ਕਿਸ਼ਨਪੁਰਾ ਕਲਾਂ, 3 ਜੂਨ (ਅਮੋਲਕ ਸਿੰਘ ਕਲਸੀ)- ਬਲੌਜ਼ਮਜ਼ ਕਾਨਵੈਂਟ ਸਕੂਲ ਵਿਖੇ ਸੀ.ਬੀ.ਐਸ.ਈ. ਵਲੋਂ ਦਿੱਤੀਆਂ ਹਦਾਇਤਾਂ ਅਨੁਸਾਰ ਸਮਰ ਕੈਂਪ ਦੇ ਅੱਜ ਛੇਵੇਂ ਦਿਨ ਹਰਿਆਣੇ ਦੇ ਨਕਸ਼ੇ 'ਤੇ ਉੱਥੋਂ ਦੇ ਹਰ ਪੱਖ ਤੋਂ ਜਾਣੰੂ ਕਰਵਾਇਆ | ਇਸ ਦੇ ਨਾਲ ਹੀ ਉੱਥੋਂ ਦੇ ਮਹੱਤਵਪੂਰਨ ਸਥਾਨਾਂ ਦੀ ਜਾਣਕਾਰੀ ਵੀ ਦਿੱਤੀ ਗਈ | ਇਸ ਮੌਕੇ ਸਕੂਲ ਦੇ ਪਿ੍ੰਸੀਪਲ ਡਾ. ਨਵਨੀਤ ਕੌਰ ਨੇ ਗੱਲਬਾਤ ਦੌਰਾਨ ਦੱਸਿਆ ਕਿ ਨਕਸ਼ੇ ਦੁਆਰਾ ਵਿਦਿਆਰਥੀਆਂ ਨੂੰ ਕਿਸੇ ਵੀ ਸ਼ਹਿਰ ਦੇਸ਼ ਜਾਂ ਪ੍ਰਾਂਤ ਦੇ ਬਹੁਤ ਨੇੜੇ ਕੀਤਾ ਜਾ ਸਕਦਾ ਹੈ | ਅੱਜ ਦੇ ਵਿਗਿਆਨਿਕ ਯੁੱਗ ਨਾਲ ਵਿਦਿਆਰਥੀ ਮੈਪ ਦੁਆਰਾ ਦੁਨੀਆ ਦੇ ਕਿਸੇ ਵੀ ਕੋਨੇ ਨੂੰ ਆਪਣੇ ਘਰ ਬੈਠੇ ਜਾਣ ਸਕਦੇ ਹਨ | ਅੱਜ ਹਰਿਆਣੇ ਦੇ ਨਕਸ਼ੇ ਦੀ ਜਾਣਕਾਰੀ ਰਾਹੀਂ ਉੱਥੋਂ ਦੀ ਖ਼ੂਬਸੂਰਤੀ, ਉੱਥੋਂ ਦੇ ਇਤਿਹਾਸਿਕ ਸਥਾਨ ਆਦਿ ਸਾਂਝੇ ਕਰਕੇ ਇਨ੍ਹਾਂ ਦੇ ਗਿਆਨ ਵਿਚ ਵਾਧਾ ਕੀਤਾ | ਇਸ ਮੌਕੇ ਸਕੂਲ ਦੇ ਪੈ੍ਰਜ਼ੀਡੈਂਟ ਮਨਪ੍ਰੀਤ ਸਿੰਘ ਬਰਾੜ ਨੇ ਵੀ ਕਿਹਾ ਕਿ ਅਸੀਂ ਵਿਦਿਆਰਥੀਆਂ ਨੂੰ ਹਰ ਪੱਖੋਂ ਸੰਪੂਰਨ ਬਣਾਉਣ ਵਿਚ ਵਿਸ਼ਵਾਸ ਰੱਖਦੇ ਹਾਂ | ਇਸ ਮੌਕੇ ਸਮੂਹ ਸਕੂਲ ਸਟਾਫ਼ ਹਾਜ਼ਰ ਸਨ |