ਧੂਰੀ, 31 ਮਈ (ਸੁਖਵੰਤ ਸਿੰਘ ਭੁੱਲਰ)-ਥਾਣਾ ਸਿਟੀ ਧੂਰੀ ਵਿਚ ਆਸਟੇ੍ਰਲੀਆ ਭੇਜਣ ਬਦਲੇ ਧੂਰੀ ਦੇ ਨੌਜਵਾਨ ਨੰੂ ਈਰਾਨ ਦੇਸ਼ ਵਿਚ ਭੇਜ ਕੇ ਅਗਵਾ ਕਰ ਕੇ ਪੈਸੇ ਦੀ ਮੰਗ ਕਰਨ ਸੰਬੰਧੀ ਉਕਤ ਮਾਮਲੇ ਵਿਚ ਸੰਬੰਧਤ ਏਜੰਟਾਂ ਵਿਰੁੱਧ ਮੁਕੱਦਮਾ ਦਰਜ ਕੀਤਾ ਗਿਆ ਹੈ | ਥਾਣਾ ਸਿਟੀ ਧੂਰੀ ਵਿਚ ਦਰਜ ਮਾਮਲੇ ਅਨੁਸਾਰ ਵਿਚ ਬਲਵਿੰਦਰ ਕੌਰ ਪਤਨੀ ਸਵ: ਪਿਆਰਾ ਸਿੰਘ ਵਾਸੀ ਸੰਗਤਪੁਰਾ ਧੂਰੀ ਦੇ ਲੜਕੇ ਹਸਨਪ੍ਰੀਤ ਸਿੰਘ ਆਸਟੇ੍ਰਲੀਆ ਭੇਜਣ ਸੰਬੰਧੀ 18 ਲੱਖ ਰੁਪਏ ਵਿਚ ਗੱਲ ਤੈਅ ਕੀਤੀ ਗਈ ਸੀ ਜਿਸ ਵਿਚ ਸੰਬੰਧਤ ਏਜੰਟ ਨੰੂ ਤਹਿ ਰਾਸ਼ੀ ਆਸਟੇ੍ਰਲੀਆ ਪਹੁੰਚਣ ਤੋਂ ਬਾਅਦ ਦੇਣੀ ਸੀ ਜਿਸ ਤੇ ਹਸਨਪ੍ਰੀਤ ਸਿੰਘ ਨੰੂ ਸਿੱਧੀ ਫਲਾਈਟ ਆਸਟੇ੍ਰਲੀਆ ਭੇਜਣ ਬਜਾਏ ਈਰਾਨ ਦੇਸ ਵਿਚ ਭੇਜ ਦਿੱਤਾ ਅਤੇ ਉਨ੍ਹਾਂ ਦੇ ਲੜਕੇ ਨੰੂ ਅਗਵਾ ਕਰ ਕੇ ਪੈਸਿਆਂ ਦੀ ਮੰਗ ਕੀਤੀ ਜਾ ਰਹੀ ਹੈ | ਇਸ ਸੰਬੰਧੀ ਧੀਰਜ਼ ਕੁਮਾਰ ਅਟਵਾਲ, ਕਮਲ ਅਟਵਾਲ ਪੁੱਤਰ ਕੁੰਦਨ ਲਾਲ, ਸਵਿਤਾ ਵਾਸੀ ਹੁਸ਼ਿਆਰਪੁਰ 'ਤੇ ਮੁਕੱਦਮਾ ਦਰਜ ਕੀਤਾ ਗਿਆ ਹੈ |
