ਹੰਡਿਆਇਆ, 5 ਸਤੰਬਰ (ਗੁਰਜੀਤ ਸਿੰਘ ਖੱੁਡੀ)-ਪਿੰਡ ਖੱੁਡੀ ਕਲਾਂ ਦੇ ਵਾਸੀ ਮਾ: ਹਰਦੇਵ ਸਿੰਘ ਖੱੁਡੀ ਨੇ ਦੱਸਿਆ ਕਿ ਮੀਂਹ ਕਾਰਨ ਨਿਕਾਸੀ ਪਾਣੀ ਵਾਲੀ ਪੁਲੀ ਦਾ ਕਿਸੇ ਪਾਸੇ ਨਿਕਾਸ ਨਾ ਹੋਣ ਕਾਰਨ ਹਰ ਵਕਤ ਪਾਣੀ ਖੜ੍ਹਾ ਰਹਿਣ ਕਰ ਕੇ ਘਰ ਦੀਆਂ ਕੰਧਾਂ ਬੈਠ ਗਈਆਂ | ਉਨ੍ਹਾਂ ਕਿਹਾ ਕਿ ਰੇਲਵੇ ਸਟੇਸ਼ਨ ਹੰਡਿਆਇਆ ਵਿਖੇ ਖੱੁਡੀ ਕਲਾਂ ਤੇ ਹੰਡਿਆਇਆ ਵੱਲ ਨੂੰ ਬਣੀ ਨਿਕਾਸੀ ਪਾਣੀ ਵਾਲੀ ਪੁਲੀ ਦਾ ਕਿਧਰੇ ਵੀ ਨਿਕਾਸ ਨਹੀਂ ਕੀਤਾ ਗਿਆ | ਜਿਸ ਕਰ ਕੇ ਪਾਣੀ ਹਰ ਵਕਤ ਸਾਡੀ ਕੰਧ ਨਾਲ ਖੜ੍ਹਾ ਰਹਿਣ ਕਰ ਕੇ ਸਾਡੇ ਘਰ ਵਿਚ ਤਰੇੜਾਂ ਆ ਗਈਆਂ | ਉਨ੍ਹਾਂ ਕਿਹਾ ਕਿ ਅਸੀਂ ਇਸ ਸਬੰਧੀ ਡੀ.ਆਰ.ਐਮ. ਰੇਲਵੇ ਮੰਡਲ ਅੰਬਾਲਾ ਅਤੇ ਡਿਪਟੀ ਕਮਿਸ਼ਨਰ ਬਰਨਾਲਾ ਨੂੰ ਵੀ ਲਿਖਤੀ ਦਰਖ਼ਾਸਤਾਂ ਦੇ ਕੇ ਚੱੁਕੇ ਹਾਂ ਪਰ ਸਾਡਾ ਕੋਈ ਵੀ ਹੱਲ ਨਹੀਂ ਕੀਤਾ ਗਿਆ | ਉਨ੍ਹਾਂ ਰੇਲਵੇ ਦੇ ਉੱਚ ਅਧਿਕਾਰੀਆਂ ਅਤੇ ਡੀ. ਸੀ. ਬਰਨਾਲਾ ਤੋਂ ਮੰਗ ਕੀਤੀ ਕਿ ਇਸ ਨਿਕਾਸੀ ਪਾਣੀ ਵਾਲੀ ਪੁਲੀ ਦਾ ਨਿਕਾਸ ਕਰਨ ਲਈ ਪ੍ਰਬੰਧ ਕੀਤੇ ਜਾਣ |
