ਬਰਨਾਲਾ, 26 ਸਤੰਬਰ (ਅਸ਼ੋਕ ਭਾਰਤੀ)-ਵਾਈ.ਐਸ. ਪਬਲਿਕ ਸਕੂਲ ਹੰਡਿਆਇਆ ਵਿਖੇ ਸਕੂਲ ਦੇ ਟਰਾਂਸਪੋਰਟ ਸਟਾਫ਼ ਲਈ ਵਿਸ਼ੇਸ਼ ਸੁਰੱਖਿਆ ਸਬੰਧੀ ਮੀਟਿੰਗ ਆਯੋਜਿਤ ਕੀਤੀ ਗਈ | ਜਿਸ ਵਿਚ ਸਿੱਖਿਆ ਵਿਭਾਗ ਅਤੇ ਪੁਲਿਸ ਵਿਭਾਗ ਦੇ ਪ੍ਰਤੀਨਿਧੀਆਂ ਨੇ ਸ਼ਮੂਲੀਅਤ ਕੀਤੀ ਤੇ ਉਨ੍ਹਾਂ ਨੇ ਡਰਾਈਵਰਾਂ ਨੂੰ ਮੋਬਾਈਲ ਫ਼ੋਨ ਨਾ ਵਰਤਣ, ਰਿਫ਼ਲੈਕਟਰ ਸਹੀ ਥਾਂ 'ਤੇ ਲਗਾਉਣ, ਬੱਚਿਆਂ ਨੂੰ ਸਿਰਫ਼ ਸੁਰੱਖਿਅਤ ਥਾਵਾਂ 'ਤੇ ਲੈ ਜਾਣ ਅਤੇ ਛੱਡਣ, ਪ੍ਰਦੂਸ਼ਣ ਅਤੇ ਇਨਸੋਰੈਂਸ ਦਸਤਾਵੇਜ਼ ਅੱਪਡੇਟ ਰੱਖਣ, ਗ਼ਲਤ ਪਾਰਕਿੰਗ ਤੋਂ ਬਚਣ ਅਤੇ ਹਮੇਸ਼ਾ ਸ਼ਾਲੀਨ ਵਰਤਾਰਾ ਕਰਨ ਦੀ ਹਦਾਇਤ ਦਿੱਤੀ ਗਈ | ਹੈਲਪਲਾਈਨ ਨੰਬਰਾਂ (ਜਿਵੇਂ 1098) ਦੇ ਵਰਤੋਂ ਅਤੇ ਬੱਚਿਆਂ ਦੇ ਵਰਤਾਰਾ ਜਾਂ ਘਟਨਾਵਾਂ ਲਈ ਰੋਜ਼ਾਨਾ ਰਜਿਸਟਰ ਬਣਾਉਣ 'ਤੇ ਜ਼ੋਰ ਦਿੱਤਾ ਗਿਆ | ਇਨ੍ਹਾਂ ਸੁਰੱਖਿਆ ਉਪਾਇਆਂ ਨੂੰ ਮਜ਼ਬੂਤ ਕਰਨ ਲਈ ਮਹੀਨਾਵਾਰ ਮੀਟਿੰਗਾਂ ਕਰਨ ਦੀ ਯੋਜਨਾ ਬਣਾਈ ਗਈ | ਇਸ ਮੌਕੇ ਪਿ੍ੰਸੀਪਲ ਮੋਹਿਤ ਜਿੰਦਲ, ਸਕੂਲ ਦਾ ਡਰਾਈਵਰ ਸਟਾਫ਼ ਹਾਜ਼ਰ ਸੀ |
