ਸੋਨਭੱਦਰ (ਯੂ.ਪੀ.), 19 ਅਕਤੂਬਰ (ਪੀ.ਟੀ.ਆਈ.)-ਪੁਲਿਸ ਤੇ ਆਬਕਾਰੀ ਵਿਭਾਗ ਦੇ ਅਧਿਕਾਰੀਆਂ ਦੀ ਇਕ ਸਾਂਝੀ ਟੀਮ ਨੇ ਉੱਤਰ ਪ੍ਰਦੇਸ਼ ਦੇ ਸੋਨਭੱਦਰ ਜ਼ਿਲ੍ਹੇ ਦੇ ਚੁਰਕ ਨੇੜੇ ਪਾਬੰਦੀਸ਼ੁਦਾ ਖੰਘ ਦੀ ਦਵਾਈ ਜ਼ਬਤ ਕੀਤੀ ਹੈ, ਜੋ ਗਾਜ਼ੀਆਬਾਦ ਤੋਂ ਝਾਰਖੰਡ ਦੋ ਟਰੱਕਾਂ 'ਚ ਲਿਜਾਈ ਜਾ ਰਹੀ ਸੀ | ਜਾਣਕਾਰੀ ਅਨੁਸਾਰ ਲਗਭਗ 3 ਕਰੋੜ ਰੁਪਏ ਦੀਆਂ 1.19 ਲੱਖ ਬੋਤਲਾਂ ਸਨਿਚਰਵਾਰ ਸ਼ਾਮ ਨੂੰ ਜ਼ਬਤ ਕੀਤੀਆਂ ਗਈਆਂ ਸਨ ਤੇ ਤਿੰਨ ਮੁਲਜ਼ਮਾਂ ਨੂੰ ਗਿ੍ਫ਼ਤਾਰ ਕੀਤਾ ਗਿਆ ਹੈ | ਉਨ੍ਹਾਂ ਕਿਹਾ ਕਿ ਖੰਘ ਦੀ ਦਵਾਈ ਦੀ ਜਾਂਚ ਕਰਨ ਤੋਂ ਬਾਅਦ ਪੁਸ਼ਟੀ ਕਰਤਾ ਨੇ ਇਸ ਵਿਚ ਨਸ਼ੀਲੇ ਪਦਾਰਥ ਕੋਡੀਨ ਦੀ ਮੌਜੂਦਗੀ ਦੱਸੀ, ਜੋ ਪਾਬੰਦੀਸ਼ੁਦਾ ਦਵਾਈ ਦੀ ਸ਼੍ਰੇਣੀ 'ਚ ਆਉਂਦਾ ਹੈ | ਅਧਿਕਾਰੀ ਨੇ ਕਿਹਾ ਕਿ ਮੁਲਜ਼ਮ ਹੇਮੰਤ ਪਾਲ, ਬ੍ਰਜਮੋਹਨ ਸ਼ਿਵਹਰੇ ਤੇ ਰਾਮਗੋਪਾਲ ਧਾਕੜ ਨੇ ਪੁੱਛਗਿੱਛ ਦੌਰਾਨ ਖੁਲਾਸਾ ਕੀਤਾ ਕਿ ਉਹ ਪੁਲਿਸ ਤੋਂ ਬਚਣ ਲਈ ਨਸ਼ੀਲੇ ਪਦਾਰਥ ਸਨੈਕਸ ਦੇ ਡੱਬਿਆਂ ਵਿਚਕਾਰ ਰੱਖਦੇ ਸਨ |
