ਮੱਲਾਂਵਾਲਾ, 27 ਸਤੰਬਰ (ਬਲਬੀਰ ਸਿੰਘ ਜੋਸਨ)-ਕਾਰ ਸੇਵਾ ਵਾਲੇ ਮਹਾਂਪੁਰਖ ਬਾਬਾ ਸੁਬੇਗ ਸਿੰਘ ਡੇਰਾ ਚਰਨ ਬਾਗ਼ ਗੋਇੰਦਵਾਲ ਸਾਹਿਬ ਵਾਲਿਆਂ ਵਲੋਂ ਫਿਰੋਜ਼ਪੁਰ ਦੇ ਵੱਖ-ਵੱਖ ਹੜ੍ਹ ਪੀੜਤ ਪਿੰਡਾਂ ਵਿੱਚ ਕਣਕ ਦੇ ਬੀਜ ਦੀ ਵੰਡ ਦੀ ਸੇਵਾ ਕੀਤੀ ਗਈ ਹੈ | ਬਾਬਾ ਸੁਬੇਗ ਸਿੰਘ ਦੇ ਸੇਵਾਦਾਰ ਭਾਈ ਗੁਰਪ੍ਰੀਤ ਸਿੰਘ ਫ਼ੌਜੀ, ਭਾਈ ਮੇਜਰ ਸਿੰਘ ਹਕੀਮ, ਗਿਆਨੀ ਜਸਵਿੰਦਰ ਸਿੰਘ, ਭਾਈ ਸੁੱਚਾ ਸਿੰਘ, ਅਮਰ ਸਿੰਘ, ਸਰਬਜੀਤ ਸਿੰਘ, ਬੂਟਾ ਸਿੰਘ ਤੇ ਪਿੰਡਾਂ ਦੇ ਹੋਰ ਗੁਰੂ ਦੇ ਸਿੰਘਾਂ ਕਣਕ ਦੇ ਬੀਜ ਵੰਡਣ ਦੀ ਸੇਵਾ ਪਿੰਡ ਮੁੱਠਿਆਂ ਵਾਲਾ ਕਿਲਚੇ, ਕਮਾਲੇ ਵਾਲਾ, ਨਿਹਾਲਾ ਲਵੇਰਾ ਆਦਿ ਪਿੰਡਾਂ 'ਚ ਕਣਕ ਦੇ ਬੀਜ ਵੰਡਣ ਦੀ ਸੇਵਾ ਕੀਤੀ ਗਈ | ਕਾਰ ਸੇਵਾ ਵਾਲੇ ਮਹਾਂਪੁਰਖ ਬਾਬਾ ਸੁਬੇਗ ਸਿੰਘ ਡੇਰਾ ਚਰਨ ਬਾਗ਼ ਗੋਇੰਦਵਾਲ ਵਾਲਿਆਂ ਵਲੋਂ ਜ਼ਿਲ੍ਹਾ ਫ਼ਿਰੋਜ਼ਪੁਰ ਦੇ ਹੜ੍ਹ ਪੀੜਤ ਪਿੰਡਾਂ 'ਚ ਕਣਕ ਦੇ ਬੀਜ ਦੀ ਸੇਵਾ ਭੇਜੀ ਗਈ ਹੈ ਜਿਸ ਨੂੰ ਉਨ੍ਹਾਂ ਦੇ ਸੇਵਾਦਾਰਾਂ ਵਲੋਂ ਵੱਖ-ਵੱਖ ਪਿੰਡਾਂ ਵਿਚ ਜਾ ਕੇ ਵੰਡ ਕੀਤੀ ਗਈ ਹੈ |