ਮਾਛੀਵਾੜਾ ਸਾਹਿਬ, 18 ਦਸੰਬਰ (ਮਨੋਜ ਕੁਮਾਰ)-ਬੋਲਣ ਵਿਚ ਸਮਰੱਥ ਤੇ ਸਰੀਰ ਤੋਂ ਤੰਦਰੁਸਤ ਇੱਕ 20 ਸਾਲਾ ਪ੍ਰਵਾਸੀ ਨੌਜਵਾਨ ਕੁੱਝ ਦਿਨ ਪਹਿਲਾਂ ਘੁੰਮਦੇ ਫਿਰਦੇ ਪਿੰਡ ਹਾੜੀਆਂ ਦੇ ਅੱਡੇ ਕੋਲ ਕੈਮਿਸਟ ਦੁਕਾਨ 'ਤੇ ਅਚਾਨਕ ਆ ਗਿਆ | ਦੁਕਾਨਦਾਰ ਗੁਰਜਿੰਦਰ ਸਿੰਘ ਗੋਗੀ ਅਨੁਸਾਰ ਕਾਫੀ ਸਮਾਂ ਇਸੇ ਤਰਾਂ ਬੈਠਣ ਤੋਂ ਬਾਦ ਜਦੋਂ ਉਸ ਨੰੂ ਉਸ ਦੇ ਸ਼ਹਿਰ ਤੇ ਮਾਪਿਆਂ ਬਾਰੇ ਪੁੱਛਿਆ ਤਾਂ ਉਸ ਨੇ ਸਿਰਫ਼ ਆਪਣਾ ਨਾਮ ਅਨਮੋਲ ਤੋਂ ਇਲਾਵਾ ਹੋਰ ਕੁੱਝ ਨਹੀਂ ਦੱਸਿਆ | ਹਾਲਾਂਕਿ ਇਸ ਨੌਜਵਾਨ ਦੇ ਅਸਲ ਰਿਹਾਇਸ਼ ਬਾਰੇ ਆਸ ਪਾਸ ਵੀ ਪਤਾ ਕੀਤਾ, ਪਰ ਕੁੱਝ ਪਤਾ ਨਹੀਂ ਲੱਗ ਸਕਿਆ | ਹੁਣ ਇਹ ਨੌਜਵਾਨ ਗੁਰਜਿੰਦਰ ਸਿੰਘ ਗੋਗੀ ਦੇ ਪਿੰਡ ਰਾਏਪੁਰ ਬੇਟ ਵਿਖੇ ਘਰ ਵਿਚ ਰਹਿ ਰਿਹਾ ਹੈ ਤੇ ਉਸ ਦੇ ਮਾਪਿਆਂ ਤੇ ਕਿਸੇ ਹੋਰ ਪਰਿਵਾਰਕ ਮੈਂਬਰ ਦੀ ਤਲਾਸ਼ ਕੀਤੀ ਜਾਂ ਰਹੀ ਹੈ |