-ਮਾਮਲਾ ਖਨੌਰੀ ਵਿਖੇ ਹਰ ਵੇਲੇ ਰਹਿੰਦੇ ਟਰੈਫਿਕ ਜਾਮ ਦਾ- ਖਨੌਰੀ ਵਿਖੇ ਹਰ ਸਮੇਂ ਹੀ ਲੱਗਾ ਰਹਿੰਦਾ ਜਾਮ ਇਥੋਂ ਲੰਘਣ ਵਾਲਿਆਂ ਲਈ ਬਣਿਆ ਵੱਡੀ ਪਰੇਸ਼ਾਨੀ ਡਰੇਨ ਦੇ ਬੰਨ੍ਹ ਤੇ ਬਾਈਪਾਸ ਰੂਪੀ ਸੜਕ ਬਣਾਉਣ ਨਾਲ ਮਿਲ ਸਕਦੈ ਲੱਗਦੇ ਜਾਮ ਤੋਂ ਛੁਟਕਾਰਾ
ਅਜੀਤ ਡੈਸਕ
19-10-2025
ਦਿੱਲੀ ਕਟੜਾ ਐਕਸਪ੍ਰੈਸ ਵੇਅ ਤੇ ਚੜ੍ਹਨ ਵਾਲੇ ਵਾਹਨਾਂ ਦੇ ਗੁਜਰਨ ਕਾਰਨ ਵੀ ਲੱਗਿਆ ਰਹਿੰਦਾ ਹੈ ਜਾਮ-ਇਸੇ ਤਰ੍ਹਾਂ ਭਾਰਤ ਮਾਲਾ ਦੇ ਤਹਿਤ ਬਣ ਰਿਹਾ ਦਿੱਲੀ ਕੱਟੜਾ ਐਕਸਪ੍ਰੈਸ ਵੇਅ ਖਨੌਰੀ ਤੋਂ ਕਰੀਬ ਪੰਜ ਕਿੱਲੋਮੀਟਰ ਦੂਰੀ ਤੇ ਸਥਿਤ ਪਟਿਆਲਾ ਜ਼ਿਲ੍ਹੇ ਦੇ ਪਿੰਡ ਗੁਲਜ਼ਾਰਪੁਰਾ ਠਰੂਆ ਤੋਂ ਦਿੱਲੀ ਤੱਕ ਚਾਲੂ ਹੋਣ ਕਾਰਨ ਦਿੱਲੀ ਜਾਣ ਵਾਲੀ ਸਾਰੀ ਆਵਾਜਾਈ ਖਨੌਰੀ ਸ਼ਹਿਰ ਅੰਦਰੋਂ ਦੀ ਗੁਜਰ ਕੇ ਕੈਥਲ ਰੋਡ 'ਤੇ ਹੁੰਦੀ ਹੋਈ ਪਿੰਡ ਗੁਲਜ਼ਾਰਪੁਰਾ ਠਰੂਆ ਕੋਲੋਂ ਐਕਸਪ੍ਰੈਸ ਵੇਅ ਰਾਹੀਂ ਦਿੱਲੀ ਵੱਲ ਨੂੰ ਜਾਂਦੀ ਹੈ | ਜਿਸ ਕਾਰਨ ਵੀ ਸ਼ਹਿਰ ਅੰਦਰ ਸਾਰਾ ਦਿਨ ਜਾਮ ਲੱਗਿਆ ਰਹਿੰਦਾ ਹੈ ਅਤੇ ਆਵਾਜਾਈ ਪ੍ਰਭਾਵਿਤ ਹੁੰਦੀ ਰਹਿੰਦੀ ਹੈ |
