ਜਮਸ਼ੇਰ ਖਾਸ, 5 ਸਤੰਬਰ (ਹਰਵਿੰਦਰ ਕੁਮਾਰ)-ਮੁੱਢਲਾ ਸਿਹਤ ਕੇਂਦਰ ਜਮਸ਼ੇਰ ਖਾਸ ਅਧੀਨ ਆਉਂਦੇ ਡੇਅਰੀ ਕੰਪਲੈਕਸ ਵਿੱਚ ਕੰਮ ਕਰਦੇ ਇੱਕ ਪ੍ਰਵਾਸੀ ਰਾਹੁਲ ਯਾਦਵ ਦੀ ਗਰਭਵਤੀ ਪਤਨੀ ਅਨੀਤਾ ਨੂੰ ਜਦੋਂ ਪ੍ਰਸਤੁਤੀ ਪੀੜਾਂ ਸ਼ੁਰੂ ਹੋਈਆਂ ਤਾਂ ਉਸਨੂੰ ਦੁਪਹਿਰ ਦੇ ਕਰੀਬ 12.30 ਵਜੇ ਆਟੋ ਚਾਲਕ ਸੰਦੀਪ ਕੁਮਾਰ ਦੇ ਆਟੋ ਨੰਬਰ ਪੀਬੀ08-ਪੀਜੀ-4648 ਵਿੱਚ ਹਸਪਤਾਲ ਲਿਜਾਇਆ ਜਾ ਰਿਹਾ ਸੀ ਤਾਂ ਅਨੀਤਾ ਨੇ ਆਟੋ ਵਿੱਚ ਹੀ ਇੱਕ ਲੜਕੇ ਨੂੰ ਜਨਮ ਦੇ ਦਿੱਤਾ¢ ਰਾਹੁਲ ਯਾਦਵ ਨੇ ਦੱਸਿਆ ਕਿ ਉਹ ਪਤਨੀ ਦੀ ਡਲਿਵਰੀ ਕਰਾਉਣ ਵਾਸਤੇ ਸਿਵਲ ਹਸਪਤਾਲ ਜਲੰਧਰ ਵਿਖੇ ਜਾ ਰਹੇ ਸਨ ਤਾਂ ਅਚਾਨਕ ਉਸਦੀ ਪਤਨੀ ਅਨੀਤਾ ਦੇ ਰਸਤੇ ਵਿੱਚ ਡਲੀਵਰੀ ਦਰਦ ਸ਼ੁਰੂ ਹੋ ਗਈ¢ ਸੰਪਰਕ ਕਰਨ ਤੇ ਐੱਸ.ਐੱਮ.ਓ. ਮਨਦੀਪ ਕÏਰ ਨੇ ਦੱਸਿਆ ਕਿ ਉਨ੍ਹਾਂ ਦੀ ਸਟਾਫ ਨਰਸ ਸਵੀਤਾ ਜੋ ਕਿ ਹਸਪਤਾਲ ਵਿੱਚ ਡਿਊਟੀ ਤੇ ਤਾਇਨਾਤ ਸੀ ਨੇ ਇਸ ਡਲਿਵਰੀ ਕੇਸ ਦੀ ਤੁਰੰਤ ਦੇਖਭਾਲ ਕੀਤੀ¢ ਸਟਾਫ ਨਰਸ ਸਵਿਤਾ ਨੇ ਦੱਸਿਆ ਕਿ ਮਾਂ ਅਤੇ ਨਵ-ਜਨਮਿਆਂ ਬੱਚਾ ਦੋਵੇਂ ਠੀਕ ਹਨ¢ ਇਲਾਕੇ ਦੇ ਪਿੰਡਾਂ ਵਿਚ ਮੁੱਢਲਾ ਸਿਹਤ ਕੇਂਦਰ ਜਮਸ਼ੇਰ ਖਾਸ ਦੇ ਸਟਾਫ ਦੀ ਸ਼ਲਾਘਾ ਕੀਤੀ ਜਾ ਰਹੀ ਹੈ¢