ਨਥਾਣਾ, 1 ਸਤੰਬਰ (ਲੁੱਧੜ): ਸੇਵਾਮੁਕਤ ਸਰੀਰਕ ਸਿੱਖਿਆ ਅਧਿਆਪਕ ਅਤੇ ਪੰਜਾਬੀ ਸਾਹਿੱਤ ਦੇ ਆਲੋਚਕ ਪਰਮਿੰਦਰ ਸਿੰਘ ਨਥਾਣਾ (80) ਦਾ ਦਿਹਾਂਤ ਹੋ ਗਿਆ ਹੈ | ਉਨ੍ਹਾਂ ਨੇ ਆਪਣੇ ਵਿਦਿਆਰਥੀ ਜੀਵਨ ਦੌਰਾਨ ਖਿਡਾਰੀ ਦੇ ਤੌਰ 'ਤੇ ਹਾਕੀ ਸਮੇਤ ਵੱਖ-ਵੱਖ ਖੇਡਾਂ ਵਿੱਚ ਚੰਗਾ ਨਾਮਣਾ ਖੱਟਿਆ,ਉੱਥੇ ਉਨ੍ਹਾਂ ਗੌਰਮੈਂਟ ਹਾਇਰ ਸੈਕੰਡਰੀ ਸਕੂਲ ਨਥਾਣਾ ਸਮੇਤ ਵੱਖ ਵੱਖ ਸਕੂਲਾਂ ਵਿੱਚ ਡਿਊਟੀ ਨਿਭਾਉਂਦਿਆਂ ਵਿਦਿਆਰਥੀਆਂ ਵਿੱਚ ਖੇਡਾਂ ਦੀ ਪ੍ਰਤੀ ਰੁਚੀ ਪੈਦਾ ਕੀਤੀ | 90ਵਿਆਂ ਦੇ ਦਹਾਕੇ ਪੇਂਡੂ ਖੇਡ ਮੇਲਿਆਂ ਦੌਰਾਨ ਉਹ ਵਧੀਆ ਅੰਪਾਇਰ ਅਤੇ ਕੁਮੈਂਟੈਂਟਰ ਵਜੋਂ ਜਾਣੇ ਜਾਂਦੇ ਰਹੇ | ਉਨ੍ਹਾਂ ਪੰਜਾਬੀ ਸਾਹਿੱਤ ਸਭਾ ਨਥਾਣਾ ਵਿੱਚ ਦੇ ਮੈਂਬਰ ਹੰੁਦਿਆਂ ਸਾਹਿੱਤਿਕ ਮੀਟਿੰਗਾਂ ਵਿੱਚ ਇੱਕ ਸੁਲਝੇ ਆਲੋਚਕ ਵਜੋਂ ਆਪਣਾ ਸਾਹਿੱਤਿਕ ਯੋਗਦਾਨ ਪਾਇਆ | ਇਲਾਕੇ ਦੀਆਂ ਵੱਖ-ਵੱਖ ਮੁਲਾਜ਼ਮ ਜਥੇਬੰਦੀਆਂ ਅਤੇ ਖੇਡ ਸੰਸਥਾਵਾਂ ਨੇ ਉਨ੍ਹਾਂ ਦੇ ਦਿਹਾਂਤ 'ਤੇ ਗਹਿਰੇ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਉਨ੍ਹਾਂ ਦੇ ਬੇਟੇ ਜਸ਼ਨਵੀਰ ਸਿੰਘ ਸਿੱਧੂ ਨਾਲ ਹਮਦਰਦੀ ਜ਼ਾਹਿਰ ਕੀਤੀ ਹੈ |
