ਮੋਗਾ, 25 ਸਤੰਬਰ (ਅਸ਼ੋਕ ਬਾਂਸਲ)-ਐਸ.ਡੀ. ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਮੋਗਾ ਵਿਖੇ ਪੰਜਾਬੀ ਦਿਵਸ ਮਨਾਇਆ ਗਿਆ | ਛੇਵੀਂ ਤੋਂ ਬਾਰ੍ਹਵੀਂ ਦੇ ਵਿਦਿਆਰਥੀਆਂ ਨੇ ਪੰਜਾਬੀ ਭਾਸ਼ਾ, ਪੰਜਾਬੀਅਤ ਅਤੇ ਪੰਜਾਬੀ ਸੱਭਿਆਚਾਰ ਬਾਰੇ ਭਾਸ਼ਣ ਕਵਿਤਾਵਾਂ ਤੇ ਤੁਕਾਂ ਬੋਲ ਕੇ ਸਭ ਨੂੰ ਪੰਜਾਬੀ ਭਾਸ਼ਾ ਬਾਰੇ ਜਾਣਕਾਰੀ ਦਿੱਤੀ | +1 ਦੀ ਵਿਦਿਆਰਥਣ ਜਸਲੀਨ ਕੌਰ ਨੇ ਪੰਜਾਬੀ ਭਾਸ਼ਾ ਨੂੰ ਪੰਜਾਬ ਦੀ ਮਾਂ ਬੋਲੀ ਹੋਣ ਦਾ ਮਾਣ ਦਿੱਤਾ | ਛੇਵੀਂ ਕਲਾਸ ਦੇ ਬੱਚਿਆਂ ਨੇ ਕਵਿਤਾਵਾਂ ਬੋਲ ਕੇ ਸਭ ਦਾ ਮਨ ਮੋਹਇਆ | ਇਸ ਮੌਕੇ ਮੈਨੇਜਰ ਵਿਜੇ ਸਿੰਗਲ, ਐਡਮਿਨਿਸਟ ਆਰ.ਕੇ. ਸਹਿਗਲ ਅਤੇ ਪਿ੍ੰਸੀਪਲ ਅਦਿੱਤੀ ਨਾਰੰਗ ਨੇ ਵੀ ਬੱਚਿਆਂ ਨੂੰ ਪੰਜਾਬੀ ਦਿਵਸ ਮਨਾਉਣ 'ਤੇ ਵਧਾਈ ਦਿੱਤੀ | ਇਸ ਮੌਕੇ ਪ੍ਰਾਇਮਰੀ ਇੰਚਾਰਜ ਸੁਨੀਤਾ ਬਾਂਸਲ, ਨੀਰਜ ਗੁਪਤਾ, ਛਿੰਦਰ ਪਾਲ ਕੌਰ, ਧੀਰਜ ਬਾਂਸਲ, ਦੀਪਕਾ, ਬੇਬੀ, ਨੇਹਾ, ਡੀ.ਪੀ.ਈ. ਬਲਜਿੰਦਰ ਸਿੰਘ, ਅਤੁੱਲ ਕੁਮਾਰ ਵਾਜਪਾਈ ਅਤੇ ਪਰਮਜੀਤ ਕੌਰ ਹਾਜ਼ਰ ਸਨ |
