ਜੌੜੇਪੁਲ ਜਰਗ, 7 ਦਸੰਬਰ (ਪਾਲਾ ਰਾਜੇਵਾਲੀਆ)-ਸੰਯੁਕਤ ਕਿਸਾਨ ਮੋਰਚਾ (ਐਸ. ਕੇ. ਐਮ.) ਵਲੋਂ ਸਮਾਰਟ ਮੀਟਰ ਲਗਾਉਣ ਵਿਰੁੱਧ 8 ਦਸੰਬਰ ਨੂੰ ਰੋਸ ਮੁਜ਼ਾਹਰੇ ਕੀਤੇ ਜਾਣਗੇ | ਭਾਰਤੀ ਕਿਸਾਨ ਯੂਨੀਅਨ ਲੱਖੋਵਾਲ ਦੇ ਜ਼ਿਲ੍ਹਾ ਮੀਤ ਪ੍ਰਧਾਨ ਅੰਮਿ੍ਤ ਸਿੰਘ ਬੈਨੀਪਾਲ ਬਲਾਕ ਪ੍ਰਧਾਨ ਨੰਬਰਦਾਰ ਬੇਅੰਤ ਸਿੰਘ ਤੁਰਮਰੀ ਨੇ ਦੱਸਿਆ ਕਿ ਕਿਸਾਨ ਆਗੂਆਂ ਨੇ ਬਿਜਲੀ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੂੰ ਸਮਾਰਟ ਮੀਟ ਲਗਾਉਣ ਤੋਂ ਪਹਿਲਾਂ ਹੀ ਸਖਤ ਤਾੜਨਾ ਕੀਤੀ ਸੀ ਕਿ ਸਮਾਰਟ ਮੀਟਰ ਨਾ ਲਗਾਏ ਜਾਣ ਪ੍ਰੰਤੂ ਫਿਰ ਵੀ ਕਈ ਘਰਾਂ 'ਚ ਪਿੰਡ ਰਾਜੇਵਾਲ ਵਿਖੇ ਸਮਾਰਟ ਮੀਟਰ ਚੋਰੀ ਚੋਰੀ ਲਗਾਏ ਗਏ | ਜਿਸ ਦੇ ਵਿਰੋਧ ਵਜੋਂ ਐਸ. ਕੇ. ਐਮ. ਪੰਜਾਬ ਵਲੋਂ ਅੱਜ ਐਕਸੀਅਨ ਪੰਜਾਬ ਪੰਜਾਬ ਬਿਜਲੀ ਬੋਰਡ ਦੇ ਦਫ਼ਤਰਾਂ ਅੱਗੇ ਧਰਨੇ ਲਗਾਏ ਜਾਣਗੇ |
