ਬਠਿੰਡਾ, 5 ਦਸੰਬਰ (ਪੱਤਰ ਪ੍ਰੇਰਕ)-ਸ੍ਰੀ ਰਾਮ ਹੈਲਥ ਸੋਸਾਇਟੀ ਵਲੋਂ ਮੁੱਖ ਮਹਿਮਾਨ ਡਾ. ਤਰਸੇਮ ਗਰਗ ਚੀਫ਼ ਡੀਫੈਂਸ ਬਾਰਡਨ ਦੀ ਅਗਵਾਈ ਵਿਚ 35 ਗਰਭਵਤੀ ਔਰਤਾਂ ਨੂੰ ਪੌਸ਼ਟਿਕ ਆਹਾਰ ਵੰਡਿਆ ਗਿਆ | ਡਾਕਟਰ ਗਰਗ ਨੇ ਸੋਸਾਇਟੀ ਦੇ ਜੱਚਾ-ਬੱਚਾ ਦੀ ਤੰਦਰੁਸਤੀ ਲਈ ਕੀਤੇ ਜਾ ਰਹੇ ਕੰਮਾਂ ਦੀ ਪ੍ਰਸ਼ੰਸਾ ਕਰਦੇ ਦੱਸਿਆ ਕਿ ਇਹ ਉੱਤਮ ਸੇਵਾ ਹੈ, ਜਿਸ ਨਾਲ ਦੇਸ਼ ਦਾ ਭਵਿੱਖ ਉੱਜਵਲ ਹੋਵੇਗਾ¢ ਮੈਡਮ ਰੀਤੂ ਸਵੇਰਾ ਪ੍ਰਧਾਨ ਆਸ ਵੈੱਲਫ਼ੇਅਰ ਸੋਸਾਇਟੀ (ਰਜਿ:) ਅਤੇ ਸਹਿਯੋਗੀ ਐਸ.ਆਰ.ਐਚ.ਐਸ ਨੇ ਹਾਜ਼ਰ ਗਰਭਵਤੀਆਂ ਨੂੰ ਪੌਸ਼ਟਿਕ ਆਹਾਰ ਦੀ ਮਹੱਤਤਾ ਬਾਰੇ ਦੱਸਦੇ ਸਰਕਾਰ ਵਲੋਂ ਡਲਿਵਰੀ ਸਮੇਂ ਮਿਲਣ ਵਾਲੀਆਂ ਸਹੂਲਤਾਂ ਬਾਰੇ ਜਾਣਕਾਰੀ ਦਿੱਤੀ ਅਤੇ ਹਰ ਮਹੀਨੇ ਮੈਡੀਕਲ ਚੈੱਕਅਪ ਕਰਵਾਉਣ ਦੀ ਸਲਾਹ ਦਿੱਤੀ¢ ਡਾ. ਰੋਬਿਨ ਮਹੇਸ਼ਵਰੀ ਚਿਲਡਰਨ ਹਸਪਤਾਲ ਨੇ ਗਰਭਵਤੀ ਮਾਵਾਂ ਨੂੰ ਆਪਣੀ ਸਿਹਤ ਸੰਭਾਲ ਤੇ ਬੱਚਿਆਂ ਲਈ ਮਾਂ ਦੇ ਦੁੱਧ ਦੀ ਮਹੱਤਤਾ ਬਾਰੇ ਜਾਗਰੂਕ ਕੀਤਾ | ਜਨਰਲ ਸਕੱਤਰ ਪ੍ਰੇਮ ਪਾਲ ਨੇ ਸੋਸਾਇਟੀ ਦੇ ਕੰਮਾਂ ਬਾਰੇ ਜਾਣਕਾਰੀ ਦਿੱਤੀ | ਪ੍ਰੋਜੈਕਟ ਇੰਚਾਰਜ ਡਾ. ਆਰ.ਕੇ. ਗਰਗ ਨੇ ਗਰਭਵਤੀਆਂ ਨੂੰ ਗਰਭ ਦੌਰਾਨ ਮਾਨਸਿਕ ਤੌਰ 'ਤੇ ਤੰਦਰੁਸਤ ਰਹਿਣ ਦੀ ਸਲਾਹ ਦਿੱਤੀ | ਸੋਸਾਇਟੀ ਪ੍ਰਧਾਨ ਡਾ. ਆਰ. ਐਨ. ਮਹੇਸ਼ਵਰੀ ਨੇ ਹਾਜ਼ਰੀਨ ਮੈਂਬਰਾਂ ਨੂੰ ਸੋਸਾਇਟੀ ਦੇ ਕੰਮਾਂ ਨੂੰ ਜਨ-ਜਨ ਤੱਕ ਪਹਿਚਾਉਣ ਲਈ ਕਿਹਾ¢ ਇਸ ਸਮੇਂ ਪੰਕਜ ਓਮ ਮੈਨੇਜਰ, ਰਣਧੀਰ ਯਾਦਵ, ਸੁਭਾਸ਼ ਗੋਇਲ ਵੀਰ ਕਾਲੋਨੀ, ਪ੍ਰਦੀਪ ਮਾਸੂਮ, ਓਮੇਧ ਜੈਨ, ਰਜਿੰਦਰ ਮਾਨ, ਸਵੀ ਮਹੇਸ਼ਵਰੀ ਅਤੇ ਆਸ ਵੈੱਲਫ਼ੇਅਰ ਸੋਸਾਇਟੀ ਦੀਆਂ ਮੈਂਬਰ ਮੈਡਮ ਹਾਜ਼ਰ ਸਨ |
