ਅਬੋਹਰ, 21 ਦਸੰਬਰ (ਤੇਜਿੰਦਰ ਸਿੰਘ ਖ਼ਾਲਸਾ) -ਸੰਸਾਰ ਭਰ ਦੇ ਵੱਖ-ਵੱਖ ਦੇਸ਼ਾਂ ਵਿਚ ਅੱਜ ਵਿਸ਼ਵ ਧਿਆਨ ਦਿਵਸ ਮਨਾਇਆ ਗਿਆ | ਉੱਥੇ ਹੀ ਅਬੋਹਰ ਸ਼ਹਿਰ ਵਿਚ ਯੋਗ ਗੁਰੂ ਮਾਨਿਕ ਡੇਮਲਾ ਵਲੋਂ ਚਲਾਏ ਜਾ ਰਹੇ ਯੋਗਾ ਸਪੇਸ ਸੈਂਟਰ ਵਿਚ ਵੀ ਵਿਸ਼ਵ ਧਿਆਨ ਦਿਵਸ ਉਤਸ਼ਾਹ ਨਾਲ ਮਨਾਇਆ ਗਿਆ | ਇਸ ਦੌਰਾਨ ਅਬੋਹਰ ਸ਼ਹਿਰ ਦੀ ਪ੍ਰਮੁੱਖ ਸਮਾਜ ਸੇਵੀ ਸੰਸਥਾ ਮੇਰਾ ਅਬੋਹਰ ਫ਼ਰੀ ਲੀਗਲ ਸਰਵਿਸ ਟੀਮ ਦੇ ਮੈਂਬਰਾਂ ਨੇ ਵੀ ਯੋਗ ਅਤੇ ਧਿਆਨ ਦਿਵਸ ਮੌਕੇ ਯੋਗਾ ਸਪੇਸ ਸੈਂਟਰ ਵਿਚ ਯੋਗਾ ਦਾ ਲਾਭ ਲਿਆ | ਯੋਗ ਗੁਰੂ ਮਾਨਿਕ ਡੇਮਲਾ ਨੇ ਹਾਜ਼ਰ ਮੈਂਬਰਾਂ ਨੂੰ ਧਿਆਨ ਦਾ ਸਹੀ ਅਰਥ ਦੱਸਿਆ | ਮੇਰਾ ਅਬੋਹਰ ਫ਼ਰੀ ਲੀਗਲ ਸਰਵਿਸ ਸੰਸਥਾ ਦੇ ਪ੍ਰਧਾਨ ਐਡਵੋਕੇਟ ਅਮਿੱਤ ਅਸੀਜਾ ਬਾਵਾ ਨੇ ਦੱਸਿਆ ਕਿ ਧਿਆਨ ਦੇ ਬਾਅਦ ਅਜਿਹਾ ਮਹਿਸੂਸ ਕਰ ਰਹੇ ਹਨ ਜਿਵੇਂ ਸਰੀਰ ਅਤੇ ਮਨ ਬਿਲਕੁਲ ਬੋਝ ਮੁਕਤ ਹੋ ਗਏ ਹੋਣ | ਵਿਸ਼ਵ ਧਿਆਨ ਦਿਵਸ ਮੌਕੇ ਉਨ੍ਹਾਂ ਯੋਗਾ ਸਪੇਸ ਸੈਂਟਰ ਵਲੋਂ ਮੇਰਾ ਅਬੋਹਰ ਫ਼ਰੀ ਲੀਗਲ ਸਰਵਿਸ ਟੀਮ ਦੇ ਮੈਂਬਰਾਂ ਨੂੰ ਸਟੇਜ 'ਤੇ ਬੁਲਾ ਕੇ ਸਨਮਾਨ ਵੀ ਕੀਤਾ | ਇਸ ਮੌਕੇ ਉਪ ਪ੍ਰਧਾਨ ਅਮਿੱਤ ਸਿਡਾਣਾ, ਜਨਰਲ ਸੈਕਟਰੀ ਰਾਹੁਲ ਚਾਵਲਾ, ਮੈਡੀਕਲ ਟੀਮ ਇੰਚਾਰਜ ਪ੍ਰਦੀਪ ਸਿਡਾਣਾ, ਸਵੀਟੀ ਚਾਵਲਾ ਆਦਿ ਹਾਜ਼ਰ ਸਨ |
