ਖੰਨਾ, 21 ਸਤੰਬਰ (ਹਰਜਿੰਦਰ ਸਿੰਘ ਲਾਲ)- ਅੱਜ ਪੰਡਿਤ ਦੇਸ਼ਰਾਜ ਸ਼ਾਸਤਰੀ ਨੇ ਪ੍ਰਾਚੀਨ ਗੁੱਗਾ ਮਾੜੀ ਸ਼ਿਵ ਮੰਦਰ ਵਿਖੇ ਆਪਣੇ ਜਜਮਾਨਾਂ ਦੇ ਪੁਰਖਿਆਂ ਦੀ ਮੁਕਤੀ ਲਈ ਹਵਨ ਯੱਗ ਅਤੇ ਪਿਤ੍ਰ ਤਰਪਣ ਕੀਤਾ | ਇਸ ਦੌਰਾਨ ਪੰਡਿਤ ਨੇ ਦੱਸਿਆ ਕਿ ਤਿੰਨਾਂ ਗੋਤਾਂ ਦੇ ਪੁਰਖਿਆਂ-ਪਿਤਾ ਦਾ ਗੋਤ, ਮਾਤਾ ਦਾ ਗੋਤ ਅਤੇ ਪਤਨੀ ਦਾ ਗੋਤ ਲਈ ਹਵਨ ਅਤੇ ਤਰਪਣ ਕੀਤਾ ਜਾਂਦਾ ਸੀ | ਪੂਰਵਜਾਂ ਦੀਆਂ ਆਤਮਾਵਾਂ ਦੀ ਸ਼ਾਂਤੀ ਲਈ ਹਵਨ ਯੱਗ ਅਤੇ ਪਿਤ੍ਰ ਤਰਪਣ ਕੀਤਾ ਜਾਂਦਾ ਹੈ | ਇਹ ਰਸਮ ਪੂਰਵਜਾਂ ਦੇ ਆਸ਼ੀਰਵਾਦ ਪ੍ਰਾਪਤ ਕਰਨ ਅਤੇ ਉਨ੍ਹਾਂ ਪ੍ਰਤੀ ਸਤਿਕਾਰ ਪ੍ਰਗਟ ਕਰਨ ਦਾ ਇੱਕ ਤਰੀਕਾ ਹੈ | ਹਵਨ ਯੱਗ ਵਿਚ ਭੇਟ ਚੜ੍ਹਾ ਕੇ ਪੂਰਵਜਾਂ ਨੂੰ ਸ਼ਾਂਤ ਕੀਤਾ ਗਿਆ | ਪਿਤ੍ਰ ਤਰਪਣ ਵਿੱਚ ਪੁਰਖਿਆਂ ਨੂੰ ਭੋਜਨ, ਮਠਿਆਈਆਂ, ਪਾਣੀ ਅਤੇ ਹੋਰ ਚੀਜ਼ਾਂ ਭੇਟ ਕੀਤੀਆਂ ਗਈਆਂ | ਆਰਤੀ ਅਤੇ ਭੇਟਾਂ ਤੋਂ ਬਾਅਦ, ਪੁਰਖਿਆਂ ਨੂੰ ਰਸਮਾਂ ਅਨੁਸਾਰ ਜਲ ਪ੍ਰਵਾਹ ਕੀਤਾ ਗਿਆ |
