ਟੱਲੇਵਾਲ, 4 ਸਤੰਬਰ (ਸੋਨੀ ਚੀਮਾ)-ਪਿੰਡ ਚੀਮਾ ਵਿਖੇ ਭਾਰੀ ਮੀਂਹ, ਛੱਪੜਾਂ 'ਤੇ ਹੋਏ ਨਾਜਾਇਜ਼ ਕਬਜ਼ਿਆਂ ਅਤੇ ਸ਼ਰਾਰਤੀ ਅਨਸਰਾਂ ਵਲੋਂ ਡਰੇਨ ਨੂੰ ਜਾਂਦੀਆਂ ਪਾਈਪਾਂ ਵਿਚ ਬੋਰੀਆਂ ਫਸਾਏ ਜਾਣ ਕਾਰਨ ਪਾਣੀ ਦੀ ਨਿਕਾਸੀ ਬੰਦ ਹੋ ਗਈ | ਜਿਸ ਕਾਰਨ ਪਿੰਡ ਦੇ ਬਹੁਤੇ ਘਰਾਂ ਅਤੇ ਧਾਰਮਿਕ ਸਥਾਨਾਂ ਵਿਚ ਗੰਦਾ ਪਾਣੀ ਵੜ ਗਿਆ | ਪਾਣੀ ਦੀ ਨਿਕਾਸੀ ਲਈ ਸਰਪੰਚ ਮਲੂਕ ਸਿੰਘ ਧਾਲੀਵਾਲ ਤੋਂ ਇਲਾਵਾ ਆਜ਼ਾਦ ਸਪੋਰਟਸ ਕਲੱਬ ਚੀਮਾ ਦੇ ਆਗੂਆਂ ਵਲੋਂ ਆਪਣੇ ਪੱਧਰ 'ਤੇ ਜੇ.ਸੀ.ਬੀ ਅਤੇ ਹੋਰ ਉਪਕਰਨਾਂ ਰਾਹੀਂ ਪਾਈਪਾਂ ਦੀ ਨਿਕਾਸੀ ਕਰਵਾਏ ਜਾਣ ਤੋਂ ਇਲਾਵਾ ਡੇਰਾ ਸਾਹਿਬ ਅਤੇ ਪਿੰਡ ਦੇ ਵੱਡਾ ਗੁਰਦੁਆਰਾ ਸਾਹਿਬ ਨਜ਼ਦੀਕ ਜੇ.ਸੀ.ਬੀ ਲਗਾ ਕੇ ਪਾਣੀ ਦੀ ਨਿਕਾਸੀ ਕਰਵਾਈ ਜਾ ਰਹੀ ਹੈ | ਇਸ ਮੌਕੇ ਸਰਪੰਚ ਮਲੂਕ ਸਿੰਘ, ਜੀਵਨ ਸਿੰਘ ਧਾਲੀਵਾਲ ਕਲੱਬ ਪ੍ਰਧਾਨ, ਰਮਨਾ ਸਿੰਘ ਪੰਚ, ਲਖਵਿੰਦਰ ਸਿੰਘ ਸੀਰਾ, ਗੁਰਮੇਲ ਸਿੰਘ ਗੇਲਾ, ਗੁਰਮੀਤ ਸਿੰਘ ਮੀਤਾ ਨੰਬਰਦਾਰ, ਜੋਬਨਜੀਤ ਸਿੰਘ, ਬੀਰਾ ਸਿੰਘ ਚੰਨਣਵਾਲੀਆ ਆਦਿ ਵੀ ਹਾਜ਼ਰ ਸਨ |
