ਖ਼ਾਲਸਾ ਕਾਲਜ ਦੇ ਰਾਹੁਲ ਤੇ ਪਰਨੀਤ ਕੌਰ ਅੱਵਲ <br/>

ਰਤੀਆ, 2 ਸਤੰਬਰ (ਬੇਅੰਤ ਕੌਰ ਮੰਡੇਰ)- ਚੌਧਰੀ ਦੇਵੀ ਲਾਲ ਯੂਨੀਵਰਸਿਟੀ ਸਿਰਸਾ ਵਲੋਂ ਐਲਾਨੇ ਗਏ ਚੌਥੇ ਸਮੈਸਟਰ ਦੇ ਨਤੀਜੇ 'ਚ ਖ਼ਾਲਸਾ ਤ੍ਰੈ-ਸ਼ਤਾਬਦੀ ਸਰਕਾਰੀ ਪੋਸਟ ਗ੍ਰੈਜੂਏਟ ਕਾਲਜ ਰਤੀਆ ਦੇ ਵਿਦਿਆਰਥੀਆਂ ਨੇ ਆਪਣੀ ਸਰਦਾਰੀ ਕਾਇਮ ਰੱਖੀ ਹੈ | ਕਾਲਜ ਦੀ ਬੀ.ਏ. ਦੂਜੇ ਸਾਲ ਦੀ ਵਿਦਿਆਰਥਣ ਪ੍ਰਨੀਤ ਕੌਰ ਨੇ ਪਹਿਲਾ, ਰਾਹੁਲ ਕੁਮਾਰ ਨੇ ਦੂਜਾ ਅਤੇ ਅਵਿਨਾਸ਼ ਕੁਮਾਰ ਨੇ ਤੀਜਾ ਸਥਾਨ ਹਾਸਲ ਕੀਤਾ | ਕਾਰਜਕਾਰੀ ਪਿ੍ੰਸੀਪਲ ਡਾ. ਵਰਿੰਦਰ ਕੁਮਾਰ ਨੇ ਇਸ ਸੂਚੀ 'ਚ ਸਥਾਨ ਪ੍ਰਾਪਤ ਕਰਨ ਵਾਲੇ ਸਾਰੇ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ ਇਸ ਦੇ ਨਾਲ ਹੀ ਕਾਲਜ 'ਚ ਐਮ.ਏ ਅੰਗਰੇਜ਼ੀ 'ਚ ਇਸ ਸੈਸ਼ਨ ਲਈ ਦਾਖਲਾ ਪ੍ਰਕਿਰਿਆ ਚੱਲ ਰਹੀ ਹੈ | ਇਸ ਲਈ ਜਿਹੜੇ ਵਿਦਿਆਰਥੀ ਕਿਸੇ ਕਾਰਨ ਕਰ ਕੇ ਕਾਲਜ 'ਚ ਦਾਖਲਾ ਨਹੀਂ ਲੈ ਸਕੇ, ਉਹ 12 ਸਤੰਬਰ ਤੱਕ ਕਾਲਜ 'ਚ ਹੋਣ ਵਾਲੀ ਸਰੀਰਕ ਕੌਂਸਲਿੰਗ ਵਿਚ ਹਿੱਸਾ ਲੈ ਕੇ ਦਾਖਲਾ ਲੈ ਸਕਦੇ ਹਨ |