ਮੋਗਾ, 24 ਨਵੰਬਰ (ਗੁਰਤੇਜ ਸਿੰਘ ਬੱਬੀ)-ਜੈ ਮਾਂ ਚਿੰਤਪੁਰਨੀ ਕਲੱਬ ਮੋਗਾ ਵਲੋਂ ਸਥਾਨਕ ਸ਼ਹਿਰ ਦੇ ਸਰਦਾਰ ਨਗਰ ਮੋਗਾ ਵਿਚ ਸਾਲਾਨਾ ਅੱਠਵਾਂ ਜਾਗਰਣ ਸ਼ਰਧਾ ਭਾਵਨਾ ਨਾਲ ਕਰਵਾਇਆ | ਜਾਗਰਣ ਦੌਰਾਨ ਪੰਡਾਲ ਨੂੰ ਰੰਗ-ਬਰੰਗੀਆਂ ਲਾਈਟਾਂ ਨਾਲ ਸਜਾਇਆ ਗਿਆ ਜੋ ਕਿ ਹਰ ਇਕ ਨੂੰ ਆਪਣੇ ਵੱਲ ਆਕਰਸ਼ਿਤ ਕਰਦਾ ਸੀ | ਮਾਂ ਭਗਵਤੀ ਦਾ ਗੁਣਗਾਨ ਅਮਰ ਖ਼ਾਨ ਸ਼ਾਹਕੋਟ ਤੇ ਸਾਰੇ ਗਾਰੇਮਾਪਾ ਦੇ ਲਿਟਲ ਚੈਂਪੀਅਨ ਹਰਸ਼ ਸਿਕੰਦਰ ਜਲੰਧਰ, ਮੋਗਾ ਸ਼ਹਿਰ ਦੇ ਭਜਨ ਗਾਇਕ ਅਮਨ ਸ਼ਰਮਾ, ਲਖਵਿੰਦਰ ਲੱਖਾ ਨੇ ਮਾਤਾ ਦੀਆਂ ਸੁੰਦਰ ਭੇਟਾਂ ਸੁਣਾ ਕੇ ਮਾਂ ਭਗਤਾਂ ਨੂੰ ਝੂਮਣ ਲਾ ਦਿੱਤਾ | ਜਾਗਰਣ ਦੌਰਾਨ ਮੁੱਖ ਮਹਿਮਾਨ ਦੇ ਤੌਰ 'ਤੇ ਆਪ ਪਾਰਟੀ ਦੇ ਸੀਨੀਅਰ ਆਗੂ ਤੇ ਡਾਇਰੈਕਟਰ ਲਾਰਜ ਸਕੇਲ ਇੰਡਸਟਰੀਜ਼ ਕਾਰਪੋਰੇਸ਼ਨ ਅਜੇ ਸ਼ਰਮਾ, ਐਡਵੋਕੇਟ ਰਮੇਸ਼ ਗਰੋਵਰ ਨੇ ਵਿਸ਼ੇਸ਼ ਤੌਰ 'ਤੇ ਸ਼ਿਰਕਤ ਕੀਤੀ | ਇਸ ਮੌਕੇ ਸੀਤਲ ਕੁਮਾਰ, ਸਾਹਿਲ ਵਰਮਾ, ਲਵਲੀ ਨਾਰੰਗ, ਅਮਰਜੀਤ ਮਟਵਾਣੀ, ਪ੍ਰਦੀਪ ਚੌਹਾਨ, ਬੰਟੀ ਵਰਮਾ, ਸੁਖਵਿੰਦਰ ਸਿੰਘ, ਜਗਜੀਤ ਸਿੰਘ ਗਿੱਲ, ਦਿਵਾਂਸੂ ਸੂਦ, ਬੰਟੀ, ਲਵਲੀ ਆਦਿ ਹਾਜ਼ਰ ਸਨ |
