ਗੁਰੂਹਰਸਹਾਏ, 18 ਅਕਤੂਬਰ (ਕਪਿਲ ਕੰਧਾਰੀ)- ਅਧਿਆਪਕਾ ਦੇ ਚੱਲ ਰਹੇ ਸੰਘਰਸ਼ ਨੂੰ ਡੈਮੋਕੇ੍ਰਟਿਕ ਟੀਚਰਜ਼ ਫ਼ਰੰਟ ਪੰਜਾਬ ਦੇ ਬੈਨਰ ਹੇਠਾਂ ਲੜਨ ਲਈ ਮਹਿੰਦਰ ਕੌੜਿਆਂ ਵਾਲੀ ਜਨਰਲ ਸਕੱਤਰ ਡੈਮੋਕੇ੍ਰਟਿਕ ਟੀਚਰਜ਼ ਫ਼ਰੰਟ ਪੰਜਾਬ ਦੀ ਅਗਵਾਈ ਹੇਠ ਰੇਲਵੇ ਪਾਰਕ ਗੁਰੂਹਰਸਹਾਏ ਵਿਖੇ ਤਹਿਸੀਲ ਗੁਰੂਹਰਸਹਾਏ ਦੇ ਸਮੂਹ ਅਧਿਆਪਕ ਸਾਥੀਆ ਦੀ ਇਕ ਮੀਟਿੰਗ ਕੀਤੀ ਗਈ ਜਿਸ ਵਿਚ ਪਹੁੰਚੇ ਸਮੂਹ ਅਧਿਆਪਕ ਵਲੋਂ ਵਿਚਾਰ ਵਟਾਂਦਰਾ ਕੀਤਾ ਗਿਆ ਤੇ ਆਪਣੇ ਹੱਕਾਂ ਦੇ ਲੜਨ ਲਈ ਤਹਿਸੀਲ ਗੁਰੂਹਰਸਹਾਏ ਦੀ ਡੈਮੋਕਰੈਟਿਕ ਟੀਚਰਜ਼ ਫ਼ਰੰਟ ਦੀ ਇਕਾਈ ਦਾ ਗਠਨ ਕੀਤਾ ਗਿਆ | ਮੀਟਿੰਗ ਵਿਚ ਸਰਬ ਸੰਮਤੀ ਦੇ ਨਾਲ ਕਨਵੀਨਰ ਤੇ ਕੋ ਕਨਵੀਨਰ ਚੁਣੇ ਗਏ ਜਿਸ ਵਿਚ ਰਾਜ ਕੁਮਾਰ ਮੋਹਨ ਕੇ ਹਿਠਾੜ ਨੂੰ ਕਨਵੀਨਰ ਚੁਣਿਆ ਗਿਆ | ਇਸ ਮੌਕੇ ਫ਼ਰੰਟ ਦੇ ਬਾਕੀ ਸਾਥੀਆ ਅਮਿਤ ਕੰਬੋਜ, ਬਲਵਿੰਦਰ ਸਿੰਘ, ਗੁਰਦਰਸ਼ਨ ਸਿੰਘ, ਵਿਪਨ ਕੁਮਾਰ, ਸੁਮਿਤ ਕੁਮਾਰ, ਨਿਰਮਲ ਸਿੰਘ, ਅੰਕੁਸ਼ ਕੁਮਾਰ ਨੂੰ ਕੋ-ਕਨਵੀਨਰ ਚੁਣਿਆ ਗਿਆ | ਇਸ ਮੌਕੇ ਚੁਣੇ ਗਏ ਸਾਥੀਆਂ ਨੇ ਬਾਕੀ ਸਾਥੀਆ ਨੂੰ ਵਿਸ਼ਵਾਸ ਦਵਾਇਆ ਕਿ ਉਹ ਫ਼ਰੰਟ ਦੀ ਬਿਹਤਰੀ ਲਈ ਕੰਮ ਕਰਨਗੇ ਤੇ ਜਿੱਥੇ ਵੀ ਹੱਕਾਂ ਲਈ ਸੰਘਰਸ਼ ਦੀ ਲੋੜ ਪਈ ਤਾਂ ਉਹ ਡਟ ਕੇ ਸੰਘਰਸ਼ ਕਰਨਗੇ | ਇਸ ਮੌਕੇ ਸੁਨੀਲ ਕੁਮਾਰ, ਰਜਿੰਦਰ ਸਿੰਘ, ਰਿਸ਼ੂ ਕੁਮਾਰ, ਹਰਿੰਦਰ ਸਿੰਘ, ਮਨਜੀਤ ਸਿੰਘ, ਜਤਿੰਦਰ ਸਿੰਘ, ਗੁਰਮੇਜ ਸਿੰਘ ਆਦਿ ਹਾਜ਼ਰ ਸਨ |
