ਰਾੜਾ ਸਾਹਿਬ, 3 ਨਵੰਬਰ (ਸੁਖਵੀਰ ਸਿੰਘ ਚਣਕੋਈਆਂ)- ਜ਼ਿਲ੍ਹਾ ਲੁਧਿਆਣਾ, ਹਲਕਾ ਪਾਇਲ ਦੇ ਪਿੰਡ ਭੀਖੀ ਖੱਟੜਾ ਲੜਕੀ ਕੁਲਵਿੰਦਰ ਸਿੰਘ ਅਤੇ ਹਰਜੀਤ ਕੌਰ ਦੀ ਲੜਕੀ ਕੈਨੇਡਾ ਦੀ ਜੰਮਪਲ ਗਗਨਦੀਪ ਕੌਰ 'ਰੌਇਲ ਕੈਨੇਡੀਅਨ ਮਾਊਾਟਿਡ ਪੁਲਿਸ (ਆਰ. ਸੀ. ਐਮ. ਪੀ) ਵਿਚ ਕੈਡਿਟ ਵਜੋਂ ਮਹਿਲਾ ਪੁਲਿਸ ਵਿੱਚ ਭਰਤੀ ਹੋ ਕੇ ਅਫ਼ਸਰ ਬਣੀ ਹੈ | ਜਿਸ ਨੰੂ ਲੈ ਕੇ ਪਰਿਵਾਰ, ਪਿੰਡ ਭੀਖੀ ਖੱਟੜਾ ਅਤੇ ਰਾੜਾ ਸਾਹਿਬ ਦੇ ਇਲਾਕੇ ਵਿੱਚ ਖ਼ੁਸ਼ੀ ਦੀ ਲਹਿਰ ਹੈ | ਜਾਣਕਾਰੀ ਅਨੁਸਾਰ ਗਗਨਦੀਪ ਕੌਰ ਨੇ ਸਕੂਲ ਦੀ ਮੁੱਢਲੀ ਸਿੱਖਿਆ ਕੈਨੇਡਾ ਤੋਂ ਹੀ ਹਾਸਲ ਕੀਤੀ ਹੈ | ਉਸ ਦਾ ਸੁਪਨਾ ਪੀ. ਸੀ. ਐਸ. ਜਾਂ ਪੀ. ਪੀ. ਐਸ ਅਧਿਕਾਰੀ ਬਣਨ ਦਾ ਸੀ, ਜੋ ਉਸ ਨੇ ਆਰ. ਸੀ. ਐਮ. ਪੀ ਵਿੱਚ ਸ਼ਾਮਲ ਹੋ ਕੇ ਪੂਰਾ ਕੀਤਾ | ਗਗਨਦੀਪ ਕੌਰ ਨੇ ਆਰ. ਸੀ. ਐਮ. ਪੀ ਵਿੱਚ ਭਰਤੀ ਹੋਣ ਨਾਲ ਉਸ ਨੇ ਨਾ ਸਿਰਫ਼ ਆਪਣੇ ਸੁਪਨੇ ਨੂੰ ਸਾਕਾਰ ਕੀਤਾ, ਸਗੋਂ ਪੰਜਾਬੀ ਅਤੇ ਸਿੱਖ ਸਭਿਆਚਾਰ ਨੂੰ ਵੀ ਵਿਸ਼ਵ ਪੱਧਰ ਤੇ ਮਾਣਮੱਤਾ ਸਥਾਨ ਦਿਵਾਇਆ ਹੈ | ਉਸ ਦੀ ਇਸ ਪ੍ਰਾਪਤੀ ਨੇ ਸਾਬਤ ਕਰ ਦਿੱਤਾ ਕਿ ਮਿਹਨਤ ਨਾਲ ਹਰ ਮੁਕਾਮ ਸਰ ਕੀਤਾ ਜਾ ਸਕਦਾ ਹੈ | ਕੁਲਵਿੰਦਰ ਸਿੰਘ ਭੀਖੀ ਖੱਟੜਾ 1988 ਸੰਨ ਵਿਚ ਕੈਨੇਡਾ ਪਹੁੰਚੇ ਸਨ | ਜਿਨ੍ਹਾਂ ਦੀ ਅਣਥੱਕ ਮਿਹਨਤ ਸਦਕਾ ਅੱਜ ਉਨ੍ਹਾਂ ਦੀ ਧੀ ਗਗਨਦੀਪ ਕੌਰ ਕੈਨੇਡਾ ਪੁਲਿਸ ਵਿਚ ਭਰਤੀ ਹੋਈ ਹੈ |
