ਜੈਪੁਰ, 3 ਨਵੰਬਰ (ਪੀ.ਟੀ.ਆਈ.)-ਜੈਪੁਰ 'ਚ ਇਕ ਤੇਜ਼ ਰਫ਼ਤਾਰ ਡੰਪਰ ਟਰੱਕ ਨੇ ਇਕ ਤੋਂ ਬਾਅਦ 17 ਵਾਹਨਾਂ ਨੂੰ ਟੱਕਰ ਮਾਰ ਦਿੱਤੀ | ਜਿਸ ਕਾਰਨ ਇਸ 'ਚ 13 ਲੋਕਾਂ ਦੀ ਮÏਤ ਹੋ ਗਈ | ਇਸ ਹਾਦਸੇ 'ਚ 10 ਲੋਕ ਜ਼ਖਮੀ ਹੋਏ, ਜਿਨ੍ਹਾਂ ਚੋਂ 6 ਗੰਭੀਰ ਜ਼ਖਮੀਆਂ ਨੂੰ ਐਸ.ਐਮ.ਐਸ. ਹਸਪਤਾਲ ਟਰਾਮਾ ਸੈਂਟਰ 'ਚ ਦਾਖਲ ਕਰਵਾਇਆ ਗਿਆ | ਪੁਲਿਸ ਨੇ ਦੱਸਿਆ ਕਿ ਹਾਦਸਾ ਸੋਮਵਾਰ ਦੁਪਹਿਰ ਨੂੰ ਹਰਮਦਾ ਦੇ ਲੋਹਾ ਮੰਡੀ 'ਚ ਵਾਪਰਿਆ | ਦੁਪਹਿਰ 1 ਵਜੇ ਦੇ ਕਰੀਬ ਡੰਪਰ ਹਾਈਵੇਅ 'ਤੇ ਜਾਣ ਲਈ ਰੋਡ ਨੰਬਰ 14 ਤੋਂ ਲੋਹਾ ਮੰਡੀ ਪੈਟਰੋਲ ਪੰਪ ਵੱਲ ਜਾ ਰਿਹਾ ਸੀ | ਇਸ ਦÏਰਾਨ ਇਸ ਨੇ ਵਾਹਨਾਂ ਨੂੰ ਟੱਕਰ ਮਾਰ ਦਿੱਤੀ | ਲੋਕਾਂ ਨੇ ਡੰਪਰ ਡਰਾਈਵਰ ਨੂੰ ਮੌਕੇ 'ਤੇ ਫੜ ਲਿਆ | ਜਿਸ ਦੀ ਪਛਾਣ ਵਿਰਾਟਨਗਰ ਦੇ ਕਲਿਆਣ ਮੀਣਾ ਵਜੋਂ ਹੋਈ | ਜੋ ਕਿ ਸ਼ਰਾਬ ਪੀ ਕੇ ਡੰਪਰ ਚਲਾ ਰਿਹਾ ਸੀ ਤੇ ਇਸ ਸਮੇਂ ਹਸਪਤਾਲ 'ਚ ਇਲਾਜ ਅਧੀਨ ਹੈ | ਹੈਡ ਕਾਂਸਟੇਬਲ ਰਵਿੰਦਰ ਨੇ ਕਿਹਾ ਕਿ ਹਾਦਸਾ ਇਨ੍ਹਾਂ ਭਿਆਨਕ ਸੀ ਕਿ ਮਿ੍ਤਕਾਂ 'ਚੋਂ ਬਹੁਤ ਸਾਰੇ ਲੋਕਾਂ ਦੇ ਅੰਗ ਕੱਟ ਗਏ |
