ਸਮਾਲਸਰ, 26 ਸਤੰਬਰ (ਗੁਰਜੰਟ ਕਲਸੀ ਲੰਡੇ)-ਭਾਰਤੀ ਜਨਤਾ ਪਾਰਟੀ ਇਕਾਈ ਸਮਾਲਸਰ ਦੇ ਸੀਨੀਅਰ ਆਗੂ ਹਰਵਿੰਦਰ ਸਿੰਘ ਧਾਲੀਵਾਲ ਨੇ ਦੱਸਿਆ ਕਿ ਜ਼ਿਲ੍ਹਾ ਪ੍ਰਧਾਨ ਡਾ. ਹਰਜੋਤ ਕਮਲ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸਾਰੇ ਦੇਸ਼ ਦੇ 14500 ਸਰਕਾਰੀ ਸਕੂਲਾਂ ਨੂੰ ਬਹੁਤ ਵੱਡਾ ਫ਼ੰਡ ਬੱਚਿਆਂ ਦੇ ਸਿੱਖਿਆ ਸਿਸਟਮ ਵਿਚ ਸੁਧਾਰ ਲਿਆਉਣ ਲਈ ਦਿੱਤਾ | ਜਾਣਕਾਰੀ ਅਨੁਸਾਰ ਸਾਡੇ ਪੰਜਾਬ ਸੂਬੇ ਦੇ 331 ਸਕੂਲਾਂ ਨੂੰ 59 ਕਰੋੜ ਦੇ ਲਗਭਗ ਦੇਣਾ ਹੈ ਜਿਸ 'ਚੋਂ ਪਹਿਲੀ ਕਿਸ਼ਤ 31 ਕਰੋੜ 25 ਲੱਖ ਰੁਪਏ ਦੇ ਲਗਭਗ ਪਾ ਦਿੱਤੇ ਗਏ ਹਨ | ਮੋਗੇ ਦੇ 12 ਸਕੂਲਾਂ ਨੂੰ 99 ਲੱਖ ਦੇ ਕਰੀਬ ਆ ਗਏ ਹਨ | ਇਸ ਰਕਮ ਨਾਲ ਸਕੂਲਾਂ ਦਾ ਢਾਂਚਾ ਕਾਫੀ ਹੱਦ ਤੱਕ ਸੁਧਰੇਗਾ ਜਿਸ ਨਾਲ ਬੱਚਿਆਂ ਦੇ ਸਿਖਿਆ ਸਿਸਟਮ 'ਚ ਸੁਧਾਰ ਆਵੇਗਾ | ਬੱਚੇ ਚੰਗੀ ਸੋਚ ਤੇ ਵਧੀਆ ਪੜ੍ਹਾਈ ਪ੍ਰਾਪਤ ਕਰਕੇ ਅਫ਼ਸਰ ਬਣਨਗੇ |
