾਓ ਅਤੇ ਇੱਕ ਹੋਰ ਜਨਰਲ ਸਕੱਤਰ (ਅਨੁਸ਼ਾਸਨੀ ਮਾਮਲਿਆਂ ਦੇ ਇੰਚਾਰਜ) ਸੋਮਾ ਭਰਤ ਕੁਮਾਰ ਨੇ ਮੀਡੀਆ ਨੂੰ ਜਾਰੀ ਬਿਆਨ ਵਿੱਚ ਕਿਹਾ ਕਿ ਕਵਿਤਾ ਦੇ ਪਿਤਾ ਅਤੇ ਬੀ.ਆਰ.ਐੱਸ. ਪ੍ਰਧਾਨ ਕੇ. ਚੰਦਰਸ਼ੇਖਰ ਰਾਓ ਨੇ ਉਨ੍ਹਾਂ ਨੂੰ ਤੁਰੰਤ ਪ੍ਰਭਾਵ ਨਾਲ ਮੁਅੱਤਲ ਕਰਨ ਦਾ ਫੈਸਲਾ ਕੀਤਾ ਹੈ। ਹਾਲ ਦੇ ਸਮੇਂ 'ਚ ਕਵਿਤਾ ਦਾ ਵਿਵਹਾਰ ਅਤੇ ਉਨ੍ਹਾਂ ਦੀਆਂ ਪਾਰਟੀ ਵਿਰੋਧੀ ਸਰਗਰਮੀਆਂ ਬੀ.ਆਰ.ਐੱਸ. ਨੂੰ ਨੁਕਸਾਨ ਪਹੁੰਚਾ ਰਹੀਆਂ ਹਨ।