ਸੰਗਰੂਰ, 26 ਸਤੰਬਰ (ਧੀਰਜ ਪਸ਼ੌਰੀਆ) - ਸੰਗਰੂਰ ਦੇ ਅੰਬੇਡਕਰ ਨਗਰ ਇਲਾਕੇ ਵਿਚ ਰਹਿੰਦੀ ਪੂਜਾ ਦਾ ਪਰਿਵਾਰ ਗ਼ਰੀਬੀ ਅਤੇ ਲਾਚਾਰੀ ਦੇ ਗੰਭੀਰ ਹਾਲਤਾਂ ਵਿਚ ਜੀਵਨ ਬਤੀਤ ਕਰ ਰਿਹਾ ਹੈ | ਪਤੀ ਦੀ ਬਿਮਾਰੀ ਕਾਰਨ ਘਰ ਗਹਿਣੇ ਰੱਖਣਾ ਪਿਆ ਸੀ ਅਤੇ ਇਲਾਜ ਦੇ ਬਾਵਜੂਦ ਪਤੀ ਦੀ ਮੌਤ ਹੋ ਗਈ | ਇਸ ਸਦਮੇ ਤੋਂ ਬਾਅਦ ਸੱਸ ਅਧਰੰਗ ਦੇ ਅਟੈਕ ਕਾਰਨ ਬੋਲਣ ਜੋਗੇ ਵੀ ਨਹੀਂ ਰਹੇ | ਪੂਜਾ ਆਪਣੇ ਬੱਚਿਆਂ ਨਾਲ ਕਿਰਾਏ ਦੇ ਘਰ ਵਿਚ ਰਹਿ ਰਹੀ ਹੈ ਅਤੇ ਮਜ਼ਦੂਰੀ ਕਰ ਕੇ ਮੁਸ਼ਕਲ ਨਾਲ ਗੁਜ਼ਾਰਾ ਕਰ ਰਹੀ ਹੈ | ਕਈ ਵਾਰ ਪਰਿਵਾਰ ਨੂੰ ਖਾਣ ਲਈ ਕੁੱਝ ਨਹੀਂ ਮਿਲਦਾ ਅਤੇ ਗੁਆਂਢੀ ਹੀ ਮਦਦ ਕਰਦੇ ਹਨ | ਇਨਾਂ ਹਾਲਤਾਂ ਵਿਚ ਜਗਤ ਗੁਰੂ ਤੱਤਵਦਰਸ਼ੀ ਸੰਤ ਰਾਮਪਾਲ ਵਲੋਂ ਚਲਾਈ ਜਾ ਰਹੀ 'ਅੰਨਪੂਰਨਾ ਮੁਹਿੰਮ' ਰਾਹੀਂ ਉਨ੍ਹਾਂ ਦੇ ਸੇਵਾਦਾਰਾਂ ਨੇ ਇਸ ਪਰਿਵਾਰ ਤੱਕ ਰਾਹਤ ਸਮਗਰੀ ਪਹੁੰਚਾਈ | ਸੇਵਾਦਾਰਾਂ ਨੇ ਭਰੋਸਾ ਦਿਵਾਇਆ ਕਿ ਇਹ ਸਹਾਇਤਾ ਪਰਿਵਾਰ ਦੀ ਆਰਥਿਕ ਹਾਲਤ ਸੁਧਰਨ ਤੱਕ ਨਿਰੰਤਰ ਜਾਰੀ ਰਹੇਗੀ | ਸਭ ਤੋਂ ਵੱਡੀ ਖ਼ੁਸ਼ਖ਼ਬਰੀ ਇਹ ਹੈ ਕਿ ਸੰਤ ਰਾਮਪਾਲ ਨੇ ਇਸ ਪਰਿਵਾਰ ਲਈ ਨਵਾਂ ਮਕਾਨ ਬਣਵਾਉਣ ਦੀ ਸੇਵਾ ਵੀ ਸ਼ੁਰੂ ਕਰਵਾ ਦਿੱਤੀ ਹੈ, ਤਾਂ ਜੋ ਇਹ ਪਰਿਵਾਰ ਆਪਣੀ ਛੱਤ ਹੇਠ ਇੱਜ਼ਤ ਨਾਲ ਜੀ ਸਕੇ | ਇਸ ਫ਼ੈਸਲੇ ਨਾਲ ਪੂਜਾ ਦੇ ਪਰਿਵਾਰ ਦੀਆਂ ਅੱਖਾਂ ਵਿਚ ਖ਼ੁਸ਼ੀ ਦੇ ਹੰਝੂ ਛਲਕਦੇ ਦਿਖਾਈ ਦਿੱਤੇ | ਪੂਜਾ ਨੇ ਸੰਤ ਰਾਮਪਾਲ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਜਿੱਥੇ ਚਾਰੇ ਪਾਸੇ ਅੰਧਕਾਰ ਸੀ, ਉੱਥੇ ਸੰਤਾਂ ਨੇ ਉਮੀਦ ਦੀ ਕਿਰਨ ਬਣ ਕੇ ਉਨਾਂ ਦੀ ਜ਼ਿੰਦਗੀ ਵਿਚ ਨਵੀਂ ਰੌਸ਼ਨੀ ਭਰੀ ਹੈ | ਸਥਾਨਕ ਲੋਕਾਂ ਨੇ ਸੰਤ ਰਾਮਪਾਲ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਅਸਲ ਵਿਚ ਜੇਕਰ ਕੋਈ ਸੰਤ ਕਹਾਉਣ ਦੇ ਯੋਗ ਹੈ ਤਾਂ ਉਹ ਇਹੋ ਜਿਹੇ ਪਰਉਪਕਾਰੀ ਮਹਾਂਪੁਰਸ਼ ਹੀ ਹੋ ਸਕਦੇ ਹਨ, ਸਤਲੋਕ ਆਸ਼ਰਮ ਦੇ ਸੇਵਾਦਾਰਾਂ ਨੇ ਦੱਸਿਆ ਕਿ ਤੱਤਵਦਰਸ਼ੀ ਸੰਤ ਰਾਮਪਾਲ ਜੀ ਵਲੋਂ ਸਮਾਜ ਭਲਾਈ ਲਈ ਦਿਨ ਰਾਤ ਬਹੁਤ ਸਾਰੇ ਯਤਨ ਕੀਤੇ ਜਾ ਰਹੇ ਹਨ, ਜਿਵੇਂ ਖ਼ੂਨਦਾਨ ਕੈਂਪ, ਦਹੇਜ ਰਹਿਤ ਵਿਆਹ ਅਤੇ ਨਸ਼ਾ ਮੁਕਤੀ ਮੁਹਿੰਮ ਆਦਿ |
