ਰਾਮਪੁਰਾ ਫੂਲ, 19 ਦਸੰਬਰ (ਹੇਮੰਤ ਕੁਮਾਰ ਸ਼ਰਮਾ)-ਸੇਂਟ ਜ਼ੇਵੀਅਰਜ਼ ਕਿੰਡਰਗਾਰਟਨ, ਰਾਮਪੁਰਾ ਫੂਲ ਵਿੱਚ 19 ਦਸੰਬਰ 2025 ਨੂੰ ਕ੍ਰਿਸਮਸ ਦਾ ਤਿਉਹਾਰ ਬਹੁਤ ਹੀ ਖ਼ੁਸ਼ੀ, ਭਗਤੀ ਅਤੇ ਉਤਸ਼ਾਹ ਨਾਲ ਮਨਾਇਆ ਗਿਆ¢ ਇਹ ਸਮਾਗਮ ਪ੍ਰਭੂ ਯਿਸੂ ਮਸੀਹ ਦੇ ਜਨਮ ਦੀ ਯਾਦ ਵਿਚ ਆਯੋਜਿਤ ਕੀਤਾ ਗਿਆ | ਸਮਾਰੋਹ ਦੀ ਸ਼ੁਰੂਆਤ ਸਾਰੇ ਮਹਿਮਾਨਾਂ, ਸਟਾਫ਼ ਮੈਂਬਰਾਂ ਅਤੇ ਵਿਦਿਆਰਥੀਆਂ ਦੇ ਗਰਮਜੋਸ਼ੀ ਭਰੇ ਸਵਾਗਤ ਨਾਲ ਹੋਈ¢ ਇਸ ਮÏਕੇ ਮੁੱਖ ਮਹਿਮਾਨ, ਦਰਸ਼ਨ ਸਿੰਘ ਭੁੱਲਰ (ਜ਼ਿਲ੍ਹਾ ਖੇਡ ਅਧਿਕਾਰੀ) ਦਾ ਸਵਾਗਤ ਕੀਤਾ ਗਿਆ | ਇਸ ਸਮਾਰੋਹ ਦੀ ਸ਼ੋਭਾ ਫਾਦਰ ਯੂਲਾਲਿਓ ਫਰਨਾਂਡਿਸ (ਪਿ੍ੰਸੀਪਲ), ਫਾਦਰ ਆਂਡਰੇ ਫਰਨਾਂਡਿਸ (ਮੈਨੇਜਰ) ਅਤੇ ਫਾਦਰ ਮੈਥਿਆਸ ਡੀ' ਮੇਲੋ ਦੀ ਗੌਰਵਮਈ ਹਾਜ਼ਰੀ ਨਾਲ ਵਧੀ¢ ਇਸ ਸਮਾਰੋਹ ਦੀ ਸਫਲ ਆਯੋਜਨਾ ਕੋਆਰਡੀਨੇਟਰ ਪ੍ਰੇਮ ਲਤਾ ਮੈਡਮ ਅਤੇ ਅੰਜੂ ਬਾਲਾ ਮੈਡਮ ਵਲੋਂ ਬਹੁਤ ਹੀ ਸੁਚੱਜੇ ਢੰਗ ਨਾਲ ਕੀਤੀ ਗਈ, ਜਿਨ੍ਹਾਂ ਦੀ ਮਿਹਨਤ ਨਾਲ ਇਹ ਸਮਾਗਮ ਸੁਚਾਰੂ ਰੂਪ ਵਿਚ ਸੰਪੰਨ ਹੋਇਆ¢ ਸੱਭਿਆਚਾਰਕ ਪ੍ਰੋਗਰਾਮ ਵਿੱਚ ਨੰਨ੍ਹੇ ਮੁੰਨੇ ਬੱਚਿਆਂ ਵਲੋਂ ਪੇਸ਼ਕਾਰੀਆਂ ਪੇਸ਼ ਕੀਤੀਆਂ ਗਈਆਂ ਜਿਵੇਂ ਕਿ ਪ੍ਰਾਰਥਨਾ, ਡਾਂਸ, ਜਿੰਗਲ ਬੈਲ ਪ੍ਰਾਪ ਡਾਂਸ, ਨੈਟਿਵਿਟੀ ਸਕਿੱਟ, ਥੀਮ ਆਧਾਰਿਤ ਨਾਟਕ 'ਮੇਰੀ, ਕੀ ਤੂੰ ਜਾਣਦੀ ਸੀ', ਗੋਆਇਨ ਡਾਂਸ ਅਤੇ ਹੋਰ ਕ੍ਰਿਸਮਸ ਦਾ ਡਾਂਸ¢ ਮੁੱਖ ਮਹਿਮਾਨ ਦਰਸ਼ਨ ਸਿੰਘ ਭੁੱਲਰ ਨੇ ਵਿਦਿਆਰਥੀਆਂ ਨੂੰ ਪ੍ਰੇਰਿਤ ਕੀਤਾ ਅਤੇ ਬੱਚਿਆਂ ਦੇ ਅਨੁਸ਼ਾਸਨ, ਮੁੱਲਾਂ ਅਤੇ ਵਿਕਾਸ ਲਈ ਸਕੂਲ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ¢ ਇਸ ਤੋਂ ਬਾਅਦ ਫਾਦਰ ਆਂਡਰੇ ਫਰਨਾਂਡਿਸ (ਮੈਨੇਜਰ) ਅਤੇ ਫਾਦਰ. ਮੈਥਿਆਸ ਡੀ' ਮੇਲੋ ਵਲੋਂ ਪ੍ਰੇਰਣਾਦਾਇਕ ਕ੍ਰਿਸਮਸ ਦਾ ਸੰਦੇਸ਼ ਦਿੱਤਾ ਗਿਆ, ਜਿਸ ਵਿਚ ਸਭ ਨੂੰ ਪ੍ਰੇਮ, ਨਿਮਰਤਾ ਅਤੇ ਸੇਵਾ ਰਾਹੀਂ ਕ੍ਰਿਸਮਸ ਦੇ ਸੰਦੇਸ਼ ਨੂੰ ਜੀਵਨ ਵਿੱਚ ਅਪਣਾਉਣ ਲਈ ਉਤਸ਼ਾਹਿਤ ਕੀਤਾ ਗਿਆ¢