ਬਾਘਾ ਪੁਰਾਣਾ, 4 ਸਤੰਬਰ (ਟਿੰਕੂ ਕਾਠਪਾਲ)-ਸ੍ਰੀ ਦੁਰਗਾ ਮੰਦਰ ਪ੍ਰਬੰਧਕ ਕਮੇਟੀ ਦੀ ਇਕ ਵਿਸ਼ੇਸ਼ ਮੀਟਿੰਗ ਦੁਰਗਾ ਮੰਦਰ ਵਿਖੇ ਪ੍ਰਧਾਨ ਰਮਨ ਮਿੱਤਲ ਦੀ ਅਗਵਾਈ ਹੇਠ ਸਰਪ੍ਰਸਤ ਵਿਜੇ ਬਾਂਸਲ ਦੀ ਹਾਜ਼ਰੀ ਵਿਚ ਹੋਈ | ਮੀਟਿੰਗ ਦੌਰਾਨ ਕਮੇਟੀ ਵਲੋਂ ਪਿਛਲੇ ਇਕ ਸਾਲ ਦਾ ਲੇਖਾ-ਜੋਖਾ ਪੇਸ਼ ਕੀਤਾ ਗਿਆ ਜੋ ਸਰਬਸੰਮਤੀ ਨਾਲ ਪ੍ਰਵਾਨ ਕੀਤਾ ਗਿਆ | ਮੀਟਿੰਗ ਦੌਰਾਨ ਨਵੇਂ ਅਹੁਦੇਦਾਰਾਂ ਦੀ ਨਿਯੁਕਤੀ ਵੀ ਕੀਤੀ ਗਈ | ਅਸ਼ੋਕ ਗਰਗ ਨੂੰ ਸੀਨੀਅਰ ਵਾਈਸ ਪ੍ਰਧਾਨ, ਕਮਲ ਕੁਮਾਰ ਨੂੰ ਵਾਈਸ ਪ੍ਰਧਾਨ, ਦੀਪਕ ਬਾਂਸਲ ਨੂੰ ਕੈਸ਼ੀਅਰ, ਮਾਸਟਰ ਕੇਵਲ ਕਿ੍ਸ਼ਨ ਗੋਇਲ ਨੂੰ ਪੀ.ਆਰ.ਓ., ਜਸਵਿੰਦਰ ਫਕੀਰਾ ਅਤੇ ਜਸਵੰਤ ਰਾਏ ਨੂੰ ਸਟੋਰ ਇੰਚਾਰਜ ਨਿਯੁਕਤ ਕੀਤਾ ਗਿਆ | ਇਸ ਤੋਂ ਇਲਾਵਾ, ਮੰਦਰ ਵਿਚ ਪੁਜਾਰੀ ਦੀ ਸੇਵਾ ਲਈ ਸ਼ੁਭਮ ਸ਼ਾਸਤਰੀ ਅਤੇ ਪ੍ਰਵੀਨ ਸ਼ਰਮਾ ਦੀ ਨਿਯੁਕਤੀ ਕੀਤੀ ਗਈ | ਇਹ ਸਾਰੀਆਂ ਨਿਯੁਕਤੀਆਂ ਵੀ ਸਰਬਸੰਮਤੀ ਨਾਲ ਮੰਨੀਆਂ ਗਈਆਂ | ਇਸ ਮੌਕੇ ਕਈ ਪ੍ਰਮੁੱਖ ਮੈਂਬਰ ਹਾਜ਼ਰ ਸਨ ਜਿਨ੍ਹਾਂ ਵਿਚ ਬਾਲ ਕਿ੍ਸ਼ਨ ਬਾਲੀ, ਰਾਮ ਲਾਲ ਰਾਮਾ, ਲਖਵਿੰਦਰ ਗਰਗ, ਦੀਕਸ਼ਤ ਗਰਗ, ਮਨਦੀਪ ਕੱਕੜ, ਲਲਿਤ ਗੋਇਲ, ਸੱਤ ਨਰਾਇਣ, ਸੁਭਾਸ਼ ਚੰਦਰ, ਰਜਿੰਦਰ ਕਾਮਰੇਡ, ਮੋਹਨ ਲਾਲ, ਪ੍ਰਦੀਪ ਬੰਸਲ, ਹੇਮਰਾਜ, ਰਾਜੀਵ ਕੁਮਾਰ, ਪਵਨ ਖੁਰਾਣਾ, ਸੋਮ ਪ੍ਰਕਾਸ਼, ਵਿਜੇ ਮੋਹਨ ਗਰਗ, ਗੌਰਵ ਗਰਗ, ਅਮਿਤ ਬਾਂਸਲ, ਵਿਸ਼ਾਲ ਜਿੰਦਲ, ਪ੍ਰਦੀਪ ਕੁਮਾਰ ਤੇ ਸ਼ਕਤੀ ਸ਼ਾਮਲ ਸਨ | ਮੀਟਿੰਗ ਦੇ ਅੰਤ ਵਿਚ ਪ੍ਰਧਾਨ ਰਮਨ ਮਿੱਤਲ ਨੇ ਸਾਰੇ ਮੈਂਬਰਾਂ ਦਾ ਧੰਨਵਾਦ ਕੀਤਾ |
