ਟੱਲੇਵਾਲ, 3 ਸਤੰਬਰ (ਚੀਮਾ)-ਪਿੰਡ ਭੋਤਨਾ ਦੇ ਸਮੁੱਚੇ ਨਗਰ ਨਿਵਾਸੀਆਂ ਵਲੋਂ ਸਾਂਝ ਅਤੇ ਏਕਤਾ ਰੀਤ ਨੂੰ ਮੁੜ ਦੁਹਰਾਉਂਦਿਆਂ ਇਕੱਠੇ ਹੋ ਕੇ ਹੜ੍ਹ ਪੀੜਤ ਪਰਿਵਾਰਾਂ ਲਈ ਰਾਹਤ ਸਮੱਗਰੀ ਨੂੰ ਇਕੱਤਰ ਕਰਨ ਲਈ ਭਰਵਾਂ ਸਹਿਯੋਗ ਦਿੱਤਾ ਜਾ ਰਿਹਾ ਹੈ ਅਤੇ ਸਾਰੀ ਰਾਹਤ ਸਮੱਗਰੀ ਨੂੰ ਵੱਖ-ਵੱਖ ਲਿਫ਼ਾਫ਼ਿਆਂ ਵਿਚ ਪੈਕ ਕਰ ਕੇ ਉਨ੍ਹਾਂ ਦੀਆਂ ਕਿੱਟਾਂ ਬਣਾ ਕੇ ਰਾਹਤ ਸਮੱਗਰੀ ਨੂੰ ਲੋੜਵੰਦਾਂ ਤੱਕ ਪਹੁੰਚਾਉਣ ਦੇ ਲਈ ਗੁਰਦੁਆਰਾ ਪਾਤਸ਼ਾਹੀ ਛੇਵੀਂ ਵਿਖੇ ਤਿਆਰ ਕੀਤੀ ਜਾ ਰਹੀ ਹੈ | ਇਸ ਸਬੰਧੀ ਸਰਪੰਚ ਕੁਲਦੀਪ ਸਿੰਘ ਭੋਤਨਾ ਨੇ ਦੱਸਿਆ ਕਿ ਇਸ ਸਮੁੱਚੇ ਕਾਰਜ ਵਿਚ ਪਿੰਡ ਦੇ ਨੌਜਵਾਨ ਵੀਰ, ਬਜ਼ੁਰਗਾਂ, ਮਾਵਾਂ, ਭੈਣਾਂ ਬੱਚਿਆਂ ਸਭ ਨੇ ਇਸ ਨੇਕ ਉਪਰਾਲੇ ਵਿਚ ਆਪਣਾ ਹੱਥ ਵਟਾਇਆ ਅਤੇ ਪਿੰਡ ਦੇ ਵਿਚੋਂ ਰਾਸ਼ਨ, ਦਾਲਾਂ, ਖਾਣ ਪੀਣ ਦੀਆਂ ਵਸਤੂਆਂ ਤੋਂ ਇਲਾਵਾ ਪਸ਼ੂਆਂ ਦੇ ਲਈ ਚਾਰਾ ਅਤੇ ਤੂੜੀ ਇਕੱਠੀ ਕੀਤੀ ਗਈ | ਡਾ: ਬਲਵੰਤ ਸਿੰਘ ਭੱਟੀ ਨੇ ਦੱਸਿਆ ਕਿ ਪਿੰਡ ਵਲੋਂ ਇਕੱਠਾ ਕੀਤਾ ਗਿਆ ਇਹ ਰਾਸ਼ਨ ਇਕ ਦੋ ਦਿਨਾਂ ਦੇ ਵਿਚ ਲੋੜਵੰਦਾਂ ਕੋਲ ਗਰਾਊਾਡ ਜ਼ੀਰੋ 'ਤੇ ਜਾ ਕੇ ਵੰਡਿਆ ਜਾਵੇਗਾ | ਇਸ ਮੌਕੇ ਗੋਲਡੀ ਧਾਲੀਵਾਲ, ਬੂਟਾ ਛਪਾਰੀਆ ਸੇਖੋਂ, ਅਮਨ ਸਟੂਡੀਓ, ਅਮਰਜੀਤ ਸਿੰਘ (ਪ੍ਰਧਾਨ ਕੋਆਪਰੇਟਿਵ ਸੋਸਾਇਟੀ), ਕਰਮਜੀਤ ਸਿੰਘ ਸੇਖੋ, ਗੁਰਚੇਤ ਸਿੰਘ ਭੱਟੀ, ਪੰਚਾਇਤ ਮੈਂਬਰ ਹੈਰੀ ਸੇਖੋ, ਆਕਾਸ਼ਦੀਪ ਧਾਲੀਵਾਲ, ਗੁਰਨਾਮ ਸਿੰਘ ਫ਼ੌਜੀ, ਪਾਲਾ ਸਿੱਧੂ ਤੋਂ ਇਲਾਵਾ ਹੋਰ ਪਿੰਡ ਵਾਸੀ ਹਾਜ਼ਰ ਸਨ |
