ਮੋਗਾ, 5 ਸਤੰਬਰ (ਸੁਰਿੰਦਰਪਾਲ ਸਿੰਘ)-ਸੀਤਾ ਸਵੰਬਰ ਕਲਾ ਕੇਂਦਰ ਵਲੋਂ ਪਿਛਲੇ ਤਿੰਨ ਦਿਨਾਂ ਤੋਂ ਕਰਵਾਈ ਜਾ ਰਹੀ ਰਾਮ-ਲੀਲ੍ਹਾ ਦੇ ਤੀਜੇ ਦਿਨ ਦੀ ਸ਼ੁਰੂਆਤ ਹੋਈ | ਸਟੇਜ ਉਦਘਾਟਨ ਸਮਾਰੋਹ ਵਿਕਾਸ ਸਿੰਗਲਾ ਸਕੱਤਰ ਰਾਈਸ ਬ੍ਰਾਨ ਡੀਲਰ ਐਸੋਸੀਏਸ਼ਨ 128 ਦੁਆਰਾ ਕੀਤਾ ਗਿਆ | ਵਿਕਾਸ ਬਾਂਸਲ ਦੁਆਰਾ ਜੋਤੀ ਜਗਾਈ ਗਈ | ਦਰਬਾਰ ਉਦਘਾਟਨ ਸਮਾਰੋਹ ਪੈਰਾਡਾਈਜ਼ ਇਮੀਗ੍ਰੇਸ਼ਨ ਦੇ ਐਮ.ਡੀ. ਰਾਜੇਸ਼ ਅਰੋੜਾ ਦੁਆਰਾ ਕੀਤਾ ਗਿਆ | ਝੰਡਾ ਲਹਿਰਾਉਣ ਦੀ ਰਸਮ ਦੀਪਕ ਕੁਮਾਰ ਐਮ.ਡੀ. ਦੁਆਰਾ ਕੀਤੀ ਗਈ | ਇਸ ਮੌਕੇ ਰਾਮ-ਲੀਲ੍ਹਾ ਦੀ ਸ਼ੁਰੂਆਤ ਗਣਪਤੀ ਪੂਜਾ ਅਤੇ ਪ੍ਰਾਰਥਨਾ ਨਾਲ ਹੋਈ | ਇਸ ਤੋਂ ਬਾਅਦ ਕਲਾਕਾਰਾਂ ਨੇ ਸੀਤਾ ਸਵੰਬਰ, ਕੈਕੇਈ ਮਹਿਲ, ਰਾਮ ਜੀ ਦੇ ਬਨਵਾਸ ਆਦਿ ਦੇ ਦਿ੍ਸ਼ ਪੇਸ਼ ਕੀਤੇ | ਇਸ ਮੌਕੇ ਸੰਬੋਧਨ ਕਰਦਿਆਂ ਨਵੀਨ ਸਿੰਗਲਾ ਨੇ ਕਿਹਾ ਕਿ ਉਹ ਪਿਛਲੇ ਕਈ ਸਾਲਾਂ ਤੋਂ ਇਹ ਰਾਮ-ਲੀਲ੍ਹਾ ਦਿਖਾ ਰਹੇ ਹਨ | ਸਾਨੂੰ ਸਾਰਿਆਂ ਨੂੰ ਭਗਵਾਨ ਰਾਮ ਦੇ ਦਿਖਾਏ ਮਾਰਗ 'ਤੇ ਚੱਲਣਾ ਚਾਹੀਦਾ ਹੈ | ਇਸ ਮੌਕੇ ਕੌਂਸਲਰ ਵਿਜੇ ਖੁਰਾਣਾ ਸੀਨੀਅਰ ਵਾਈਸ ਚੇਅਰਮੈਨ, ਸੀਨੀਅਰ ਮੀਤ ਪ੍ਰਧਾਨ ਸਾਗਰ ਆਹਲੂਵਾਲੀਆ, ਡਾਇਰੈਕਟਰ ਗਗਨਦੀਪ ਮਿੱਤਲ, ਗੁਰਪ੍ਰੀਤ ਸਿੰਘ ਗੋਪੀ, ਖ਼ਜ਼ਾਨਚੀ ਬਲਵਿੰਦਰ ਅਰੋੜਾ, ਸੰਜੇ ਕੁਮਾਰ, ਤੰਨੂ ਜੈਦਕਾ, ਦੀਪਕ ਅਰੋੜਾ, ਸੋਵਿਤ ਅਰੋੜਾ, ਜਨਰਲ ਸਕੱਤਰ ਰਾਜਨ ਗੋਇਲ, ਮੰਗਤ ਰਾਏ ਸੇਠੀ, ਰਾਹੁਲ, ਸੰਜੇ ਸਿੰਘ, ਪ੍ਰਤਾਪ ਕੁਮਾਰ ਅਤੇ ਹੋਰ ਮੈਂਬਰ ਹਾਜ਼ਰ ਸਨ | ਇਸ ਮੌਕੇ ਸੀਤਾ ਸਵੰਬਰ ਦਾ ਦਿ੍ਸ਼ ਖਿੱਚ ਦਾ ਕੇਂਦਰ ਬਿੰਦੂ ਰਿਹਾ |
