ਨਵੀਂ ਦਿੱਲੀ, 21 ਨਵੰਬਰ (ਮਿਸਰਦੀਪ ਭਾਟੀਆ)-ਫੋਰਟਿਸ ਹਸਪਤਾਲ, ਵਸੰਤ ਕੁੰਜ, ਨਵੀਂ ਦਿੱਲੀ ਦੀ ਇਕ ਮਹੱਤਵਪੂਰਨ ਉਪਲੱਬਧੀ ਸਾਹਮਣੇ ਆਈ ਹੈ | ਹਸਪਤਾਲ ਦੀ ਟੀਮ ਨੇ ਇਕ ਅਜਿਹੇ ਨਵਜੰਮੇ ਬੱਚੇ ਨੂੰ ਸਫ਼ਲਤਾਪੂਰਵਕ ਬਚਾਇਆ ਹੈ, ਜਿਸ ਦਾ ਜਨਮ ਸਿਰਫ਼ 24 ਹਫ਼ਤਿਆਂ ਵਿਚ ਹੋਇਆ ਸੀ ਅਤੇ ਜਿਸ ਦਾ ਭਾਰ ਸਿਰਫ਼ 640 ਗ੍ਰਾਮ ਸੀ | ਗੰਭੀਰ ਸਥਿਤੀਆਂ ਦੇ ਬਾਵਜੂਦ ਇਹ ਬੱਚਾ 90 ਦਿਨਾਂ ਦੀ ਕਠਿਨ ਐਨ.ਆਈ.ਸੀ.ਯੂ. ਦੇਖਭਾਲ ਤੋਂ ਬਾਅਦ ਠੀਕ ਹੋ ਗਿਆ | ਦੁਨੀਆ ਭਰ ਵਿਚ ਅਜਿਹੇ 'ਮਾਈਕ੍ਰੋ ਪ੍ਰੀਮੀ' ਬੱਚਿਆਂ ਦੇ ਬਚਣ ਦੀ ਸੰਭਾਵਨਾ ਬਹੁਤ ਘੱਟ, ਲਗਭਗ 10-15 ਫ਼ੀਸਦੀ ਹੁੰਦੀ ਹੈ | ਇਹ ਸਫ਼ਲਤਾ ਫੋਰਟਿਸ ਹਸਪਤਾਲ, ਵਸੰਤ ਕੁੰਜ ਦੀ ਨਵਜੰਮੇ ਬੱਚਿਆਂ ਦੀ ਉੱਨਤ ਦੇਖਭਾਲ ਦੀ ਮਜ਼ਬੂਤ ਮਿਸਾਲ ਹੈ |
