ਲੌਂਗੋਵਾਲ, 20 ਦਸੰਬਰ (ਸ.ਸ.ਖੰਨਾ, ਵਿਨੋਦ) - ਸਥਾਨਕ ਲੌਂਗੋਵਾਲ ਵਿਚ ਰਾਮਬਾਗ ਦੇ ਨਵੀਨੀਕਰਨ ਨੂੰ ਲੈ ਕੇ ਪਿਛਲੇ ਚਾਰ ਮਹੀਨਿਆਂ ਤੋਂ ਜਿਸ ਦਾ ਕੰਮ ਬੜਾ ਹੀ ਤੇਜ਼ੀ ਨਾਲ ਚੱਲ ਰਿਹਾ ਹੈ | ਜਿਸ ਦੀ ਅਗਵਾਈ ਇੱਕ ਉੱਦਮੀ ਨੌਜਵਾਨ ਬਲਵੰਤ ਸਿੰਘ ਦੁੱਲਟ ਕੈਨੇਡਾ ਅਤੇ ਲੋਕਾਂ ਦੇ ਸਹਿਯੋਗ ਦੇ ਨਾਲ ਕੀਤੀ ਜਾ ਰਹੀ ਹੈ | ਦੁੱਲਟ ਦੀ ਸੋਚ ਹੈ ਕਿ ਇਸ ਰਾਮਬਾਗ ਨੂੰ ਇੱਕ ਵਿਲੱਖਣ ਨਮੂਨੇ ਦਾ ਤਿਆਰ ਕਰ ਕੇ ਪਿੰਡ ਦੇ ਲੋਕਾਂ ਸਪੁਰਦ ਕੀਤਾ ਜਾ ਸਕੇ | ਜਿੱਥੇ ਪਿਛਲੇ ਕਈ ਮਹੀਨਿਆਂ ਤੋਂ ਇਸ ਨੂੰ ਬਣਾਉਣ ਦੇ ਲਈ ਨੌਜਵਾਨ ਵਲੋਂ ਦਿਨ ਰਾਤ ਇੱਕ ਕੀਤੀ ਹੋਈ ਹੈ ਉੱਥੇ ਹੀ ਆਰਥਿਕ ਤੌਰ ਤੇ ਖੁੱਲ ਦਿਲੀ ਨਾਲ ਸਹਿਯੋਗ ਕਰਨ ਵਾਲੇ ਮਿੱਤਰਾਂ ਦੋਸਤਾਂ ਅਤੇ ਖ਼ਾਸ ਕਰ ਪੱਤੀ ਦੁੱਲਟ ਦੇ ਲੋਕਾਂ ਦਾ ਵੀ ਵਿਸ਼ੇਸ਼ ਸਹਿਯੋਗ ਹੈ | ਅੱਜ ਸਵ.ਸਰਦਾਰ ਸੁਖਦੇਵ ਸਿੰਘ ਢੀਂਡਸਾ ਦੇ (ਓ.ਐਸ.ਡੀ) ਅਮਨਵੀਰ ਸਿੰਘ ਚੈਰੀ ਇਸ ਰਾਮਬਾਗ ਵਿਚ ਵਿਸ਼ੇਸ਼ ਤੌਰ ਤੇ ਪਹੁੰਚੇ ਜਦੋਂ ਪੱਤੀ ਦੇ ਲੋਕਾਂ ਵਲੋਂ ਇਸ ਰਾਮਬਾਗ ਦੇ ਚੱਲ ਰਹੇ ਕੰਮਾਂ ਬਾਰੇ ਦੱਸਿਆ ਤਾਂ ਅਮਨਵੀਰ ਸਿੰਘ ਚੈਰੀ ਵਲੋਂ ਨਿੱਜੀ ਤੌਰ ਤੇ 2 ਲੱਖ ਰੁਪਏ ਸਹਾਇਤਾ ਵਜੋਂ ਬਲਵੰਤ ਸਿੰਘ ਦੁੱਲਟ ਅਤੇ ਸਾਰੀ ਟੀਮ ਨੂੰ ਭੇਂਟ ਕੀਤੇ ਗਏ ਅਤੇ ਰਾਮਬਾਗ ਵਿਚ ਇਕੱਠੇ ਹੋਏ ਪੱਤੀ ਦੁੱਲਟ ਦੇ ਲੋਕਾਂ ਵਲੋਂ ਵਿਸ਼ੇਸ਼ ਤੌਰ ਤੇ ਧੰਨਵਾਦ ਕੀਤਾ ਗਿਆ | ਇਸ ਮੌਕੇ ਸਾਬਕਾ ਸਰਪੰਚ ਦਲਵੀਰ ਸਿੰਘ ਦੁੱਗਾਂ, ਸਮਾਜ ਸੇਵੀ ਬਿੰਦਰ ਠੇਕੇਦਾਰ, ਲਖਵਿੰਦਰ ਸਿੰਘ ਭਾਲ ਸੁਸਾਇਟੀ ਪ੍ਰਧਾਨ, ਜਸਵਿੰਦਰ ਸਿੰਘ ਨੱਪੀ, ਨਿਰਮਲ ਸਿੰਘ ਨਿੰਮਾ, ਰਾਜ ਸਿੰਘ ਰਾਜੂ, ਟੀਪਾ ਦੁਲਟ, ਕੁਲਦੀਪ ਸਿੰਘ ਦੂਲੋ, ਪਾਲੀ ਦੁੱਲਟ, ਪੂਰਨ ਸਿੰਘ ਦੁੱਲਟ, ਹਜੂਰਾ ਸਿੰਘ, ਸ਼ਰਨਜੀਤ ਸਿੰਘ, ਜੱਗਾ ਸਿੰਘ ਲਾਰੀਆ, ਗੁਰਜੰਟ ਖਾਨ, ਸੋਨੀ ਨੰਬਰਦਾਰ, ਸੋਨੀ ਖਾਨ, ਮਾਲਵਿੰਦਰ ਸਿੰਘ ਮਾਲੀ, ਜਗਸੀਰ ਸਿੰਘ ਦੁੱਲਟ, ਭੋਲਾ ਸਿੰਘ ਦੁੱਲਟ, ਅਜੈਬ ਸਿੰਘ ਦੁੱਲਟ, ਜੱਗਾ ਲਾਰੀਆ, ਬੱਗਾ ਸਿੰਘ, ਅੰਮਿ੍ਤਪਾਲ ਸਿੰਘ ਗੰਡੂ, ਗੁਰਮੇਲ ਸਿੰਘ ਗੰਡੂ ਆਦਿ ਹਾਜ਼ਰ ਸਨ |
