ਸੈਕਰਾਮੈਂਟੋ, 19 ਅਕਤੂਬਰ (ਹੁਸਨ ਲੜੋਆ ਬੰਗਾ)- 30 ਸਾਲ ਪਹਿਲਾਂ ਫੋਨਿਕਸ (ਐਰੀਜ਼ੋਨਾ) ਸ਼ਹਿਰ ਦੇ ਇਕ ਪਰਿਵਾਰ ਦੇ 4 ਜੀਆਂ ਦੀ ਹੱਤਿਆ ਦੇ ਮਾਮਲੇ 'ਚ ਮੌਤ ਦੀ ਸਜ਼ਾ ਪ੍ਰਾਪਤ 55 ਸਾਲਾ ਰਿਚਰਡ ਕੈਨਥ ਡਜਰਫ ਨੂੰ ਜ਼ਹਿਰ ਦਾ ਟੀਕਾ ਲਾ ਦਿੱਤਾ ਗਿਆ ¢ ਐਰੀਜ਼ੋਨਾ ਰਾਜ ਵਿਚ ਇਸ ਸਾਲ ਦਿੱਤੀ ਗਈ ਇਹ ਦੂਸਰੀ ਮੌਤ ਦੀ ਸਜ਼ਾ ਹੈ ¢ ਡਜਰਫ ਨੇ ਚੋਰੀ ਕੀਤੇ ਸਾਮਾਨ ਦਾ ਬਦਲਾ ਲੈਣ ਲਈ ਪਰਿਵਾਰ ਦੇ 4 ਜੀਆਂ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ ਸੀ, ਜਿਨ੍ਹਾਂ 'ਚ ਪਤੀ-ਪਤਨੀ ਅਲਬਰਟ ਲੂਨਾ ਸੀਨੀਅਰ ਅਤੇ ਪੈਟਰਿਸੀਆ ਲੂਨਾ, ਉਨ੍ਹਾਂ ਦੀ ਧੀ ਰੋਸ਼ਲੇ ਲੂਨਾ (18) ਤੇ ਪੁੱਤਰ ਡੈਮੀਨ ਲੂਨਾ (5) ਸ਼ਾਮਿਲ ਸਨ ¢ ਡਜਰਫ ਨੂੰ ਜ਼ਹਿਰ ਦਾ ਟੀਕਾ ਲਾ ਕੇ ਸਜ਼ਾ ਦਿੱਤੀ ਗਈ | ਡਜਰਫ ਜੋ ਪਿਛਲੇ 29 ਸਾਲ ਤੋਂ ਜੇਲ ਵਿਚ ਸੀ, ਨੇ ਰਹਿਮ ਦੀ ਅਪੀਲ ਕਰਨ ਤੋਂ ਨਾਂਹ ਕਰ ਦਿੱਤੀ ਸੀ ¢ ਐਰੀਜ਼ੋਨਾ ਦੇ ਅਟਾਰਨੀ ਜਨਰਲ ਕ੍ਰਿਸ ਮੇਅਸ ਜਿਸ ਦੇ ਦਫਤਰ ਨੇ ਸੁੁਣਵਾਈ ਦੌਰਾਨ ਫਾਂਸੀ ਦੀ ਸਜ਼ਾ ਉਪਰ ਜ਼ੋਰ ਦਿੱਤਾ ਸੀ, ਨੇ ਕਿਹਾ ਕਿ ਪੀੜਤ 4 ਨਿਰਦੋਸ਼ਾਂ ਨੂੰ ਇਨਸਾਫ਼ ਮਿਲਣਾ ਜ਼ਰੂਰੀ ਸੀ ਤੇ ਆਖਰਕਾਰ ਇਨਸਾਫ ਹੋਇਆ ਹੈ ¢
