ਸੰਗਰੂਰ, 23 ਸਤੰਬਰ (ਧੀਰਜ ਪਸ਼ੌਰੀਆ) - ਸੁਤੰਤਰਤਾ ਸੈਨਾਨੀ ਕਾਮਰੇਡ ਜਗਦੀਸ਼ ਚੰਦਰ ਦੀ ਪੜਪੋਤੀ ਗ਼ਜ਼ਲ ਵਰਮਾ ਸਪੁੱਤਰੀ ਸ਼੍ਰੀ ਵਿਕਰਮ ਵਰਮਾ ਜਿਸ ਨੇ ਉੱਤਰਾਖੰਡ ਦੇ ਹਲਦਵਾਨੀ ਵਿਖੇ ਹੋਏ ਏਸ਼ੀਆ ਕੱਪ ਤਲਵਾਰਬਾਜ਼ੀ (ਅੰਡਰ 17) ਮੁਕਾਬਲੇ ਵਿਚ ਚਾਂਦੀ ਦਾ ਤਗਮਾ ਜਿੱਤਿਆ ਹੈ, ਦਾ ਸੰਗਰੂਰ ਪੁੱਜਣ ਉੱਤੇ ਕੈਮਿਸਟ ਐਸੋਸੀਏਸ਼ਨ ਵਲੋਂ ਭਰਵਾਂ ਸਵਾਗਤ ਕੀਤਾ ਗਿਆ | ਐਸੋਸੀਏਸ਼ਨ ਦੇ ਆਗੂਆਂ ਪ੍ਰੇਮ ਚੰਦ ਗਰਗ, ਵਿਕਾਸ ਅਹੂਜਾ ਬੰਟੀ, ਹੈਪੀ ਗੋਇਲ ਅਤੇ ਵਿਸ਼ਾਲ ਛਾਬੜਾ ਨੇ ਕਿਹਾ ਕਿ ਇਸ ਹੋਣਹਾਰ ਬੇਟੀ ਨੇ ਪਰਿਵਾਰ ਦੇ ਨਾਲ-ਨਾਲ ਸ਼ਹਿਰ ਸੰਗਰੂਰ ਦਾ ਨਾਮ ਵੀ ਰੌਸ਼ਨ ਕੀਤਾ ਹੈ | ਇਸ ਮੁਕਾਬਲੇ ਵਿਚ 18 ਦੇਸ਼ਾਂ ਦੇ ਖਿਡਾਰੀਆਂ ਨੇ ਭਾਗ ਲਿਆ ਸੀ | ਇਸ ਮੌਕੇ ਵਿਜੇ ਕੁਮਾਰ ਵਰਮਾ , ਸ਼੍ਰੀ ਬਲਰਾਜ ਉਭਰਾਏ ਬਾਜ਼ੀ ਅਤੇ ਹੋਰ ਪਰਿਵਾਰਕ ਮੈਂਬਰ ਮੌਜੂਦ ਸਨ |
