ਪਿੰਡ ਫੱਗੂ ਵਿਖੇ ਮੁੜ ਸ਼ੁਰੂ ਹੋਇਆ ਹਫ਼ਤਾਵਾਰੀ ਪਸ਼ੂ ਮੇਲਾ

ਅ

ਅਜੀਤ ਡੈਸਕ 03-11-2025

ਕਾਲਾਂਵਾਲੀ/ਸਿਰਸਾ, 2 ਨਵੰਬਰ (ਭੁਪਿੰਦਰ ਪੰਨੀਵਾਲੀਆ)- ਪੰਜਾਬ ਦੇ ਹੱਦ 'ਤੇ ਪੈਂਦੇ ਹਰਿਆਣਾ ਦੇ ਪਿੰਡ ਫੱਗੂ ਵਿਖੇ ਮੁੜ ਤੋਂ ਹਫ਼ਤਾਵਾਰੀ ਪਸ਼ੂ ਮੇਲਾ ਲੱਗਣਾ ਸ਼ੁਰੂ ਹੋ ਗਿਆ ਹੈ | ਇਸ ਮੇੇਲੇ 'ਚ ਹਰਿਆਣਾ ਦੇ ਨਾਲ-ਨਾਲ ਪੰਜਾਬ ਦੇ ਕਈ ਪਿੰਡਾਂ ਦੇ ਪਸ਼ੂ ਪਾਲਕ ਵੀ ਆਪਣੇ ਪਸ਼ੂ ਵੇਚਣ ਲਈ ਆਉਂਦੇ ਹਨ | ਇਸ ਮੇਲੇ ਦੀ ਸ਼ੁਰੂਆਤ ਪੰਚਾਇਤੀ ਵਿਭਾਗ ਦੇ ਅਧਿਕਾਰੀਆਂ, ਗੁਰਦੁਆਰਾ ਸਾਹਿਬ ਪਾਤਸ਼ਾਹੀ ਅਠਵੀਂ ਪਿੰਡ ਫੱਗੂ ਦੇ ਪ੍ਰਬੰਧਕਾਂ ਅਤੇ ਖੇਤਰ ਦੀਆਂ ਕੁਝ ਪ੍ਰਮੁੱਖ ਸਖਸ਼ੀਅਤਾਂ ਵੱਲੋਂ ਕੀਤੀ ਗਈ | ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਮੈਂਬਰ ਭਾਈ ਕੁਲਦੀਪ ਸਿੰਘ ਫੱਗੂ ਨੇ ਕਿਹਾ ਕਿ ਗੁਰਦੁਆਰਾ ਸਾਹਿਬ ਵਿਖੇ ਜਿਸ ਤਰ੍ਹਾਂ ਪਹਿਲਾਂ ਪਸ਼ੂ ਮੇਲਾ ਹਰ ਐਤਵਾਰ ਨੂੰ ਲਾਇਆ ਜਾਂਦਾ ਸੀ | ਉਸ ਤਰ੍ਹਾਂ ਹੀ ਦੁਬਾਰਾ ਮੇਲਾ ਲਾਉਣਾ ਸ਼ੁਰੂ ਕੀਤਾ ਗਿਆ ਹੈ |
ਪਸ਼ੂ ਮੇਲੇ ਦਾ ਪਹਿਲਾ ਦਿਨ ਹੋਣ ਕਾਰਨ ਇਸ ਮੇਲੇ ਵਿੱਚ ਪਸ਼ੂਆਂ ਦੀ ਆਮਦ ਅਤੇ ਵਿਕਰੀ ਤਾਂ ਘੱਟ ਰਹੀ | ਉਹਨਾਂ ਕਿਹਾ ਕਿ ਆਉਣ ਵਾਲੇ ਲੋਕਾਂ ਲਈ ਲੰਗਰ ਦਾ ਪ੍ਰਬੰਧ ਅਤੇ ਪਸ਼ੂਆਂ ਲਈ ਛਾਂ ਅਤੇ ਪਾਣੀ ਦਾ ਪੁਖਤਾ ਪ੍ਰਬੰਧ ਕੀਤਾ ਗਿਆ ਹੈ | ਉਹਨਾਂ ਕਿਹਾ ਕਿ ਪਿੰਡ ਫੱਗੂ ਵਿਖੇ ਸਰਦੂਲਗੜ੍ਹ ਤੋਂ ਕਾਲਾਂਵਾਲੀ ਰੋਡ ਲੱਗਣ ਵਾਲੇ ਇਸ ਮੇਲੇ ਵਿੱਚ ਹਰਿਆਣਾ ਅਤੇ ਪੰਜਾਬ ਦੇ ਪਸ਼ੂ ਪਾਲਕ ਆਪਣੇ ਪਸ਼ੂਆਂ ਦੀ ਖਰੀਦ ਵੇਚ ਕਰ ਸਕਦੇ ਹਨ |

ਪਿਛਲੀ ਖ਼ਬਰ ਹੋਮਿਓਪੈਥਿਕ ਕੈਂਪ 'ਚ 300 ਮਰੀਜ਼ਾਂ ਦੀ ਜਾਂਚ ਅਗਲੀ ਖ਼ਬਰ ਸਰਕਾਰੀ ਸਕੂਲ ਗੋਧੇਵਾਲਾ ਮੋਗਾ ਤੋਂ ਨਸ਼ਿਆਂ ਵਿਰੁੱਧ ਰੈਲੀ ਕੱਢੀ ਗਈ

ਪਿੰਡ ਫੱਗੂ ਵਿਖੇ ਮੁੜ ਸ਼ੁਰੂ ਹੋਇਆ ਹਫ਼ਤਾਵਾਰੀ ਪਸ਼ੂ ਮੇਲਾ

ਸੰਬੰਧਿਤ ਖ਼ਬਰਾਂ