ਬਾਘਾ ਪੁਰਾਣਾ, 3 ਸਤੰਬਰ (ਟਿੰਕੂ ਕਾਠਪਾਲ, ਗੁਰਮੀਤ ਸਿੰਘ ਮਾਣੰੂਕੇ)-ਸਥਾਨਕ ਸ਼ਹਿਰ ਮੋਗਾ ਰੋਡ ਬਾਘਾ ਪੁਰਾਣਾ ਵਿਖੇ ਡਿਵਾਈਨ ਦਸਤਾਰ ਦੇ ਉਦਘਾਟਨ ਮੌਕੇ ਡੀ.ਐਸ.ਪੀ. ਬਾਘਾ ਪੁਰਾਣਾ ਦਲਵੀਰ ਸਿੰਘ, ਓਮ ਖੁਰਾਣਾ, ਗੌਰਵ ਖੁਰਾਣਾ ਸਾਹਿਲ ਅਰੋੜਾ, ਸ਼੍ਰੀਮਤੀ ਕੈਲਾਸ਼ ਰਾਣੀ, ਕਾਜਲ ਖੁਰਾਣਾ, ਭਾਵਕ ਖੁਰਾਨਾ, ਵੀਹਾਨ ਖੁਰਾਨਾ ਚੰਦਨ ਖੁਰਾਣਾ ਨੇ ਹੜ੍ਹ ਪੀੜਤਾਂ ਲਈ ਤਿੰਨ ਗੱਡੀਆਂ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ | ਇਨ੍ਹਾਂ 'ਚੋਂ ਇਕ ਗੱਡੀ ਪਸ਼ੂਆਂ ਲਈ ਫੀਡ ਅਤੇ ਅਚਾਰ ਨਾਲ ਭਰੀ ਹੋਈ ਸੀ, ਜਦ ਕਿ ਇਕ ਹੋਰ ਗੱਡੀ ਵਿਚ 250 ਪੈਕਟ ਰਾਸ਼ਨ ਸਮਗਰੀ ਲੋਕਾਂ ਲਈ ਭੇਜੀ ਗਈ | ਸਿੱਖ ਨੌਜਵਾਨਾਂ ਨੂੰ ਦਸਤਾਰ ਦੇ ਕੱਪੜੇ ਸਬੰਧੀ ਆ ਰਹੀਆਂ ਮੁਸ਼ਕਲਾਂ ਨੂੰ ਧਿਆਨ ਵਿਚ ਰੱਖਦਿਆਂ ਓਮ ਪ੍ਰਕਾਸ਼ ਖੁਰਾਣਾ ਅਤੇ ਉਨ੍ਹਾਂ ਦੇ ਸਪੁੱਤਰ ਗੌਰਵ ਖੁਰਾਣਾ ਵਲੋਂ ਇਸ ਸਟੋਰ ਦੀ ਸ਼ੁਰੂਆਤ ਕੀਤੀ ਗਈ | ਉਦਘਾਟਨ ਸਮਾਗਮ ਵਿਚ ਡਿਵਾਈਨ ਦਸਤਾਰ ਦੇ ਹੈੱਡ ਗੌਰਵ ਖੁਰਾਣਾ, ਏਰੀਆ ਮੈਨੇਜਰ ਦੀਪਕ ਸ਼ਰਮਾ, ਪੰਜਾਬ ਸੇਲ ਹੈੱਡ ਗੁਰਪ੍ਰੀਤ ਸਿੰਘ, ਸੇਲ ਮੈਨੇਜਰ ਸੰਨਦੀਪ ਸਿੰਘ ਅਤੇ ਮਨਦੀਪ ਸਿੰਘ ਸਮੇਤ ਪੂਰੀ ਟੀਮ ਹਾਜ਼ਰ ਸੀ | ਗੌਰਵ ਖੁਰਾਣਾ ਨੇ ਦੱਸਿਆ ਕਿ ਡਿਵਾਈਨ ਦਸਤਾਰ ਪੱਗਾਂ ਲਈ ਉੱਚ ਗੁਣਵੱਤਾ ਵਾਲਾ ਸੂਤੀ ਕੱਪੜਾ ਤਿਆਰ ਕਰਦੀ ਹੈ, ਜਿਸ ਨੂੰ 450 ਤੋਂ ਵੱਧ ਰੰਗਾਂ ਵਿਚ ਉਪਲਬਧ ਕਰਵਾਇਆ ਗਿਆ ਹੈ | ਉਨ੍ਹਾਂ ਨੇ ਇਹ ਵੀ ਐਲਾਨ ਕੀਤਾ ਕਿ ਬਹੁਤ ਜਲਦੀ ਡਿਵਾਈਨ ਦਸਤਾਰ ਦੇ ਸਟੋਰ ਭਾਰਤ ਦੇ ਹਰ ਸ਼ਹਿਰ ਵਿਚ ਖੋਲ੍ਹੇ ਜਾਣਗੇ | ਇਸ ਮੌਕੇ ਹੋਰ ਸਟਾਫ਼ ਵੀ ਹਾਜ਼ਰ ਸੀ |
