ਆਈ.ਆਈ.ਟੀ. ਦਿੱਲੀ ਨੇ ਐਡਵਾਂਸਡ ਏ.ਆਈ. ਏਜੰਟ ਕੀਤਾ ਤਿਆਰ <br/>

ਅ

ਅਜੀਤ ਡੈਸਕ 24-12-2025

ਨਵੀਂ ਦਿੱਲੀ, 23 ਦਸੰਬਰ (ਮਿਸਰਦੀਪ ਭਾਟੀਆ)-ਦੇਸ਼ ਦੀ ਵੱਕਾਰੀ ਸੰਸਥਾ ਆਈ.ਆਈ.ਟੀ. ਦਿੱਲੀ ਨੇ ਦੁਨੀਆ ਦਾ ਪਹਿਲਾ ਐਡਵਾਂਸਡ ਏ.ਆਈ. ਏਜੰਟ ਤਿਆਰ ਕੀਤਾ ਹੈ ਜੋ ਰਿਸਰਚ ਦੀ ਦਿਸ਼ਾ ਅਤੇ ਰਫ਼ਤਾਰ ਦੋਵਾਂ ਨੂੰ ਬਦਲ ਸਕਦਾ ਹੈ | ਇਸ ਐਡਵਾਂਸ ਏ.ਆਈ. ਏਜੰਟ ਦਾ ਨਾਂਅ ਏ.ਆਈ.ਐਲ.ਏ. ਯਾਨੀ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਲੈਬਾਰਟਰੀ ਅਸਿਸਟੈਂਟ ਹੈ | ਏ.ਆਈ.ਐਲ.ਏ. ਕੋਈ ਆਮ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਟੂਲ ਨਹੀਂ ਹੈ, ਬਲਕਿ ਇਹ ਖੁਦ ਲੈਬ ਵਿਚ ਕਈ ਪ੍ਰਯੋਗਾਂ ਨੂੰ ਅੰਜਾਮ ਦੇਣ ਦੀ ਸਮਰੱਥਾ ਰੱਖਦਾ ਹੈ | ਏ.ਆਈ.ਐਲ.ਏ. ਨੂੰ ਤਿਆਰ ਕਰਨ ਵਿਚ ਕਰੀਬ ਇਕ ਸਾਲ ਦਾ ਸਮਾਂ ਲੱਗਿਆ | ਇਸ ਨੂੰ ਤਿਆਰ ਕਰਨ ਵਾਲੀ ਟੀਮ ਦਾ ਹਿੱਸਾ ਰਹੇ ਪ੍ਰੋਫੈਸਰ ਐਨ.ਐਮ. ਅਨੂਪ ਕ੍ਰਿਸ਼ਣਨ ਨੇ ਦੱਸਿਆ ਕਿ ਇਸ ਪ੍ਰੋਜੈਕਟ ਵਿਚ ਭਾਰਤੀ ਖੋਜਕਰਤਾਵਾਂ ਦੇ ਨਾਲ-ਨਾਲ ਜਰਮਨੀ ਦੇ ਦੋ ਖੋਜਕਰਤਾਵਾਂ ਦੀ ਵੀ ਅਹਿਮ ਭੂਮਿਕਾ ਰਹੀ ਹੈ | ਏ.ਆਈ.ਐਲ.ਏ. ਇਕ ਖੋਜਕਰਤਾ ਦੇ ਸਹਾਇਕ ਵਜੋਂ ਕੰਮ ਕਰਦਾ ਹੈ | ਉਹ ਸਾਰੇ ਟਾਸਕ, ਜਿਸ ਵਿਚ ਖੋਜਕਰਤਾਵਾਂ ਨੂੰ ਬਹੁਤ ਸਾਰਾ ਸਮਾਂ ਲੱਗਦਾ ਹੈ, ਨੂੰ ਬੇਹਦ ਤੇਜ਼ੀ ਨਾਲ ਪੂਰਾ ਕਰ ਸਕਦਾ ਹੈ | ਜਿੱਥੇ ਇਕ ਖੋਜਕਰਤਾ ਨੂੰ ਇਕ ਕੰਮ ਪੂਰਾ ਕਰਨ ਵਿਚ 7 ਤੋਂ 8 ਘੰਟੇ ਲੱਗਦੇ ਹਨ, ਦਾਅਵਾ ਹੈ ਕਿ ਉਹੀ ਕੰਮ ਏ.ਆਈ.ਐਲ.ਏ. ਸਿਰਫ 7 ਮਿੰਟਾਂ ਵਿਚ ਕਰ ਦਿੰਦਾ ਹੈ |

ਪਿਛਲੀ ਖ਼ਬਰ ਛੋਟੇ ਬੱਚਿਆਂ ਤੇ ਗਰਭਵਤੀ ਔਰਤਾਂ ਲਈ ਟੀਕਾਕਰਨ ਕੈਂਪ ਲਗਾਇਆ ਅਗਲੀ ਖ਼ਬਰ ਯਮੁਨਾਨਗਰ ਨੇ ਅੰਬਾਲਾ ਲੋਕ ਸਭਾ ਪੱਧਰੀ ਐਮ. ਪੀ. ਸਪੋਰਟਸ ਫੈਸਟੀਵਲ ਵਿਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ

ਆਈ.ਆਈ.ਟੀ. ਦਿੱਲੀ ਨੇ ਐਡਵਾਂਸਡ ਏ.ਆਈ. ਏਜੰਟ ਕੀਤਾ ਤਿਆਰ <br/>

ਸੰਬੰਧਿਤ ਖ਼ਬਰਾਂ