ਬਰਨਾਲਾ, 20 ਦਸੰਬਰ (ਨਰਿੰਦਰ ਅਰੋੜਾ)-ਕੌਮੀ ਕਾਨੂੰਨੀ ਸੇਵਾਵਾਂ ਅਥਾਰਿਟੀ ਨਵੀਂ ਦਿੱਲੀ ਅਤੇ ਪੰਜਾਬ ਰਾਜ ਕਾਨੂੰਨੀ ਸੇਵਾਵਾਂ ਅਥਾਰਿਟੀ ਐੱਸ.ਏ.ਐੱਸ. ਨਗਰ ਦੇ ਦਿਸ਼ਾ ਨਿਰਦੇਸ਼ਾਂ ਅਤੇ ਮਿਸ ਅੰਸ਼ੂਲ ਬੇਰੀ ਜ਼ਿਲ੍ਹਾ ਅਤੇ ਸੈਸ਼ਨ ਜ਼ੱਜ਼-ਸਹਿਤ-ਚੇਅਰਮੈਨ ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਿਟੀ ਬਰਨਾਲਾ ਦੀ ਅਗਵਾਈ ਹੇਠ ਕੈਂਪੇਨ ਯੂਥ ਅਗੇਸਟ ਡਰਗਜ਼ ਤਹਿਤ ਕਰਵਾਈਆਂ ਜਾ ਰਹੀਆਂ ਗਤੀਵਿਧੀਆਂ ਅਧੀਨ ਅੱਜ ਜੁਡੀਸ਼ੀਅਲ ਕੋਰਟ ਕੰਪਲੈਕਸ, ਬਰਨਾਲਾ ਵਿਖੇ ਖ਼ੂਨਦਾਨ ਕੈਂਪ ਦਾ ਆਯੋਜਨ ਕੀਤਾ ਗਿਆ | ਇਸ ਕੈਂਪ ਦੀ ਸ਼ੁਰੂਆਤ ਦੀਪਕ ਕੁਮਾਰ ਚੌਧਰੀ ਪਿ੍ੰਸੀਪਲ ਜੱਜ (ਫੈਮਲੀ ਕੋਰਟ) ਬਰਨਾਲਾ, ਮੁਨੀਸ਼ ਗਰਗ ਏ.ਸੀ.ਜੇ.ਐਮ., ਸੁਧੀਰ ਕੁਮਾਰ ਜੇ.ਐਮ.ਆਈ.ਸੀ. ਬਰਨਾਲਾ, ਅਨੂਪਮ ਗੁਪਤਾ ਜੇ.ਐਮ.ਆਈ.ਸੀ. ਬਰਨਾਲਾ, ਪੰਕਜ ਬਾਂਸਲ ਪ੍ਰਧਾਨ ਜ਼ਿਲ੍ਹਾ ਬਾਰ ਐਸੋਸੀਏਸ਼ਨ ਬਰਨਾਲਾ ਅਤੇ ਵਕੀਲ ਸਾਹਿਬਾਨ ਨੇ ਖ਼ੂਨਦਾਨ ਕਰ ਕੇ ਕੀਤੀ | ਇਸ ਕੈਂਪ ਵਿਚ 45 ਯੂਨਿਟ ਖ਼ੂਨ ਇਕੱਠਾ ਹੋਇਆ | ਗੱਲਬਾਤ ਕਰਦਿਆਂ ਮਿਸ ਅੰਸੁਲ ਬੇਰੀ ਨੇ ਕਿਹਾ ਕਿ ਇਕ ਬੂੰਦ ਖ਼ੂਨ ਕਿਸੇ ਦੀ ਜਾਨ ਬਚਾ ਸਕਦੀ ਹੈ, ਸਾਨੂੰ ਸਭ ਨੂੰ ਖ਼ੂਨਦਾਨ ਜ਼ਰੂਰ ਕਰਨਾ ਚਾਹੀਦਾ ਹੈ | ਘੱਟੋ ਘੱਟ ਸਾਲ ਦੇ ਵਿਚ ਇਕ ਵਾਰ ਖ਼ੂਨ ਦਾਨ ਜ਼ਰੂਰ ਕਰਨਾ ਚਾਹੀਦਾ ਹੈ | ਖ਼ੂਨਦਾਨ ਕਰਨ ਨਾਲ ਸਰੀਰ ਵੀ ਤੰਦਰੁਸਤ ਰਹਿੰਦਾ ਹੈ | ਇਸ ਮੌਕੇ ਸਮੂਹ ਜੱਜ ਸਾਹਿਬਾਨ, ਪ੍ਰਧਾਨ ਜ਼ਿਲ੍ਹਾ ਬਾਰ ਐੱਸੋਸੀਏਸ਼ਨ ਬਰਨਾਲਾ, ਲੀਗਲ ਏਡ ਡਿਫੈਂਸ ਕਾਉਂਸਲ, ਮੀਡੀਏਟਰਜ, ਪੈਰਾ ਲੀਗਲ ਵਲੰਟੀਅਰ, ਵਕੀਲ ਸਾਹਿਬਾਨ ਅਤੇ ਆਮ ਜਨਤਾ ਨੇ ਭਾਗ ਲਿਆ |
