ਬਠਿੰਡਾ, 6 ਸਤੰਬਰ (ਵੀਰਪਾਲ ਸਿੰਘ)- ਨਾਮੀ ਕੰਪਨੀਆਂ ਦੇ ਨਾਮ 'ਤੇ ਜਾਅਲੀ ਬੂਟ ਵੇਚਣ ਦੇ ਮਾਮਲੇ ਵਿਚ ਇਕ ਵਿਅਕਤੀ ਨੂੰ ਗਿ੍ਫ਼ਤਾਰ ਕੀਤਾ ਗਿਆ ਹੈ | ਗਿ੍ਫ਼ਤਾਰ ਕੀਤੇ ਗਏ ਉਕਤ ਵਿਅਕਤੀ ਦੀ ਦੁਕਾਨ ਵਿਚ ਨਾਇਕੀ, ਐਡੀਡਸ ਕੰਪਨੀ ਦੇ 620 ਨਕਲੀ ਬੂਟ ਬਰਾਮਦ ਕੀਤੇ ਗਏ ਹਨ | ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਤਫ਼ਤੀਸ਼ੀ ਪੁਲਿਸ ਅਧਿਕਾਰੀ ਪਰਮਿੰਦਰ ਸਿੰਘ ਨੇ ਦੱਸਿਆ ਕਿ ਰਾਧੇ ਸ਼ਾਮ ਪੁੱਤਰ ਰਾਮ ਵਾਸੀ ਫ਼ਰੀਦਾਬਾਦ ਹਰਿਆਣਾ ਵਲੋਂ ਥਾਣਾ ਕੋਤਵਾਲੀ ਵਿਖੇ ਦਰਜ ਕਰਵਾਈ ਗਈ ਸ਼ਿਕਾਇਤ ਵਿਚ ਦੱਸਿਆ ਕਿ ਹਿਮਾਂਸ਼ੂ ਵਾਸੀ ਸੁਰਖਪੀਰ ਰੋਡ ਬਠਿੰਡਾ ਆਪਣੀ ਨਵੀਂ ਬਸਤੀ ਵਿਖੇ ਸਥਿਤ ਦੁਕਾਨ 'ਤੇ ਨਾਇਕੀ ਅਤੇ ਐਡੀਡਸ ਆਦਿ ਕੰਪਨੀਆਂ ਦੇ ਜਾਅਲੀ ਬੂਟ ਵੇਚ ਕੇ ਕਾਪੀ ਰਾਈਟ ਕਾਨੂੰਨ ਦੀ ਉਲੰਘਣਾ ਕਰ ਰਿਹਾ ਹੈ | ਪੁਲਿਸ ਵਲੋਂ ਸ਼ਿਕਾਇਤ ਕਰਤਾ ਦੇ ਬਿਆਨਾਂ ਦੇ ਆਧਾਰ 'ਤੇ ਕਾਰਵਾਈ ਕਰਦੇ ਹੋਏ ਉਕਤ ਵਿਅਕਤੀ ਨੂੰ ਗਿ੍ਫ਼ਤਾਰ ਕਰਕੇ ਉਸ ਦੀ ਦੁਕਾਨ ਤੋਂ 620 ਨਕਲੀ ਬੂਟ ਬਰਾਮਦ ਕਰ ਲਏ ਗਏ, ਜਿਸ 'ਤੇ ਕਾਪੀ ਰਾਈਟ ਅਧੀਨ ਮੁਕੱਦਮਾ ਦਰਜ ਕਰ ਲਿਆ ਗਿਆ | ਉਕਤ ਵਿਅਕਤੀ ਨੂੰ ਗਿ੍ਫ਼ਤਾਰੀ ਤੋਂ ਬਾਅਦ ਬਰਜ਼ਮਾਨਤ ਰਿਹਾਅ ਕਰ ਦਿੱਤਾ ਗਿਆ ਹੈ |