20-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 06-09-2025

ਸੱਪ ਦੇ ਡੰਗਣ ਤੋਂ ਬਾਅਦ ਗੰਭੀਰ ਹੋਈ ਲੜਕੀ ਦਾ ਇਲਾਜ ਕਰਕੇ ਬਚਾਈ ਜਾਨ

Ad Position 21
No active advertisement
ਅਜੀਤ ਡੈਸਕ 06-09-2025
• ਡਾ. ਸ਼ਿੰਗਾਰਾ ਸਿੰਘ ਹਸਪਤਾਲ 'ਚ ਹੋਇਆ ਲੜਕੀ ਦਾ ਸਫ਼ਲ ਇਲਾਜ
ਜਲੰਧਰ, 5 ਸਤੰਬਰ (ਐੱਮ. ਐੱਸ. ਲੋਹੀਆ)-ਸੱਪ ਦੇ ਡੰਗਣ ਤੋਂ ਬਾਅਦ ਲਿੰਕ ਰੋਡ 'ਤੇ ਚੱਲ ਰਹੇ ਡਾ. ਸ਼ਿੰਗਾਰਾ ਸਿੰਘ ਹਸਪਤਾਲ ਵਿਖੇ ਗੰਭੀਰ ਹਾਲਤ 'ਚ ਲਿਆਂਦੀ 17 ਸਾਲਾਂ ਦੀ ਲੜਕੀ ਨੂੰ ਮਿਆਰੀ ਇਲਾਜ ਮੁਹੱਈਆ ਕਰਵਾ ਕੇ ਉਸ ਦੀ ਜਾਨ ਨੂੰ ਬਣਿਆ ਖ਼ਤਾਰ ਟਾਲ ਦਿੱਤਾ ਗਿਆ, ਜਿਸ ਨਾਲ ਲੜਕੀ ਨੂੰ ਨਵਾਂ ਜੀਵਨ ਮਿਲਿਆ ਹੈ | ਹਸਪਤਾਲ ਦੇ ਪ੍ਰਬੰਧਕ ਡਾ. ਜੇ.ਪੀ. ਸਿੰਘ ਨੇ ਜਾਣਕਾਰੀ ਦਿੱਤੀ ਕਿ ਸੁਲਾਤਨ ਪੁਰ ਲੋਧੀ ਦੇ ਪਿੰਡ ਸ਼ਾਹਵਾਲਾ ਵਿਖੇ ਹੜ੍ਹਾ ਕਰਕੇ ਘਰਾਂ ਅੰਦਰ 5-7 ਫੁੱਟ ਤੱਕ ਪਾਣੀ ਆ ਗਿਆ ਸੀ, ਜਿਸ ਕਰਕੇ ਲੋਕ ਘਰਾਂ ਦੀਆਂ ਛੱਤਾਂ 'ਤੇ ਰਾਤਾਂ ਗੁਜ਼ਾਰਨ ਨੂੰ ਮਜਬੂਰ ਹੋ ਗਏ | ਇਨ੍ਹਾਂ ਲੋਕਾਂ 'ਚੋਂ ਜੁਗਿੰਦਰ ਚੌਧਰੀ ਦਾ ਵੀ ਇਕ ਪਰਿਵਾਰ ਸੀ, ਜਿਸ ਦੀ ਧੀ ਮੇਹਰ ਕੁਮਾਰੀ ਜਦੋਂ ਛੱਤ 'ਤੇ ਸੁੱਤੀ ਹੋਈ ਸੀ, ਤਾਂ ਉਸ ਨੂੰ ਇਕ ਜ਼ਹਿਰੀਲੇ ਸੱਪ ਨੇ ਕੱਟ ਲਿਆ |
ਪਰਿਵਾਰ ਵਲੋਂ ਲੜਕੀ ਨੂੰ ਪਹਿਲਾਂ ਨੇੜੇ ਦੇ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਉਸ ਦੀ ਹਾਲਤ ਲਗਾਤਾਰ ਵਿਗੜਦੀ ਰਹੀ, ਆਖਿਰ ਲੜਕੀ ਨੂੰ 2 ਸੰਤਬਰ ਨੂੰ ਸਵੇਰੇ ਕਰੀਬ 10.30 ਵਜੇ ਗੰਭੀਰ ਹਾਲਤ 'ਚ ਉਨ੍ਹਾਂ ਦੇ ਹਸਪਤਾਲ ਪਹੁੰਚਾਇਆ ਗਿਆ | ਡਾ. ਜੇ.ਪੀ. ਸਿੰਘ ਨੇ ਦੱਸਿਆ ਕਿ ਹਸਪਤਾਲ 'ਚ ਉਨ੍ਹਾਂ ਦੇ ਨਾਲ ਡਾ. ਮਿਨਾਕਸ਼ੀ, ਡਾ. ਕੇ.ਐਸ. ਬਾਵਾ, ਡਾ. ਨਿਤਿਨ ਗੁਪਤਾ, ਡਾ. ਗੁਰਪ੍ਰੀਤ ਕੌਰ ਅਤੇ ਪੈਰਾ ਮੈਡੀਕਲ ਸਟਾਫ਼ ਨੇ ਦਿਨ ਰਾਤ ਲੜਕੀ ਨੂੰ ਮਿਆਰੀ ਇਲਾਜ ਦਿੱਤਾ | ਇਸ ਦੌਰਾਨ ਲੜਕੀ ਨੂੰ ਵੈਂਟੀਲੇਟਰ 'ਤੇ ਰੱਖਿਆ ਗਿਆ ਅਤੇ ਸੱਪ ਦੇ ਡੰਗਣ ਦੇ ਪ੍ਰਭਾਵ ਨੂੰ ਖ਼ਤਮ ਕਰਨ ਲਈ ਟੀਕੇ ਲਗਾਏ ਗਏ, ਆਖਿਰ ਹਸਪਤਾਲ ਦੀ ਟੀਮ ਨੂੰ ਕਾਮਯਾਬੀ ਮਿਲੀ ਅਤੇ ਅੱਜ ਲਡਕੀ ਦੇ ਸਿਹਤਯਾਬ ਹੋਣ 'ਤੇ ਉਸ ਨੂੰ ਛੁੱਟੀ ਕਰ ਦਿੱਤੀ ਗਈ ਹੈ |
Ad Position 22
No active advertisement
ਪਿਛਲੀ ਖ਼ਬਰ ਡਿਪਟੀ ਕਮਿਸ਼ਨਰ ਵਲੋਂ ਭਾਰੀ ਬਾਰਿਸ਼ ਕਰਕੇ ਆਮ ਨਾਗਰਿਕਾਂ ਦੇ ਘਰਾਂ/ਫ਼ਸਲਾਂ/ਪਸ਼ੂ ਧਨ ਦੇ ਹੋਏ ਨੁਕਸਾਨ ਦੀ ਜਾਂਚ ਦੇ ਨਿਰ... ਅਗਲੀ ਖ਼ਬਰ ਖੇਡ ਕਾਰੋਬਾਰੀਆਂ ਨੇ ਜੀ.ਐੱਸ.ਟੀ. ਦਰ ਘਟਾਉਣ ਦੀ ਕੀਤੀ ਸ਼ਲਾਘਾ <br/>
Ad Position 24