ਜਲੰਧਰ

ਸ੍ਰੀ ਬਾਲ ਗਣੇਸ਼ ਕਲੱਬ ਸ਼ਾਹਕੋਟ ਵਲੋਂ 'ਸ੍ਰੀ ਗਣੇਸ਼ ਉਤਸਵ' ਦੀ ਸਮਾਪਤੀ ਮੌਕੇ ਵਿਸ਼ਾਲ ਸ਼ੋਭਾ ਯਾਤਰਾ <br/>

ਸ਼ਾਹਕੋਟ ਵਿਖੇ ਸ੍ਰੀ ਗਣੇਸ਼ ਉਤਸਵ ਦੌਰਾਨ ਸ਼ੋਭਾ ਯਾਤਰਾ ਦੀ ਆਰੰਭਤਾ ਮੌਕੇ ਸ਼ਾਮਿਲ ਪੰਡਿਤ ਮਾਧਵ ਰਾਮ ਅਤੇ ਸ੍ਰੀ ਬਾਲ ਗਣੇਸ਼ ਕਲੱਬ ਦੇ ਸਮੂਹ ਮੈਂਬਰ | ਤਸਵੀਰ- ਸੁਖਦੀਪ ਸਿੰਘ <br/> 03-09-2025

ਸ਼ਾਹਕੋਟ, 2 ਸਤੰਬਰ (ਸੁਖਦੀਪ ਸਿੰਘ)-ਸ੍ਰੀ ਬਾਲ ਗਣੇਸ਼ ਕਲੱਬ, ਸ਼ਾਹਕੋਟ ਵਲੋਂ ਗਾਂਧੀ ਚੌਂਕ ਹਾਲ 'ਚ ਮਨਾਏ ਸ੍ਰੀ ਗਣੇਸ਼ ਉਤਸਵ ਸਮਾਗਮਾਂ ਦੀ ਅੱਜ ਸੰਪੂਰਨਤਾ ਹੋ ਗਈ | ਸਮਾਗਮ ਦੇ ਆਖ਼ਰੀ ਦਿਨ ਸ੍ਰੀ ਗਣੇਸ਼ ਜੀ ਦੀ ਮੂਰਤੀ ਨਾਲ ਵਿਸ਼ਾਲ ਸ਼ੋਭਾ ਯਾਤਰਾ ਕੱਢੀ ਗਈ | ਇਸ ਮੌਕੇ ਪੰਡਿਤ ਮਾਧਵ ਰਾਮ ਨੇ ਵਿਧੀਪੂਰਵਕ ਪੂਜਾ ਕੀਤੀ, ਉਪਰੰਤ 'ਗਣਪਤੀ ਬੱਪਾ ਮੋਰਿਆ' ਦੇ ਜੈਕਾਰਿਆਂ ਨਾਲ ਸ਼ੋਭਾ ਯਾਤਰਾ ਦੀ ਸ਼ੁਰੂਆਤ ਹੋਈ | ਇਸ ਦੌਰਾਨ ਭਜਨ, ਬੈਂਡ, ਫੁੱਲਾਂ ਤੇ ਰੰਗਾਂ ਦੀ ਹੋਲੀ ਨੇ ਹਰ ਪਾਸੇ ਕਈ ਰੰਗ ਬਿਖੇਰੇ | ਭਾਰੀ ਮੀਂਹ ਦੇ ਬਾਵਜੂਦ ਸ਼ਰਧਾਲੂਆਂ ਦਾ ਉਤਸ਼ਾਹ ਵੇਖਦਿਆਂ ਹੀ ਬਣਦਾ ਸੀ | ਸ਼ੋਭਾ ਯਾਤਰਾ ਦੌਰਾਨ ਸ਼ਰਧਾਲੂ ਖੂਬ ਨੱਚੇ | ਸ਼ੋਭਾ ਯਾਤਰਾ ਵਲੋਂ ਸਾਰੇ ਸ਼ਹਿਰ ਦੀ ਪਰਿਕਰਮਾ ਕੀਤੀ ਗਈ, ਉਪਰੰਤ ਸ੍ਰੀ ਗਣੇਸ਼ ਜੀ ਦੀ ਮੂਰਤੀ ਨੂੰ ਬਿਆਸ ਦਰਿਆ 'ਚ ਵਿਸਰਜਨ ਲਈ ਲਿਜਾਇਆ ਗਿਆ | ਸ੍ਰੀ ਬਾਲ ਗਣੇਸ਼ ਕਲੱਬ ਦੇ ਸਮੂਹ ਮੈਂਬਰ ਨੇ ਸ਼ਹਿਰ ਵਾਸੀਆਂ ਅਤੇ ਸੇਵਾਦਾਰਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਸਾਰਿਆਂ ਦੇ ਸਹਿਯੋਗ ਨਾਲ ਸਮਾਗਮ ਸਫ਼ਲਾਤਪੂਰਵਕ ਨੇਪਰੇ ਚੜ੍ਹੇ ਹਨ | ਇਸ ਦੌਰਾਨ ਸ੍ਰੀ ਹਰਿਨਾਮ ਸੰਕੀਰਤਨ ਮੰਡਲੀ ਸ਼ਾਹਕੋਟ, ਪੰਡਿਤ ਮਾਧਵ ਰਾਮ, ਜੋਤੀ ਸ਼ਰਮਾ ਸ਼ੇਖੂਪੁਰ (ਕਪੂਰਥਲਾ) ਵਾਲੇ, ਆਤਿਸ਼ ਅਰੋੜਾ ਜਲੰਧਰ ਵਾਲੇ, ਦੁਰਗਾ ਭਜਨ ਮੰਡਲੀ ਸ਼ਾਹਕੋਟ ਵਾਲਿਆਂ ਨੇ ਭਜਨ-ਕੀਰਤਨ ਕਰਕੇ 5 ਦਿਨ ਸ੍ਰੀ ਗਣੇਸ਼ ਜੀ ਦੀ ਮਹਿਮਾ ਦਾ ਗੁਣਗਾਨ ਕੀਤਾ | ਇਸ ਮੌਕੇ ਸ੍ਰੀ ਬਾਲ ਗਣੇਸ਼ ਕਲੱਬ ਦੇ ਮੈਂਬਰ ਅਤੇ ਵੱਡੀ ਗਿਣਤੀ 'ਚ ਸ਼ਰਧਾਲੂ ਹਾਜ਼ਰ ਸਨ |