ਸੁਨਾਮ ਊਧਮ ਸਿੰਘ ਵਾਲਾ, 5 ਦਸੰਬਰ (ਭੁੱਲਰ, ਧਾਲੀਵਾਲ) - ਖਾਲਸ ਪ੍ਰੇਮ ਮਾਰਗ ਬਿਮਾਰ ਗਊਆਂ ਦਾ ਪਿੰਗਲਵਾੜਾ ਵਲੋਂ ਮੈਨੇਜਰ ਵਿਕਰਮਜੀਤ ਸਿੰਘ ਵਿੱਕੀ ਦੀ ਅਗਵਾਈ ਵਿਚ ਆਮ ਆਦਮੀ ਪਾਰਟੀ ਪੰਜਾਬ ਦੇ ਸੂਬਾ ਪ੍ਰਧਾਨ ਅਤੇ ਕੈਬਨਿਟ ਮੰਤਰੀ ਅਮਨ ਅਰੋੜਾ ਨੂੰ ਇਕ ਮੰਗ ਪੱਤਰ ਸੌਂਪਿਆ ਗਿਆ | ਜਿਸ ਵਿਚ ਗਊਆਂ ਨੂੰ ਮੀਂਹ ਹਨੇਰੀ ਅਤੇ ਧੁੱਪ ਤੋਂ ਬਚਾਉਣ ਲਈ ਸ਼ੈੱਡ ਪਾਉਣ ਲਈ ਗਰਾਂਟ ਦੀ ਮੰਗ ਕਰਦਿਆਂ ਕਿਹਾ ਗਿਆ ਕਿ ਉਕਤ ਗਊਸ਼ਾਲਾ 'ਚ ਵੱਡੀ ਗਿਣਤੀ 'ਚ ਬਿਮਾਰ ਗਊਆਂ ਹਨ | ਜਿਨ੍ਹਾਂ ਦੇ ਇਲਾਜ ਕਰਵਾਇਆ ਜਾ ਰਿਹਾ ਹੈ ਪਰ ਇਨ੍ਹਾਂ ਦੇ ਧੁੱਪ ਅਤੇ ਮੀਂਹ ਹਨੇਰੀ ਤੋਂ ਬਚਣ ਲਈ ਕੋਈ ਜਗ੍ਹਾ ਨਹੀ | ਇਸ ਮੌਕੇ ਸਰਪ੍ਰਸਤ ਜੋਗਿੰਦਰ ਸਿੰਘ ਸਾਰੋਂ, ਪ੍ਰਧਾਨ ਸ਼ਾਮ ਲਾਲ ਬਾਂਸਲ, ਸੱਤ ਪਾਲ, ਅਸ਼ੋਕ ਕੁਮਾਰ ਸਿੰਗਲਾ, ਕਿ੍ਸ਼ਨ ਸੰਦੋਹਾ, ਡਾ ਗਗਨਦੀਪ ਸਿੰਘ, ਡਾ, ਰਸਵੀਰ ਸਿੰਘ, ਡਾ, ਗੁਰਪ੍ਰੀਤ ਸਿੰਘ, ਡਾ, ਬਿਮਲ, ਹਰਜਿੰਦਰ ਸਿੰਘ, ਨਛੱਤਰ ਸਿੰਘ ਅਤੇ ਡਾ ਸੱਤ ਪਾਲ ਗਰਗ ਆਦਿ ਮੌਜੂਦ ਹਨ |
