ਸਰਦੂਲਗੜ੍ਹ, 20 ਦਸੰਬਰ (ਜੀ.ਐਮ.ਅਰੋੜਾ)-ਸਥਾਨਕ ਸ਼ਹਿਰ ਦੇ ਸ਼ਹਿਨਾਈ ਪੈਲੇਸ ਵਿਖੇ ਸਰਕਾਰੀ ਪੈਨਸ਼ਨਰਜ਼ ਐਸੋਸੀਏਸ਼ਨ ਸਰਦੂਲਗੜ੍ਹ ਵੱਲੋਂ ਬਾਬੂ ਸਿੰਘ ਸਰਾਂ ਦੀ ਪ੍ਰਧਾਨਗੀ ਹੇਠ ਪੈਨਸ਼ਨ ਦਿਵਸ ਮਨਾਇਆ ਗਿਆ | ਮੁੱਖ ਮਹਿਮਾਨ ਵਜੋਂ ਐੱਸ.ਬੀ.ਆਈ. ਬੈਂਕ ਦੇ ਮੈਨੇਜਰ ਸੁਸ਼ੀਲ ਕੁਮਾਰ ਅਤੇ ਵਿਸ਼ੇਸ਼ ਤੌਰ 'ਤੇ ਨਗਰ ਪੰਚਾਇਤ ਸਰਦੂਲਗੜ੍ਹ ਦੇ ਪ੍ਰਧਾਨ ਵੀਨਾ ਰਾਣੀ ਦੇ ਪਤੀ ਸਮਾਜ ਸੇਵੀ ਪ੍ਰੇਮ ਕੁਮਾਰ ਗਰਗ ਪਹੁੰਚੇ | ਉਨ੍ਹਾਂ ਨਾਲ ਨਵਿੰਦਰ ਸਿੰਘ ਤੇ ਸੁਖਵਿੰਦਰ ਸਿੰਘ ਐਮ. ਸੀ. ਨੇ ਵੀ ਸ਼ਿਰਕਤ ਕੀਤੀ | ਬੁਲਾਰਿਆਂ ਨੇ ਦੋਸ਼ ਲਗਾਇਆ ਕਿ ਪੰਜਾਬ ਸਰਕਾਰ ਪੈਨਸ਼ਨਰਾਂ ਤੇ ਮੁਲਾਜ਼ਮਾਂ ਦੀਆਂ ਮੰਗਾਂ ਲਾਗੂ ਕਰਨ ਤੋਂ ਭੱਜ ਰਹੀ ਹੈ | ਉਨ੍ਹਾਂ ਮੰਗ ਕੀਤੀ ਕਿ ਪਹਿਲ ਦੇ ਆਧਾਰ 'ਤੇ ਉਨ੍ਹਾਂ ਦੀਆਂ ਮੰਗਾਂ ਨੂੰ ਪੂਰਾ ਕੀਤਾ ਜਾਵੇ | ਸੰਬੋਧਨ ਤੇ ਸ਼ਾਮਿਲ ਹੋਣ ਵਾਲਿਆਂ 'ਚ ਮਾਸਟਰ ਓਮ ਪ੍ਰਕਾਸ਼, ਪ੍ਰਦੀਪ ਕੁਮਾਰ, ਪ੍ਰਧਾਨ ਬਾਬੂ ਸਿੰਘ ਸਰਾਂ, ਵਿਰਸ਼ਾ ਸਿੰਘ, ਸੀਤਾ ਰਾਮ ਖੈਰਾ, ਸਾਬਕਾ ਤਹਿਸੀਲਦਾਰ ਸੁਰਿੰਦਰ ਪਾਲ ਸਿੰਘ, ਕੌਰ ਸਿੰਘ ਭੰਮੇ, ਗੁਰਦੀਪ ਸਿੰਘ ਖੈਰਾ ਖ਼ੁਰਦ, ਬਲਵਿੰਦਰ ਸਿੰਘ ਮੱਖਣ, ਪ੍ਰਦੀਪ ਕੁਮਾਰ ਘੰਡ, ਬਲਵਿੰਦਰ ਸਿੰਘ ਪੱਲਾ ਝੰਡਾ ਕਲਾਂ, ਬਿੱਕਰ ਸਿੰਘ, ਹਰਦਿਆਲ ਸਿੰਘ, ਸੁਖਵਿੰਦਰ ਸਿੰਘ, ਰਾਮ ਗੋਪਾਲ, ਸੀਤਾ ਰਾਣੀ, ਸਤਪਾਲ ਤਾਇਲ, ਵਿਜੈ ਕੁਮਾਰ, ਦੇਵੀ ਲਾਲ ਮੱਕੜ, ਗੁਰਦਿਆਲ ਸਿੰਘ ਆਦਿ ਸਨ |
